1 Korint 13:6 - Nobonob Baibel

⁶ Danab nug oo mauhak dootte ele, nug kobol eheɗnu enanagnab ii dootte. Iitta. Nug kobol doyak diig genabibppanu, nug amunuib maɗoɗppan gamag ahak dootte.

1 Korint 13:6 ပူးပေါင်းရင်းမြစ်များ

Sam 10:3

Aɗinu? Nau hak danab ag eheɗ henana, en kuɗum aoglagnu dabmenana, ag amu haknu ag akka binalag metteb. Ao, ag danab baubau awaknu hik qak kobol dim lamidtteb binalag mena, ag Yawe Nug eheɗ laa awaknu anak waappa daakkunu anan, dimedatteb.

Sam 119:136

Danab ah ag nahip ɗo ii dim lamidtteb amunu, da gaai gaai, amel leb huana nette.

Eksodas 18:9

Jetro nug Yawe Israel danab ah Isip eppelagppanu eɗua diiomnu nai amu oh doya, nug enanagnab doyom.

Prowerb 14:9

Danab ag Kayak dab-ii-menan ii dim lamidtteb ele, ag laanu keeke yab aoppigtai, guittak madappigtai, aɗi kobol nau anambia laa heppig amu, ag bappaidkkulagnu iinab dabmetteb, ag kobol amunu aon aon qedatteb; amge genab tutukku hak danab ag eppelagppa uug beum daatte amu, ag amu bappaidkkulagnu heegeg, Kayak Nug kobol amunu ena dootte.

Jeremaia 13:17

Amge ag nuhig nai dooglagnu uun, ii dim lamidkkulag dayeb amu, ahilag dada hak, diig amunu, da dakka piɗe dayeye gaakkul. Ge, ag Yawenu danab ah, ag nai dooglagnu uun, ii dim lamidkkulag dayeb amu, ahilag hak nau, diig amunu kekeɗ ag uɗin, eɗadna, aɗualadna diin goppeg, ag wan laappa diia ukka laih me dayak danab ah daaglag amunu, da eheɗ gaappi, da amel leb huanak nekku.

Jeremaia 20:10

Danab ah ag dahilnu otiptip-ppa mattiegeg doomi. Ag atteb. “⌊Nug ig padal mekkunignu, nug amuib maditte.⌋ Nug mattieye, nai amu he, danab ah oh ag eheɗ nau baɗatteb amunu, ig okkai danab amelagppa nai nug atte amu amelagppa apput, ag nug aɗaglag,” aon atteb. Ag anam aegeg, da lailad, ⌊ag oɗelagppaib da lailad daatteb amu,⌋ ag ele da nein qekkulnu oolag daatte. Ag anam henana, amu ag atteb. “Aria, ig hepput, nug kobol eheɗ laa heeb, ig nug eɗidta, ⌊nug nai eheɗ atte amu, ig⌋ amunu nob nau laa mettagnig,” aon atteb.

Jeremaia 9:1

O gadon, da tiinig laippu kekeɗ aqaeg mauhppig dilagnu amu, da ikkilppa le gottu dayeb, da amel leb ele le qeppuɗia bak dayeb, da amun, tuqan ele dahilad tiig laippu dilagnu gaappi, amel leb nekkunu ool daatte.

Hosea 4:8

Haen danab ah ag hipunin hetteb amu, ag hipunin heppignu mana mettak hetteb. Ag anam heegeg amu, mana mettak danab ag ahilag ee amuppanu aɗadna diitteb. Ag ee aɗadkkulagnu daatteb amunu, danab ag nau heeg, ag gamalag ahatte!

Hosea 7:3

Am danab ah ag ahilag kobol nau heegeg, king nug amunu enanagnab dootte; anuqak danab ag ele danab ah dilag hambuppuaknu enanagnab dootteb.

Maika 7:8

⌊Israel danab ah ag dimppa inam akkulag.⌋ “O ihinkad kekeɗ, ag ig neta qemutnu aib oolag gamag aheb, aon aon iqappig. Aɗinu? Ig neta qemut, amge ig eɗut ahagnig. Ao, ig gemu gatatu ooppa uug ele daattem, amge Yawe Nug amahlak mekkeb, ig amahlakppa eɗut daagnig,” aon akkulag.

Matyu 18:13

Da genab ag amelagppa attem, haen nug mattia antta amu, maɗoɗppan gamag ahak 99 dilag matagna ii oippig ele, amu eɗittak, laippu amunu am maɗoɗppan gamag ahak okkainab aokku.

Luk 22:5

Nug anam he, ag enanagnab doon, men doɗo laa mettaglagnu nai qagappig.

Rom 1:32

Ag Kayaknu ɗo tutukku, amuam danab ag kobol nau amu hetteb ele, ag mauhkkulagnu atte amu ag dootteb, amge ag kobol nau amu hekkulagnu oolag he, ag amu hetteb. Danab amu ag anam aakku hetteb, amge amu aakkuib iitta. Iitta. Ag ele danab laa kobol nau amu hetteb binalag metteb.

Rom 12:9

Ag lailkad dilag oo mauhak genabppa oolag mauhaɗ! Ag aib hambuppuak bia heppig. Ag kobol eheɗnu nau ninig ele doyeg! Ag kobol ena amuib aɗan autna aweg!

Pilipai 1:18

Amge amunu am nai iitta. Kobol ohppa, hambuppuak kobolppa, kobol genabppa ele, ag Kristusnu nai mehuqtteb amunu, da maɗoɗppan gamag ahak doottem. Yo, da geha maɗoɗppan gamag ahak eleib doyeye daakkul.

Pilipai 1:4

Da ag oh, ahilagnu unuqittette, da hanhan maɗoɗppan gamag ahak doyeye unuqidttem.

Pilipai 3:18

Aɗinu? Danab kuɗum laa, ag ig oittem bia ii oitteb. Da matu haen kuɗum ag amelagppa danab amunu ami, amubia gemu ele iikku aiyi, amel leb nette. Ag Kristus, Nug ad emaitakppa mauhom, ag dabmak amunu kekeɗab daatteb.

2 Tesalonaika 2:12

Danab ah amu ag doyak diig genabibnu oolagppa genab ii dooppig, ag nau hak kobolnu enanagnab dooppig ele, ag anam hena, ag nob nau aoglag.

2 Jon 1:4

Ao, da nahipad nid naunau laala ag doyak diig genabib Mame Nug ig anam dim lamidkkunignunab aum ele amu, ag amu dim lamidna daatteb doyena, da maɗoɗppan gamag ahak okkainab doottem.