1 Korint 14:27 - Nobonob Baibel

²⁷ Am laala ag nai laappa nai mattiglagnu hetteb, aria aɗit o ewam aakkuib ag anam hekkulagnu am elele, amge ag oh haen laippu aib madippig. Iitta. Laa tatam mattieb, laa mattiaɗ! Am laa nug nai amu eɗukkuoitte.

1 Korint 14:27 ပူးပေါင်းရင်းမြစ်များ

1 Korint 12:10

Am Nug laa ehah mette, nug kobol danab hekkunu elele iitta ele, nug hekkunu elele daatte. Laa nug propet nai mehuqkkunu ehah amu medatte. Am laa nug ouɗi digdig epeɗiadkkunu ehah amu medatte. Am laa nug nai laappa nai madikkunu ehah medatta, Nug laa nug nai amu eɗukkunu ehah amu medatte.

1 Korint 14:13

Diig amuppa amu, danab laa nug nai laappa Kayak nai mehuqtte amu, nug Kayak ɠagattag metteb, nug nai amu eɗukkunu elele daakkunu unuqittaɗ!

1 Korint 14:2

Aɗinu? Ig doottem, danab nug nai laappa nai maditte, nug danab ah ele nai ii madatte. Iitta. Danab ag nai amu ii dootteb amunu, nug Kayakib amegppa atte. Kayak Ouɗi he, nug Kayaknu dabmak lokkumak daatte, nug amu maditte.

1 Korint 14:26

Anam daatte amunu O lailad, ag ahi ettaglagnu qagmena, ag attemtai hekkulag? Ag inam hekkulag. Haen ag oh qagmetteb, laa nug ahiettak laa edakku, laa nug ɠagattag aqaknu nai ippuanadkku, laa nug Kayak nai ippunittom amu mehuqkku, laa nug nai laappa nai madikku, am laa nug nai amu eɗukku. Ag keeke amu oh anam hekkulag, amge ag keeke oh Kristen tamaniak ɠagattag qekkunu heig!

1 Korint 14:28

Kristen tamaniak qagmakppa laa nug nai laappa nai mattieb, laa nug nai amu eɗukkunu ii dayeb, danab nug nai maditte ele amu, nug oɗe qamutaɗ! Nug ooppaib nai amu Kayak amegppa mattiaɗ!

1 Korint 14:5

Ag oh nai laalappa nai mattiglagnu ool daatte, amge ag propet nai mehuqkkulagnu da ool huana daatte. Danab nug propet nai mehuqtte ele, ⌊uɗat nuhig am⌋ danab nai laalappa nai maditte ele, ⌊nuhig uɗat⌋ eɗidtte. Keeke laippu aakkuib, danab nug nai laalappa nai maditte ele, nug nai amu Kristen tamaniak ag oolag ɠagattag qedakkunu eɗueb, nug propet nai mehuqak danab bia daakku.