1 Korint 14:1 - Nobonob Baibel

¹ Oo mauhaknu kobol anam daatte amunu, ag hanhan danab ah laa dilag oolag mauhkkunu wagai menana, aria ag Kayak Ouɗinu ɗo hamu megatte amu ag aoglagnu oolag dayaɗ! Amge ɗo hamu mettak anuqak amu ag propet nai mehuqaknu, ag amu aoglagnu wagai meig!

1 Korint 14:1 ပူးပေါင်းရင်းမြစ်များ

Prowerb 15:9

Yawe Nug nau hak danab dilag oiyaknu ooppa uuaknab dootte; amge Nug danab ag genab tutukku hak kobol dim dim lamidtteb, Nug ahilagnu oo mauhtte.

Prowerb 21:21

Aun laa nug genab tutukku hak kobol, oo mauhaknab kobol ele dim lamidtte; nug bau dayak, keekenu elelenab dayak, aria binag okkai ele aɗalatta oitte.

Aisaia 51:1

Yawe Nug atte. “Ag laa, ag genab tutukku hak kobol dim lamidna oiglagnu hetteb, ag da, Yawe, ag da aniɗna dim lamiɗkkulagnu mattiɗtteb ele amu, ag dahil nai doyeg! Men naunau kuɗum men okkai laippuppanu netteb, amubia ag alalti Abraham, Sarah ele aa am ahilag men okkai bia daaeheh, ag ahilahppanu uɗippig daatteb. Anam amunu, ag men laa, ag amuppanu neppig oitteb ele, ag men amu eɗun neekkitteg! Ao, ag men kuɗum awak aben, ag amuppanu uɗippig oitteb ele, ag amu eɗun neegna antteg!

Rom 12:6

Kayak Nug ig anen anen uɗat laala hekkunignu ehah mekkom amunu, danab laa nug nuhig ehah am propet nai mehuqaknu daatte dayeb, nug ooppa genab doyak nuhig dim lamitta nai mehuqaɗ!

Rom 14:19

Amunu tamaniakppa ig kobol laala, ig kobol amu dim lamittutut, danab laa ele maɗoɗ daattem, amu kobol laala ig kobol amu dim lamidtutut, ig lainkad ele, ig oh ihinig ooppa genab doyak nug ɠagattag qedattem, ig kobol amuib dim lamidta hetu!

Rom 9:30

Amunu ig inam aot akkunig. Iitta aɗi danab ag Kayaknu genab tutukku hak kobol aoglagnu uɗat ii heppig, amge ag genab tutukku hak kobol amu aoppig. Kayaknu genab tutukku hak kobol, amu awaknu ib am ooppa genab doyak.

1 Korint 12:1

Aria, keeke laa imu ele iikku yaakkulnu hettem. O lailad, Kayak Ouɗinu ɗo hamu mettak Nug megatte amu, da ag amunu oolag maidkkunu ool daatte.

1 Korint 12:31

Anam amunu, ag Kayak Ouɗinu ɗo hamu mettak okkai aoglagnu oolag hette, amge da geha iikku ib enanagnab ippunadppi dim lamidkkulagnu hettem.

1 Korint 13:13

Amunu ib ewam imu daatteb; ooppa genab doyak kobol, ena bekkunu dabmak aɗa oiyak kobol, aria laa dilagnu oo mauhak kobol ele aakku. Ib ewam amu oh daatteb, amge ib ewam amu oh oolagppa ib anuqaknab daatte, amuam laa dilagnu oo mauhak kobol.

1 Korint 13:2

Amu da propet nai madikkulnu, Kayaknu dabmak lokkumak oh amu doyak oh ele dookkulnu elele daattem dayeb, dahil ooppa genab doyak ɠagattag daakku dayeb, amuppa da qauko heppi, laih wakkunu ele hekkulnu elele daattem dayeb, amge da laa dilagnu oo mauhak ii doottem dayeb amu, da keeke hamu bia daattem.

1 Korint 14:22

Amuppa ig doottem, nai laappa mattiak, amuam ooppa genab doyak danab ehanadkkunu ii daatte. Iitta. Kobol amuam danab ag oolagppa genab ii dootteb ele, ag amuppa ⌊Kayak hettenu⌋ at anidna oolag maitteb, ag oolag eɗukkunu daatte. Amge propet nai mehuqak, amuam danab ag oolagppa genab ii dootteb ehanadkkunu ii daatte. Iitta. Kobol amuam danab ag oolagppa genab dootteb ele, ag amuppa ⌊Kayak hettenu⌋ at anidna oolag maitteb, ag ɠagattag aqakkunu daatte.

1 Korint 14:37

Danab laa nug, “Da am propet,” dabmette dayeb, o nug, “Kayak Ouɗi Nug dabmak ippuniɗtte,” dabmette dayeb amu, aria nug nai da ahilagppa yaattem imu, nug amunu, “Naɗinu ɗo anam daatte,” ele anaɗ!

1 Korint 14:39

Amunu O lailad, ag propet nai mehuqkkulagnu, ag uɗat amu aoglagnu ɠagattag heig! Laa ele amu, ag nai laalappa nai mattiglagnu aib ɗo meppig,

1 Korint 16:14

Ag keeke oh henana, ag oo mauhak doonna ag heig!

Epesus 1:3

Ig Kristusnu daattem amunu, Kayak Nug ig hab aabppanu itittak ena oh mekkom. Anam amunu, ig Nug, Nug am ihinig Naɗi Jesus Kristus Mameg amu, ig Nug binag metu!

1 Tesalonaika 5:20

Laala ag Kayak oɗe aon, ahilagppa nai mehuqtteb amu, ag nai amunu,, “Keeke hamunab,” aib dooppig.

1 Timoti 4:14

Haen tamaniaknu ikki danab ag eppelag na baɗenppa meeg, propet nai laa nahipnu mattieg, na Kayaknu uɗat hekkutnu ehah aome amu, na uɗat amu daut aib atiom; aib uume.

1 Timoti 5:10

amu danab ah laa ag nug kobol ena heum, nug nuhikkud nid ena atognoatta omalattom, nug ehanittak kobol dim lamittom, nug Kayaknu danab ah oppiaawak ele atognoattom, nug laa qagaiettakppa daaegeg ehanattom, amu nug kobol ena laala kuɗum heum ele anidtteb dayeb amu, ah qab amu na nug onig ah qab laa, ehanittak aoglagnu onilag ele laippu ye!

1 Timoti 6:11

Amge na Kayaknu danab, na keeke amu oh dimettan, awaidna daye! Na genab tutukku hak kobol, kobol Kayak Nug amunu oo hette, ooppa genab doyak kobol, nug oo mauhak kobol, ɠagattag dayaya uug oh mawaknu kobol, oo bodoettak kobol ele aɗan oiye!

2 Timoti 2:22

Amu nid bau dilag dabmak eheɗ nahip dabmakppa beeb amu, na tabappe naɗ! Na kobol genab tutukku, ooppa genab doyak kobol, oo mauhak kobol, amu maɗoɗ kobol ele, laala ag oolag tutukku ele, ag kobol nau uun, kobol ena amu oh aɗan, Naɗi onigppa etteb ele amu, na ag hetteb amubia he!

Hibru 12:14

Amu ag danab laala ele ag oh maɗoɗ ele daanna oiglagnu uɗat ɠagattag hena, ag oppiaawak kobolppa daaglagnu ele wagai meig! Aɗinu? Danab laa nug oppiaawak iitta ele, nug Naɗi anidkkunu elele iitta.

2 Pita 1:7

Amu ag lailkad ele layam ena daaglagnu kobol aona, ag genab tutukku hak kobol ele ouaqateg! Amu ag oo mauhak kobol aona, lailkad ele layam ena dayak kobol ele ouaqateg!

3 Jon 1:11

O lai gamal, kobol nau aib dim lamidme. Na kobol tutukku ena amu dim lamitte! Laa nug kobol ena hette, nug Kayak ele laippu daattep. Am laa nug kobol nauppa oitte amu, nug Kayak ele laippu iinab daattep.

1 Samuel 10:5

Keeke amu beeb, dimppa amu na gona, Kayaknu aab Gibea, Pilistia danab ag appa daup dayaknu aben bappaidppig daatteb amu, na gona, aab amu gukkuidppeppe, propet danab laala ag aabnu mettid lag nakokppanu nebeppeg, huu laa ag propet noolag aon, musik haknu keeke digdig onig laia, tambarin, dumuttum, harp ele hebeppeg amu, propet ag propet nai mattiglag.