1 Korint 14:3 - Nobonob Baibel

³ Amge danab nug Kayak nai mehuqtte, danab amu nug nai mattieye, danab dilag ooppa genab doyak ɠagattag qedatte, kobol ena dim lamidkkulagnu ɠagattag madatte, amu ag oolagppa maɗoɗ daakkunu ɠagattag ele madatte.

1 Korint 14:3 ပူးပေါင်းရင်းမြစ်များ

Luk 3:18

Jon nug ena hekkulagnu dabmak maɗettaknu nai kuɗum amubia mehuqaqa, nug nai ena danab ah amelagppa aum.

Aposel 13:15

Juda dilag nai doyak lagnu ikki danab ag ɗo nai yaak amu propet dilag yaak ele ebqewona, dimppa ag Pol, Barnabas ele dilah nai meeg ukke oɗ matan appig. “O lainti, nai laa danab ah ɠagattag aqaglahnu dayeb amu, aria mehuqpeɗ dooglag,” aon appig.

Aposel 14:22

Aa goyaya, aa Kristen ɠagattag aqai, ag ɠagattag daanna oiyegeg, ahilag ooppa genab doyak na qemanu ayaya, inam ele apiɗ. “Ig Kayaknu ɗo maɗoɗ ooppa nokkunignu, ig tatam uug kuɗum aot oignigoitte,” aoya apiɗ.

Aposel 15:32

Amu Judas, Silas ele, aa am propet amunu, aa nai meu ele Kristen ippunadya ɠagattag aqapiɗ.

Aposel 4:36

Ag anam heegeg, danab laa appa dayom, nug onig Josep, nug am Lewi buɗubppan mana mettak danab iitta laa, nug Saiprus ted. Nug onig Josep, amge totol danab ag nug onig Barnabas ataɗppig. Onig amu diig eɗuak amu inam; heeb oolag ɠagattag qak danab.

Aposel 9:31

Aria, amu dimppa amu, laih Juda appa, Galili appa amu Samaria ele, aben amu ohppa haen amuppa Kristen tamaniakppa maɗoɗ dayom. Kayak Ouɗi danab ah amu ehanatta ag oolag ɠagattag qe, ag Naɗinu ebehilag oh bodoetta le meeme, danab ah kuɗum ag Kristen tamaniak ooppa noppig.

Rom 12:8

Danab laa nug nuhig ehah am laikkud oolag ɠagattag qettaknu daatte dayeb, nug amu tutukku haɗ! Amu danab laa nug nuhig ehah am nug laikkud keeke mattaknu daatte dayeb, nug keeke happiak mettaɗ! Danab laa nug nuhig ehah am gumak uɗat haknu daatte dayeb, nug gumak uɗat amu pehettak haɗ! Aria, danab laa nug nuhig ehah am layagnu oo gai-iitta doya oo metta ehanittak haknu daatte dayeb, nug oo gamag ahak enappa ehanittaɗ!

Rom 14:19

Amunu tamaniakppa ig kobol laala, ig kobol amu dim lamittutut, danab laa ele maɗoɗ daattem, amu kobol laala ig kobol amu dim lamidtutut, ig lainkad ele, ig oh ihinig ooppa genab doyak nug ɠagattag qedattem, ig kobol amuib dim lamidta hetu!

Rom 15:2

Ig anen anen ig lainkad ag ena bekkulagnu ehanadta, ag geha ɠagattag aoglagnu daattem.

1 Korint 10:23

Da keeke oh hekkulnu ib daatte, amge keeke oh da ii ehaniɗtteb. Ge, da keeke oh hekkulnu ib daatte, amge keeke oh amu heppeg, da ɠagattag ii daapa.

1 Korint 14:12

Amu ag ele anamib. Ag ele Kayak Ouɗinu ɗo hamu mettak aoglagnu oolag huana daatte amunu, Kayak Ouɗi Nug ag Kristen tamaniak ɠagattag madakkunu ɗo hamu mettak amu ag anen anen madatte amu, ag ɗo hamu mettak amu elelenab hekkulagnu wagai meig!

1 Korint 14:17

Na hettem am genab, na Kayaknu ena heme aon amegppa ana, binag mettem, amge danab laa oo ɠagattag qettak ii aotte.

1 Korint 14:26

Anam daatte amunu O lailad, ag ahi ettaglagnu qagmena, ag attemtai hekkulag? Ag inam hekkulag. Haen ag oh qagmetteb, laa nug ahiettak laa edakku, laa nug ɠagattag aqaknu nai ippuanadkku, laa nug Kayak nai ippunittom amu mehuqkku, laa nug nai laappa nai madikku, am laa nug nai amu eɗukku. Ag keeke amu oh anam hekkulag, amge ag keeke oh Kristen tamaniak ɠagattag qekkunu heig!

1 Korint 14:31

Geha ag kobol amu hebeppeg, ag anen anen oh ahan, propet nai mehuqaknu elele daappeg, geha danab oh ag doyak amu aon, ag oh ɠagattag aoglag.

1 Korint 8:1

Aria, dimittimnu danab, ag Jesusnu oolagppa genab ii dootteb ele, ag doɗ main kayak hambuppuak dottolkad madatteb amu, ig Kristen ig teppu amu lakkunigtai, o iittatai, imu am amunu nai. Ig doottem, ig oh am keeke amunu doyak ele, amge doyak ⌊nukka dayeye, oo mauhak ulum ii medatte dayeb,⌋ doyak am heeb, danab nug doyak ele dada danab bette. Amge layagnu oo mauhak kobol am danab oo ɠagattag qedatte.

2 Korint 1:4

Uug oh ihinigppa bette amu, Kayak Nug ig oo mak megakkunu ig oonig aotte. Anam amunu, ig danab uug digdig ele dootteb amu, ig ag oo mak aoglagnu ag oolag aognignu elele daattem.

2 Korint 2:7

Amunu uug naunab danab amu tonamanu, ag bu mettak amu uuna, ag nuhig hipunin amu uhuqna mettan, ag oo mekkunu nug oo aweg!

Epesus 4:29

Nai uɗig wak laa ag oɗelagppa aib beum. Iitta. Nai ena danab ɠagattag madatte, danab ehanadtte, nai amuib ag oɗelagppa baɗ! Amuppa danab ag ahilag nai dootteb ele amu, ehanittak mattaglagnu elele.

Epesus 6:22

Da nug ihinignu ag amelagppa ab, ag ig attem daattem dooglagnu, nug ag oolag ɠagattag qedakkunu ele, diig aɗit amunu amu da mei gotte.

Kolosi 4:8

Nug ukka, ag amelagppa ab, ag ig attem daattem dooglagnu, nug ag oolag ɠagattag qedakkunu ele, diig aɗit amunu amu da mei gotte.

1 Tesalonaika 2:11

Ag dootteb, ig ag anen anen, danab laa nug bekkod bahi aqatte bia, ag bahi aqatta,

1 Tesalonaika 2:3

Mattiak ig mehuqttem ele, amuam dabmak hambuppuakppanu, o diig ena iittappanu, o bubuittak kobolppanu ele ii bette.

1 Tesalonaika 3:2

Timoti, nug ig lainig, nug am Kayaknu maɗi nid, Jesus Kristusnu Nai Ena mehuqaknu danab ele amu, ig nug ag ɠagattag aqakkunu, ahilag ooppa genab doyak ele ehanidkkunu, am laala ag uug naɗi mawak haen imuppa ag oolag meppeg ta, meppeg nemanu ele nug meuɗ ukkom. Ag tutukku dootteb, Kayak Nug ig Kristen ig oh uug amubia maognignu tituanikkom.

1 Tesalonaika 4:1

Ao ig lainkad, ig kobol Kayak oo niitte bia, ag amuppa oiglagnu ippunadmut amu, ag amu dim lamidtteb. Gemu amu, ig Naɗi Jesus onigppa ag huana dim lamidkkulagnu ahilkad dabmak maɗedattem.

1 Tesalonaika 4:18

Anam amunu, ag nai amuppa lailkad ele nug ɠagattag qeig!

2 Tesalonaika 3:12

Amu Naɗi Jesus Kristus onigppa ig haknunab nai imuppa, dabmak maɗettaknu nai imuppa ele, ig danab kobol ena ii hetteb ele amelagppa inam attem. “Ag toɗoɗugna daanna, ag akka ee awaknu uɗat henana, amuppa ag ee aon laig!”

1 Timoti 1:4

Laa ele, ag kaya hamu, amu alalkad memetalkad onilag kuɗumnab batak iitta amu, amunuib aib dabmenana madippig. Ag keeke aɗit amu mattinna, tamaniak ooppan danab ah dilag dabmak kabolitteb. Nai ag maditteb ele amu, Kayaknu uɗat ii ehanidtte. Iitta. Kayaknu keeke am ooppa genab doyak, ib amuppaib bette.

1 Timoti 4:13

Na da amel mettem, haen imuppa amu, na tamaniakppa Kayak nai ebqak uɗat henana, amunu mehuqna, ippunittak ele matte!

1 Timoti 6:2

Begbeg maɗi nid ag Kristen daatteb, ahilkad okkai ag ele Kristen daatteb dayeb amu, ag oh eamakkud daatteb bia, diig amunu ag begbeg maɗi nid ag ahilkad okkainu ena elele doyak uun, ii hemananu aib heppig. Iitta. Ag anen anen ahilag uɗatppa ag laa Jesusnu ooppa genab dootte, Jesus nuhignu oo mauhtte ele, ag nug ehanidtteb amunu, ag uɗat elelenab hekkulagnu daatteb. Na ag anam ippunadna, dabmak maɗettaknu nai a!

2 Timoti 4:2

Na amunu dabmak aonna, nai nuhig mehuqe! Danab ag nahip nai dooglagtai o iitta iitai doomna, amge na haen oh Kristusnu nai mehuqe! Haen oh ag Kayaknu kobol dim lamidkkulagnu na ag toliadna, daulag batan, oolag ɠagattag ele aqe! Na amu henana amu, na oo maɗoɗ doon, ippunittak ele pehettaknab he!

Taitus 1:9

Nug danab ah ippunittak nai genab ena eleppa oolag ɠagattag qekkunu, nug ɗo tappe nak danab nai amuppa toliadkkunu, nug nai danab aun aɗi ag nai amunu oolagppa genab doon ib ii apiɗidmana, tamaniak dilag ikki danab ag nai amu danab ah ippunatteg uɗie, gemu ele hetteb amu, nug nai amu ɠagattag aɗaɗ!

Taitus 2:15

Na nai amu haen oh danab ah ippunadkkut. Na hekkutnu ehah aome daattemppa, na danab ah oolag ɠagattag qettan, ag daulag ele batakkut. Nahip hakppanu, nahip oiyakppanu ele laa nug nahipnu ena iinab doomanu, na enaib oiye!

Taitus 2:6

Amubia na danab bau ag ele akka ag ahilag oiyak pehettak atognoak kobolppa oiglagnu appe doyeg!

Taitus 2:9

Aria, begbeg maɗi nid dilagnu amu, ag ahilkad okkai ag Kayak, Nug ig eɗua awikkom ele amu, ag ib ohppa nuhig nai binag mekkulagnu begbeg maɗi nid ag ahilkad okkai waalagppa daanna, uɗat oh ahilkad okkai oolag ena daakkunu hena, ag dagom daanna, ahilkad okkai dilag nai dim lamidna, ag ahilkad okkai dilagppa yabhok ii hemana, ag ahilkad okkai ag ahilagnu oolagppa genab dooglagnu elele daatteb dooglagnu enaib hekkulagoitte.

Hibru 10:25

Amu ig laala ag hetteb amubia ig Kristen lainkad ele qagmak laippu haknu kobol ii uumta. Iitta. Ig qagmetata, lainkad oolag ɠagattag aqatu! Ig Kristusnu deɗ miag doum daatte anidttem amunu, ig uɗat amu tuɗidta huana hetu!

Hibru 13:22

O lailad, uɗug imu tutuib yaami amunu, ag daulag human, ena haknu dabmak maɗettaknu nai yaami imu, ag dooglagnu oɗ madattem.

Hibru 3:13

Ag gemu haen imuppa Nug baag dooglagnu elele daatteb amunu, Nug haen imunu, “Gemu,” awa atte amunu, ag haen imuppa deɗ ohppa eheɗ hak kobol laa ag oolag bubuitteb, ag oolag ɠagattag eppamnanu amu, ag ag lailkad Nai Ena amelagppa mattinna, dabmak ahilag maɗatteg!

1 Pita 5:12

Amu da Silas, da nug am ig lainig, nug oo metta ii uuak kobol dim lamidtte doottem amu, da nuhig ehanittakppa da nai tutu imu ahilagnu yaami. Ad uɗug imunu amu, da ag ɠagattag aqakkulnu, da ag nai da yaami am Kayaknu ehanittak okkai hamu mettak genab ippuanadtte, da amu ele ippuanadkkulnu aakku yaami. Ag aguppa ɠagattag dayeg!

Jut 1:20

Amge O lailad, ag oolag ɠagattag qettan, ooppa genab doyak oppiaawak ele ahilag aɗeg! Ag hanhan Kayak Ouɗinu ɠagattagppa unuqitteg!