1 Korint 14:31 - Nobonob Baibel

³¹ Geha ag kobol amu hebeppeg, ag anen anen oh ahan, propet nai mehuqaknu elele daappeg, geha danab oh ag doyak amu aon, ag oh ɠagattag aoglag.

1 Korint 14:31 ပူးပေါင်းရင်းမြစ်များ

Prowerb 1:5

danab nug oiyak ehanittaknu nai tutu, aria keeke danab ag dootteb ii dootteb ele ouaqata ippuanattak nai ele dookkunu, diig amu ohnu amu, oiyak ehanittaknu nai tutu imu am amunu daatte. Aria, danab nug doyak dabmak ena ele, nug daug huma doya, nug nuhig doyak dabmak ena ele nai imuppanu tuɗitta awaɗ! Ge, danab nug oo maittak awaknu ehah ele amu, nug ele nai imuppa ulum awaɗ!

Prowerb 9:9

Na danab doyak dabmak ena ele nai enappa doyak medappe, nug anamib doyak dabmak ena tuɗid ele daakku. Ao, na genab tutukku hak danab laa doyak aokkunu ippunidppe, nug tuɗid ele doyak okkai ele daakku.

Rom 1:12

Da inam dabmettem. Ahilag ooppa genab doyak da ehaniɗeb, amu dahil ooppa genab doyak ag ehanadkkunu ool daatte. Anam dayeb amu ig oh oo ɠagattag qak aognig.

1 Korint 14:19

Da anam hettem, amge Kristen tamaniak qagmakppa amu da nai onig tanig eleppa nai madippi, danab ag oolag maitteb, meu aoglag am enanag. Amge da nai onig 10,000 nai laappa nai madippi, danab ag nai amunu meu ii aoglag am ena iitta.

1 Korint 14:3

Amge danab nug Kayak nai mehuqtte, danab amu nug nai mattieye, danab dilag ooppa genab doyak ɠagattag qedatte, kobol ena dim lamidkkulagnu ɠagattag madatte, amu ag oolagppa maɗoɗ daakkunu ɠagattag ele madatte.

1 Korint 14:30

Am propet laa nug heɗep na dayebeb, Kayak Nug nai ippunidkku dayeb amu, ⌊nug hibaitteb⌋ laa nug nai maditte ele nug oɗe qamutteb, laa amu nug nai madikku.

1 Korint 14:32

Propet ag nai mehuqkkulagnu ⌊nug mehqak ii hemananu⌋, ag Kayak Ouɗinu ehanittakppa ag akka akka anen anen atognoadkkulagnu ɠagattag aotteb.

1 Korint 14:35

Ah ag nai laa diig dooglag oolag dayeb amu, aria ag laulagppa ahilkad danab oɗ matteg! Ah nug Kristen tamaniakppa nai mehuqkku amu, nug kobol elele ii hette.

2 Korint 1:4

Uug oh ihinigppa bette amu, Kayak Nug ig oo mak megakkunu ig oonig aotte. Anam amunu, ig danab uug digdig ele dootteb amu, ig ag oo mak aoglagnu ag oolag aognignu elele daattem.

Epesus 6:22

Da nug ihinignu ag amelagppa ab, ag ig attem daattem dooglagnu, nug ag oolag ɠagattag qedakkunu ele, diig aɗit amunu amu da mei gotte.

Kolosi 2:2

Da ag Kolosi, laa da ii aniɗppig ele, ag diignu doyak tutukku oh en okkai bia aoglagnu, da ag oh oo ɠagattag qak aon, nug oo mauhak ele dooglagnu, da diig amunu uɗat anam hettem. Ag diignu doyak tutukku oh en okkai bia aoglagnu diig am, amuppa ag Kayaknu dabmak lokkumak dayom, amuam Kristus aakkuib dooglag.

1 Tesalonaika 4:18

Anam amunu, ag nai amuppa lailkad ele nug ɠagattag qeig!

1 Tesalonaika 5:11

Anam amunu, ag gemu hetteb amu, ag tuɗidna, anamib henana, akka akka nug ehanidna, nug oo ɠagattag qettak ele heig!

1 Tesalonaika 5:14

O lainkad, ig nai baula tuɗidta, ahilkad dabmak maɗettagnignu ag amelagppa iikku attem. Danab ag bahi yaak doonna, hamu uɗat iitta oitteb ele amu, ag nau aomnanu nai ag amelagppa aig! Laa oo baɗak dootteb amu, ag ɠagattag aqeg! Ag laa ag ɠagattag iitta amu, ag ehanatteg! Danab oh dilagnu amu, ag dagom kobol dim lamidna oiyeg!

1 Tesalonaika 5:20

Laala ag Kayak oɗe aon, ahilagppa nai mehuqtteb amu, ag nai amunu,, “Keeke hamunab,” aib dooppig.