1 Korint 14:20 - Nobonob Baibel

²⁰ O lailad ag dabmaknu amu, ag nid naunau, dabmak tutuib aon oitteb, amubia ag aib oippig, amge ag hipuninnu amu, ag nid yuɗ, hipunin doonna ii hetteb, amubia ag hipunin aib heppig. Ag danab okkai dilag dabmak aon oiyeg!

1 Korint 14:20 ပူးပေါင်းရင်းမြစ်များ

Nehemaia 4:13

Anam amunu, da danab ag baelkadppa anen anenppanu maatti, ag ban, qep elab, lat ele aɗan, ag aben laala aɗ heeg attan ii teumppa, kekeɗ ag aben amuppa aɗ letan, aab ooppa nokkulagnu ib ena daatte, ag appa daappig.

Sam 119:99

Da hanhan nahip ɗonu dabmak unuqag awewe daattem amunu, dahil doyak dabmak ena ele am ippunittak danab dilag eɗidtte.

Aisaia 11:3

⌊Yawenu Ouɗi amu geha Jesi buɗubppan laa, nuhigppa dayebeb,⌋ Jesi buɗub nug Yawenu ebehi oh bodoetta le mekkunu enanagnab dookku. Nug geha gaɗappaib neekkakppa danab ah dilag nai doya mala, hettoɗia, epeɗia, elele ii mettama. Ge, Nug ulah naippa danab ah dilag nai doya mala, hettoɗia, epeɗia, elele ii mettama.

Jeremaia 4:22

Amu Yawe Nug atte. “⌊Imu bekkunu diig am,⌋ dahilad danab ah ag da dab-ii-meɗan ii dim lamiɗtteb ele. Ag da ii dooiɗtteb. Ag nid naunau, kaaka hetteb bia hetteb. Ag diignu doyak tutukku laa iitta. Ag eheɗ hekkulagnu doon autna aotteb. Ag ena hekkulagnu ib ii dootteb,” awa atte.

Matyu 11:25

Jesus Nug haen amuppa nai amu mattia malowa Nug aum. “O Mame, na hab wan ele dilah Okkai daattem, amu na ⌊wan imuppan dabmakppa⌋ danab laala ag doyak dabmak ena ele, danab laala sul okkai heppig ele, na amu dilagppa keeke imu lokkumna, nid naunau ippunadme amunu, da na onin humattem.

Matyu 18:3

Nug aum. “Da genab ag amelagppa attem, ag oolag ii eɗueb, ag nid naunau ag ⌊mamelkad waalagppa⌋ daatteb bia ⌊Kayak waappa⌋ ii daaglag amu, ag Kayaknu ɗo maɗoɗ ooppa iinab nomana.

Matyu 19:14

Nakok alatteg, am Jesus Nug aum. Danab ag nid naunau bia daatteb, ag am Kayaknu ɗo maɗoɗ ooppa daatteb amunu, ag nid naunau uuadppeg, dahilppa doig! Ag ib ahilag aib oo neppig.

Matyu 19:4

Aeg amu Jesus Nug nob ma aum. “Ag Kayak naippa nai iite ebqeppig? Nai amuam inam. ‘Tatam keeke oh heum haenppa Kayak Nug danab ah haatom amu, Nug laa am danab, laa am ah haatom.’

Mak 10:15

Da genab ag amelagppa attem. Danab nug Kayaknu ɗo maɗoɗ nid nakok aotte amubia ii aokku amu, nug Kayaknu ɗo maɗoɗ iinab noma,” awa aum.

Luk 18:17

Anam ana, Nug amelagppa aum. “Da genab ag amelagppa attem. Danab nug Kayaknu ɗo maɗoɗ nid nakok aotte amubia ii aokku amu, nug Kayaknu ɗo maɗoɗ ooppa iinab noma,” awa aum.

Rom 1:13

O lailad, da ag imu doon autna aoglagnu ool daatte. Haen kuɗum da uɗat dahilppa, da iitta aɗi danab laala ehanatti, ag ele Kayak baekkudppa daatteb, amubia da ag Rom daatteb, ag ele ehanadkkulnu ool dayom amunu, da ahilagppa gokkulnu dabmemi, amge haen oh keeke laa nug da ippul oo neum.

Rom 16:19

Ag Rom danab ag Kayak oɗe dim lamidtteb amu, nai amu danab oh ag doon malappig daatteb amunu, da ahilagnu maɗoɗppan gamag ahak okkai doottem, amge da ag kobol enanu doyak dabmak ena ele dim lamidna kobol amu hena, kobol tutukku iittanu amu nakok laa ii helobnu ool okkai daatte.

1 Korint 13:11

Amu haen da nid nakok dayeye, da nid naunau dilag nai mattimi. Nid naunau keeke dabmedatteb anam da dabmettami. Da nid naunau keeke diig dooglagnu dabmetteb bia, da keeke diig dooglagnu dabmemi. Amge dimppa, da danab okkai mewoya, da nid nakok dilag kobol amu oh da eɗitten, danab okkai dilag dabmak amu da awen daattem.

1 Korint 14:19

Da anam hettem, amge Kristen tamaniak qagmakppa amu da nai onig tanig eleppa nai madippi, danab ag oolag maitteb, meu aoglag am enanag. Amge da nai onig 10,000 nai laappa nai madippi, danab ag nai amunu meu ii aoglag am ena iitta.

1 Korint 2:6

Imuam genab, ig danab Kayak kobolnu kalulag mettak ele, ig ag amelagppa nai doyak dabmak ena ele mehuqttem. Amge nai doyak dabmak ena ele amu, amuam wannu haen imuppan danab dilag doyak dabmak ena ele iitta. Amu wan imunu ikki, ahilag ele iitta. Ag am iitta mekkulag.

Epesus 4:13

Uɗat amu ukkeb ukkeb, ig oh oonigppa genab doyaknu, ig oonig laippu meta, Kayak Bekkanu doyak laippu aota, danab kalunig ele beta, ig Kristus bia bekkunig.

Pilipai 1:9

Amu da ahilag oo mauhak kobol am okkai meebeb, amu ahilag doyak, ahilag diignu doyak tutukku ele aa ele okkai mepeɗ daaglagnu Kayak unuqidttem.

Pilipai 3:15

Amu ig oh ig danab kalunig ele daattem amu, ig da nai ami amubia dabmetu! Amu ag dabmak laa ele, dahil bia iitta daappeg amu, Kayak Nug nukka ahilag dabmak tutukku medakku.

1 Pita 2:2

Amu ag danab laa nug ee enanag laa lana enanag dootte, amubia ag Naɗinu enanag doona, ag Nug bekkod daatteb amunu, ag ena mekkulagnu, nid yuɗ ag huh aoglagnu oolag okkainab daatte amubia, ag Kayak nai, ag amu dooglagnu oolag dayaɗ!

2 Pita 3:18

Amge ihinig Naɗi Jesus Kristus, Nug am ihinig Padal ii maknu ehanittak daatte, ag nuhig ehanittak okkai hamu mettak, amu nuhig doyak ena ele, amu waappa ena daanna, amuppa okkai mekkulagnu uɗat heig! Ig Nug binag naɗi gemu, haen oh ele metu! Genab.