1 Korint 14:30 - Nobonob Baibel

³⁰ Am propet laa nug heɗep na dayebeb, Kayak Nug nai ippunidkku dayeb amu, ⌊nug hibaitteb⌋ laa nug nai maditte ele nug oɗe qamutteb, laa amu nug nai madikku.

1 Korint 14:30 ပူးပေါင်းရင်းမြစ်များ

Job 32:11

Ag nai mattiegeg, da oɗel qamuten daami. Ao, ag diig dooglagnu nai mattiegeg, da daul humen daami. Ag aɗi nai mattiglagnu dabmak aon daaegeg,

1 Korint 14:26

Anam daatte amunu O lailad, ag ahi ettaglagnu qagmena, ag attemtai hekkulag? Ag inam hekkulag. Haen ag oh qagmetteb, laa nug ahiettak laa edakku, laa nug ɠagattag aqaknu nai ippuanadkku, laa nug Kayak nai ippunittom amu mehuqkku, laa nug nai laappa nai madikku, am laa nug nai amu eɗukku. Ag keeke amu oh anam hekkulag, amge ag keeke oh Kristen tamaniak ɠagattag qekkunu heig!

1 Korint 14:29

Propet aɗit o ewam ag anen anen nai mehuqppeppeg amu, laa ag bia amu, ag nai amu epeɗieg!

1 Korint 14:31

Geha ag kobol amu hebeppeg, ag anen anen oh ahan, propet nai mehuqaknu elele daappeg, geha danab oh ag doyak amu aon, ag oh ɠagattag aoglag.

1 Korint 14:6

O lailad, nai imu ag tutukku dabmettan aɗeg! Da ag gumatte ukke, nai laalappa nai madakkul amu, da ag attem ehanadkkul? Iitta, amge da ukken, nai ag dootteb ele, da nai amuppa Kayak Nug da nai aɗi ag amelagppa akkulnu ippuniɗom appi dooglag dayeb, o iitta doyak ena laa appi dooglag dayeb, o iitta propet nai laa appi dooglag dayeb, o iitta da ippunittak nai laa appi dooglag dayeb amu, amuppa da ag ehanadppi, ag Kayak tutukku dooglag.