1 Korint 13:5 - Nobonob Baibel

⁵ Danab nug oo mauhak dootte ele, nug laa noolagppa dagom oitte, nug nukka nuhignuib ii dabmette. Nug paha oo nauhak ii dootte, nug laa ag nuhigppa eheɗ laa heppig, nug amunu tuɗid ii dabmette.

1 Korint 13:5 ပူးပေါင်းရင်းမြစ်များ

2 Samuel 10:3

Ag nai amu aon, Amon wanppa gona teppig, amge Amon dilag anuqak danab laa ag ahilag okkai Hanun amegppa appig. “Dawit nug danab imu ag uɗin, oo doyak ehanittak nai amenppa akkulagnu maatte uɗippig amu, am nahip dabmakppa nug diig amunu na mamen genab binag mekkunu hette dabmettemte? Amunu iitta. Dawit nug danab imu ag nagattoppa uɗin, ag oinna, aab okkai imu lokkumakppa italna anidna, nug amegppa attem daatte appeg, Dawit nug uɗia, ig eɗigkkunu maatte uɗippig,” aon appig.

Job 21:27

O lailad, ag aɗi dabmak aotteb amu, da doottem. Ao, dahilppa ag aɗi hekkulagnu lokkumakppa dabmenana maittak eheɗ aotteb amu, da doottem.

Prowerb 14:17

Laa nug oppoɗi paha paha bette ele nug keeke digdig dabmak tutukku iittappa hette; amge laa nug diignu doyak tutukku ele, nug oo bodoettak ele daatte.

Aisaia 3:5

Am danab anen anen ag lailkad dilagnu oo doyak iinab doomna. Iitta! Danab laa nug layag gai-iitta ele, nug nuhigppa eheɗ hekku. Danab laa am danab laa ele nug qekkulag. Ao, ag anen anen ag lailkad, mudippan laippu, eheɗ hattaglag. Nid bau ag danab kaino dilagnu, ag am binalag ele ii doona, ag oɗelag ii dim lamidmana. Amu danab laa ag dabmak nau beɗulagppa ambak ele, ag am danab dabmak ena ele, ag amu dilagnu ag binalag ele ii doona, aon aon aqaglag.

Jeremaia 11:19

Da sipsip gaiɗ manan, danab qeeb mauhak abenppa awa gotte, da sipsip amubia daami. Ag da iuppeg mauhkkulnu dabmena, ag, “Danab ad o qiie, ad amu ii daatte, meu ele ii otte, ig amubia Jeremaia, nuhigppa hepput, nug amubia dayaɗ!” anana, ag, “Danab ag Jeremaia onig baula dabmemananu, ig makkuɗpput, nug danab ah bau daatteb ele oolagppa aib dayom!” ele appig amu, da Yawe ii ippuniɗom haenppa amu, da amu ii doomi.

Namba 12:3

Aa anam apiɗ, amge Moses nug nukka nug onig qe nettom. Nug, nukka onig nakok laa ii humattom. Danab ah laala ag onilag qeeg neum, amge Moses nug onig qe na auta autanab awom.

Namba 16:15

Aa nai anam aeh, Moses nug oo huana nauhe, nug Yawe amegppa aum. “Ag nahipnu mana mettak heppeg amu, na aib aome. Da eheɗ ahilagnu laa iinab hemi, ahilagppanu doɗ donki keeke, da amu laa ahilag iinab aomi,” awa aum.

Namba 32:6

Gad, Ruben danab ele ag anam aeg amu, Moses nug nai ahilag nob ma aum. “Ag lailkad ban hekkulagnu gobeppeg, ag imuppa daaglag am enate?

Matyu 5:22

Amge da ag amelagppa attem. Danab laa nug layagnu oo nauhkku dayeb, nug hettoɗiakppa daakku. Danab laa nug layag amegppa, ‘Na am genabnab danab kaaka,’ akku amu, nug hettoɗiak okkai onig Sanhidren, appa daakku. Amge laa nug layag amegppa, ‘Na am genabnab genab danab nau,’ akku amu, nug mua laa oh eɗattak, padal mak abenppa gokkunu hette.

Matyu 9:4

Ag dabmak amu aoegeg, Jesus Nug nuhig dabmakppa amu doya, Nug ag amelagppa aum. “Ag aɗinu dabmak nau anam aotteb?

Mak 3:5

Ag toettan daaegeg, Jesus Nug neekka anatta, Nug oo nauhak doya, ag ahilag dabmak ɠagattag eppom ele antta, Nug amunu oo uugnab doya, Nug danab eppeg mauhak ele amegppa aum. “Na eppen taiette!” awa aum. Jesus Nug anam a amu, danab amu nug eppeg taiette, eɗua laih bia, ena dayom.

Luk 7:39

Amu haen ɗo gumak danab-Parasia, Jesus onigppa e uɗiom ele, nug keeke amu antta, nug inam dabmakppa aum. “Danab umu Nug genab propetlob amu, ah umu eppeg bahia aɗatte amu, Nug nuhig kobol ele doolo. Ah umu nug hipunin ah,” awa aum.

1 Korint 10:24

Danab laa nug nukka nuhignuib aib dabmeum. Iitta. Nug danab oh ag ena daaglagnu nug ag ehanattaɗ!

1 Korint 10:33

Da hettem amubia ag heig! Da keeke oh hettem amu, danab oh ag da aɗi hettem amu oolag mettaglagnu hettem. Da uɗat hettem amu dakka ehaniɗkkulnu ii hettem. Iitta! Da uɗat hettem amu, danab ah kuɗum ehanadppi, Kayak eɗua diikkunu aakkuib hettem.

1 Korint 11:18

Amu laa ag haen ag Korint tamaniak ag Mettid hekkulagnu qagmetteb amu, ag obatak obatak daatteb, laippu oh ii daatteb, anam aeg doomi amu da nakok oolppa genab doottem.

1 Korint 12:25

Amunu beɗu laippu nug otiak laala ii daatteb. Iitta. Laih naunau oh ag nug ehanidnana daatteb.

1 Korint 7:36

Amge danab laa nug ah makkun laa ele aa nug tituanyaib oiyya, aa ewau matulak ii aoya, ah amu nug nakok kaino mekkunu heebeb, danab amu nug, “Da ah amu nuhigppa ena ii hettem,” doyaya, aa ewau matulak aoglahnu oo huana dayeb amu, aa ewau matulak aweɗ! Danab nug anam hekku amu, nug amuppa hipunin ii hema. Aa ewau matulak aoglah am ena.

2 Korint 5:19

Amu nai ihinig amu iikku. Kayak Nug Kristusnu uɗatppa danab ah oh ele oolag laippu daaglagnu ib babaitta, Nug ag ahilag hipuninnu nob madakkunu ii dabmeum. Aria Nug he, danab ah ag Nug ele oolag laippu bekkulagnu ib babaittak daatte, Nug nai amu mehuqaknu uɗat amu ig mekke hettem.

Galesia 5:13

Genab O lailad, Kayak Nug ag uhuqak daaglagnu onilagppa eum, amge ag ahilag dabmakppa aib inam appig. “Ig uhuqak elele daattem amunu, ig beɗunu kobol ele hekkunig.” Ag anam aib appig, amge ag lailkad dilagnu oolag mauheb, ag oh nug dabmattanna ehanatteg!

Pilipai 2:21

Danab laa oh ag akka ahilagnuib dabmenana, Jesus Kristusnu uɗat atognokkulagnu dab-ii-metteb.

Pilipai 4:8

O lailad, da nai laa ele ag amelagppa attem. Ag kobol doyak diig genabibppanu bette, kobol anuqak, kobol tutukku, kobol oppiak ele, kobol neekkak enanag ele, kobol elelenab, kobol enanagnab, kobol binag ele amu, ag kobol amu oh aon dabmenana oinna, oolagppa meig!

2 Tesalonaika 3:7

Ag akka, haen ig ag ele daatta, ig uɗat heutut anikkegeg, hamu ii daamut ana dootteb, amu ag kobol amu dim lamidkkulag am ena.

2 Timoti 2:10

Amunu amu, da ool ɠagattag qetten, da Kayak Nug danab ah nuhikkud tituanattom, ag ele Kristus Jesusnu eɗua awikkak aon, haen oh hab aabppa daaglagnu, da ag ehanadkkulnu heinne, uug imu oh maottem.

2 Timoti 4:16

Tatam da hettoɗiakppa meiɗppig amu, laippu laa da ii ehaniɗom, ohnab da uuiɗna malappig, amge da aab ag qaɗelagppa ii nemanu Kayak unuqidttem.

Jems 1:19

O lailadnab, ag oh kobol imu doon autna aweg! Ag nai paha dooglagnu daulag human dayeg! Ag anam hekkulag, amge ag nai paha aib madippig, oppoɗilag ele paha aib beum.