1 Korint 13:3 - Nobonob Baibel

³ Am da keeke dahilad oh daɗek danab madakkul dayeb, amu da Kayaknu uɗat huan heina, da dakka da binal mekkulnu da beɗul imu kakidttem dayeb, amge da laa dilagnu oo mauhak ii doottem dayeb amu, keeke amu oh da ehaniɗkkunu elele iitta.

1 Korint 13:3 ပူးပေါင်းရင်းမြစ်များ

Aisaia 57:12

Ag ahilag dabmakppa, ag, ‘Ig genab tutukkuib hettem,’ atteb, amge da heppi, ahilag hak, ahilag dabmak amu ele am miagib daakku. Da anam heppi, ahilag hak amu oh ii ehanadma.

Jeremaia 7:8

Amge antteg! Ag nai hambuppuak, nai meu iitta elenu oolagppa genab dootteb.

Matyu 23:5

Ag keeke oh danab amelagnuib hetteb. Ag Kayak nai inaknu kunup okkai henan, uɗalagppa amu eppelagppa ele qakkana, unuqittak lamen daugppa bala elab elab ele hetteb.

Luk 18:22

Nug anam a, Jesus Nug nai amu doya, amegppa aum. “Keeke laippu amuppaib na elele iitta. Na gona, na enun oh meppe, danab laala ag daden meppeg, na men doɗo amu oh aon, daɗek danab mattona, na hab attan enun okkai ele daakkut. Na anam hewona, na eɗun dona, da dim lamiɗe!” awa aum.

Luk 18:28

A amu Pita nug aum. “Antte, ig ihinig keeke oh uuta, na dim lamidttem,” awa aum.

Luk 19:8

Aria Sakius aha hibaitta, Jesus amegppa aum. “Naɗi, gemu da dahil keeke oh gamagppanab oppaten, laih awe, daɗek danab madakkul. Amu da danab laa hambuppuitten, nuhig keeke yab aomi dayeb amu, da yab awak amu qaɗeppa ewam amubia laa ele nug medakkul,” awa aum.

Jon 12:43

Ag danab ag binalag mekkulagnu oolag mauhttom. Kayak Nug ag binalag mekkunu amu, ag amunu oolag ii mauhom.

Jon 13:37

Anam a amu Pita nug aum. “Naɗi attemun? Da geha imu na dim lamidkkulnu elele iittate? Da geha na ehanitten, da nahip aben awen mauhkkul amunu amu, da uugnab laa ii doottem,” awa aum.

Jon 15:13

Laa nug laikkud dilag dabma, nuhig bau dayak paɗatte amu, oo mauhak kobol amuam oo mauhak kobol laa oh eɗidtte.

Jon 6:63

Ag doyeg! Kayak Ouɗi nukka, Nug danab bauklel medatte; danabnu ɠagattag am elele iitta. Am nai da ag mattami imuam Ouɗi, am bauklel ele.

Aposel 21:13

Ig anam amut, amge Pol nug aum. “Ag aɗinu anam gaan, aakku da oolppa guittak okkai meɗatteb? Da Naɗi Jesus onig attan ta daakkunu Jerusalem appa maniguittakppa daakkulnu am elele doottem, amge amu aakkuib iitta. Da Jerusalem appa, Naɗi Jesus Nug onig attan ta daakkunu mauhkkulnu ele elele doottem,” awa aum.

Galesia 5:26

Ig aɗi kobol hepput, ig lainkad oo nauhak dooglag amu, ig kobol amu ii hemata. Ig laa dilagnu ameg qe oo elele ii dayak kobol ele ii hemata. Ig amubia ii hetata amu, ig dada kobol ele aib hemut.

Pilipai 2:3

Ag akka akka ahilagnuib dabmenan, keeke laa aib heppig. Amu ele ag akka hamu onilag humanna, keeke laa aib heppig. Ag akka ag onilag qeppeg neeb, danab laa dilagnu, “Da ag eɗadttem,” aib dooppig.

1 Timoti 4:8

Aɗinu? Beɗunig ehanittaknu kobol hak amu nakok ehanigtte, amge genab tutukku hak danab dayaknu ehanittaknu kobol hak, am keeke ohnu ehanigtte. Amuam ig gemu bau daattem amunu ehanigtte, amu bauklel dimppa aognig, amunu ele ehanigtte.

Hibru 13:9

Ippunittak bau digdig, am Nai Ena bia iitta amu, ag doon aib dim lamidppig. Aɗinu? Ig Kayaknu ehanittak okkai hamu mettakppa, Nug dim lamidkkunignu ɠagattag aognig am ena. Ig eenu ɗo kuɗum dim lamidta, ɠagattag amu aognignu hekkunig am ena iitta. Danab laala ag anam henan oippig amge ii ehanattom.