1 Korint 13:7 - Nobonob Baibel

⁷ Danab nug oo mauhak dootte ele nug uug oh maotte, nug hanhan ooppa genab doyak ele oitte. Nug hanhan Kayak nug ehanidkkunu dabmak aɗa daatte. Nug uug doyaya eɗittaknuib dabmak hanhan aotte.

1 Korint 13:7 ပူးပေါင်းရင်းမြစ်များ

Genesis 29:20

Anam a, Jakop nug maɗ eblaih aɗit ele Rahel aokkunu uɗat heum. Nug Rahelnu oo mauhom amunu, maɗ eblaih aɗit ele amunu amu, nug deɗ laippu laippu bia doyom.

Job 13:15

Da amu hekkulnu diig am inam. Kayak heeb, da mauhkkultai, amge anam bekkunulob, da Nug ehaniɗeb, da eɗuen ena daakkulnu dabmak aɗe daattem; da Nug amegppanab da dahilnu nai madippi, Nug dookku oolppa genab doottem.

Sam 119:66

Da nahip ɗo ag da aɗi hekkulnu ippuniɗtteb oolppa genab doottem amunu, na doyak, ena haknu dabmak ena ele ippuniɗkkutnu oɗ medattem.

Prowerb 10:12

Laa dilag nau ninig ele doyak kobolnu amu, kobol amuppa nug qak aakku bette; amge oo mauhak kobolnu amu, kobol amuppa laa nug layag nug hipunin nuhignu heum amu, nug hipunin amu oh uhuqa medatte.

Matyu 10:22

Da onil ahilagppa daatte amunu, danab oh ag oolagppa ahilagnu nau ninig ele dooglag, amge laa nug ɠagattag dayebeb ukkeb, keeke oh ba maleb, haen amuppa ele nug ɠagattag daakku amu, nug padal ii mema.

Mak 9:23

Nug anam a amu Jesus Nug aum, “Da hekkulnu elele, amge na amunu ootppa genab doottemte? Danab nug ooppa genab doyak ele amu, nug keeke oh hekkunu elele,” awa aum.

Rom 15:1

Ig danab ig oonigppa genab ɠagattag doottem ele, ihinig uɗat am danab ag oolagppa genab ɠagattag ii dootteb ele ag ehanadkkunignu daatte. Ag akka ahilag uug maoglagnu elele iitta amunu, ig ehanadta, uug ahilag maotu! Amu ig ikka ig aɗi hekkunignu oonig daatte amu, ig ihinig dabmak amuib aib dim lamidta oimut.

Rom 8:24

Kayak Nug ig eɗua awikkom, amu gemu ig amu gogppa tekkunu dabmak aɗat daattem. Amge ig amu gogppa taknu dabmak aɗat daattem ele, ig amu anidta malalom, gogppa taknu dabmak aɗa dayaknu uɗat laa tuɗitta ii daalo. Danab nug gogppa tak anttom ele, nug aɗinu tuɗitta gog taknu dabmak aɗa daakku?

1 Korint 13:4

Danab nug oo mauhak dootte ele, nug laa dilagnu paha eheɗ ii dootte, amu nug laa dilagnu oo bodoettak dootte. Nug laanu ameg qe oo elele ii dayak kobol ii hette. Nug nukka onig ii humatte, nug dada ii hette.

1 Korint 9:12

Danab laala ag ahilagppa dim goppig. Ag gona, nai mehuqegeg, ag keeke madatteb amunu, ig ahilagppa keeke aognignu elelenab daattem. Amge keeke ig aolomnu elele amu ig ii aomut. Aɗinu? Ig keeke amu aolom amu, Kristusnu Nai Ena ag aon oolagppa genab dooglagnu ib am oo nekkunigtai amunu, uug laala oh amu ig aakku maottem.

Galesia 6:2

Ag nug ehanittak henana, uug ahilkad maweg! Ag kobol amu henana, ag Kristusnu ɗo elele dim lamidkkulag.

Duteronomi 1:9

Haen amuppa da ag amelagppa ami. “Da dakka, da ag mawatten gumadkkulnu elele iitta.

Duteronomi 22:27

Amu ah nug aɗitai eheɗ laa mauhkunu ii heumnu diig am, danab nug ah ele atu laih gappai aoglahnu he, ah nug gayaya eum, amge auntai laa ehanitteb, eheɗ laa nuhigppa ii bemanu am iitta.

2 Tesalonaika 1:4

Anam amunu ig ahilag kekeɗ ag ahilagppa kobol nau kuɗum heegeg, ag amunu uug doonna eɗittaknuib dabmak aotteb, ahilag ooppa genab doyak ele ii paɗatteb amu, ig amu dootta, ig amunu Kayaknu Kristen tamaniak ohppa ag binalag mettem.

2 Timoti 2:24

Naɗinu maɗi nid nug am nug mehqak kobol ii hema. Iitta. Nug danab ah oh noolagppa oo bodoettak ele daakkuoitte. Nug ippunittak danab ena daakkuoitte, amu nug dagom ele dayaɗ!

2 Timoti 3:11

Amu danab ag Antiok, Aikoniam, Listra appa dahilppa kobol nau kuɗumppa eheɗ heiɗna, guittak ele meɗappig amu, keeke amu ohnu amu na doottem. Ag eheɗ heiɗak amu oh heppig, amge uug amu ohppa Naɗi Nug da ehaniɗe, da ii nauhe autenab aomi.

2 Timoti 4:5

Amge nahipnu amu, na haen oh dabmak amahlak ele daye! Uug haenppa na ɠagattag daanna oiye! Kayak nai mehuqak uɗat am na he! Na Kayaknu mehuqak danab daakkutnu amu, na aɗi uɗat hekkutnu daatte amu na he!

Hibru 13:13

amunu ig ele aab okkainu aɗ dimittim nuhigppa gota, Nug uɗa nak guittak ele Nug mawom bia maotu!

Jems 1:12

Danab nug ma anttak awawa, uug doyaya eɗidkkunuib dabmak awak kobol dim lamidtte amu, nug itittak ena awom daatte. Aɗinu? Nug ma anttak amu eɗitteb amu, Kayak Nug nob ena, bauklel hanhannu medakku. Kayak Nug danab oh ag nuhignu oolag mauhtte ele amu, Nug ag bauklel amu madakkunu nai qakka aum amunu, geha madakku.

1 Pita 2:24

Ig hipuninnu begbeg maɗi nid daamtanu, ig Kayak dim lamidta genab tutukku hak danab daagnignu, Jesus Nug ihinig hipunin oh ad emaitakppa mawom. Genab, Jesus nug guittak awe, ig amuppa elele daattem.

1 Pita 4:8

Ag lailkad dilag huana oolag mauhkkunu dabmak ahilagppa anuqak dayaɗ! Aɗinu? Layagnu oo mauhak kobol nug kobol eheɗ kuɗum tone iitta mette.