1 Korint 13:13 - Nobonob Baibel

¹³ Amunu ib ewam imu daatteb; ooppa genab doyak kobol, ena bekkunu dabmak aɗa oiyak kobol, aria laa dilagnu oo mauhak kobol ele aakku. Ib ewam amu oh daatteb, amge ib ewam amu oh oolagppa ib anuqaknab daatte, amuam laa dilagnu oo mauhak kobol.

1 Korint 13:13 ပူးပေါင်းရင်းမြစ်များ

Sam 146:5

Amu danab aun nug Jakopnu Kayak eppegppanu ehanittak aotte amu, nug itittak ena awom daatte. Ao, aun nug Yawe, nuhig Kayak, nug Nug eppegppanu ehanittak awa, gogppa tekkunu ameg mette ele amu, nug itittak ena awom daatte!

Sam 42:11

Aɗinu da oolppa elele iitta doottem? Ao, aɗinu da oolppa oo doyak okkai doottem? Da amu ii helom bia daatte amunu, da Kayaknuib dabmeinne, ena bekkulnu dabmak aɗe oikkul! Aɗinu? Da Nug eɗue, baula binag mekkul. Nug am dahil padal mepanu ehanittak daatte, Nug am dahil Kayak.

Sam 43:5

Aɗinu da oolppa elele iitta doottem? Ao, aɗinu da oolppa oo doyak okkai doottem? Da amu ii helom bia daatte amunu, da Kayaknuib dabmeinne, ena bekkulnu dabmak aɗe oikkul! Aɗinu? Da Nug eɗue, baula binag mekkul. Nug am dahil padal mepanu ehanittak daatte; Nug am dahil Kayak.

Luk 10:27

Jesus anam a, Nug oɗeppa awa aum. “ ‘Na Naɗi, nahip Kayak, na nuhignu, na meut ohppa, na oot ohppa, nahip ɠagattag ohppa, amu nahip dabmak ohppa ele oot mauhaɗ!’ Amu laa am, ‘Na nakka nahipnu oot mauhtte, amubia na laipad dilagnu ele oot mauhaɗ!’ ” awa aum.

Luk 22:32

amge Saimon, da na ehanitten, ooppa genab doyak nahip amu iitta ii memanu Kayak unuqidmi. Amu geha na eɗun ɠagattag daanna, na laipad ɠagattag daaglagnu ehanatte!” awa aum.

Rom 15:13

Amu Kayak Ouɗinu ɠagattagppa ag butti aɗi hab aabnu keeke aoglagnu dabmak aɗan daan autna aoglagnu, da ag Kayak, Nug am aɗi keeke oh ena bekkunu dabmak aɗa dayaknu diig, ag nuhignu oolagppa genab doobppeg, Nug heeb, ag oolagppa maɗoɗppan gamag ahak okkai, amu maɗoɗ ele naɗi daaglahnu ool daatte.

1 Korint 14:1

Oo mauhaknu kobol anam daatte amunu, ag hanhan danab ah laa dilag oolag mauhkkunu wagai menana, aria ag Kayak Ouɗinu ɗo hamu megatte amu ag aoglagnu oolag dayaɗ! Amge ɗo hamu mettak anuqak amu ag propet nai mehuqaknu, ag amu aoglagnu wagai meig!

1 Korint 16:14

Ag keeke oh henana, ag oo mauhak doonna ag heig!

1 Korint 3:14

Laa nug uɗat heum ele amu, uɗat amu ena dayeb, danab amu nug nob ena aokku.

1 Korint 8:1

Aria, dimittimnu danab, ag Jesusnu oolagppa genab ii dootteb ele, ag doɗ main kayak hambuppuak dottolkad madatteb amu, ig Kristen ig teppu amu lakkunigtai, o iittatai, imu am amunu nai. Ig doottem, ig oh am keeke amunu doyak ele, amge doyak ⌊nukka dayeye, oo mauhak ulum ii medatte dayeb,⌋ doyak am heeb, danab nug doyak ele dada danab bette. Amge layagnu oo mauhak kobol am danab oo ɠagattag qedatte.

1 Korint 8:3

Amge danab nug Kayaknu oo mauhtte ele, Kayak Nug danab amu epeɗia, nuhignu tituanom.

2 Korint 5:10

Aɗinu? Ig doottem, geha ig oh Kristusnu hettoɗiak abenppa daagnig. Aria haen ig beɗunig imuppa daatta, ig kobol nau hettem ele dayeb amu, geha ig amunu nob nau aognig. O iitta ig daatta, ig kobol ena hettem dayeb amu, geha ig amunu nob ena aognig. Yo, ig geha anen anen kobol hemutnu nob amuib aognig.

2 Korint 5:15

Nug danab oh abenlagppa mauhomnu diig am, Nug danab oh daatteb, ag akka ahilagnuib dabmena ii oimnanu heum. Iitta. Ag am laa, Nug danab ehanatta mauhe, Kayak he, Nug eɗua hibaittom amu, ag nuhignu dabmenana oiglag.

Galesia 5:6

Danab nug Kristus Jesus ele ouqak daattep amu, nuhigppa gaɗa otaɗak kobol, o iitta gaɗa ii otaɗak kobol, aɗit amu oh am keeke hamu. Nuhigppa keeke laippuib am okkai daatte. Amuam danab nug ooppa genab doya, laa dilagnu oo mauhtte.

Pilipai 1:9

Amu da ahilag oo mauhak kobol am okkai meebeb, amu ahilag doyak, ahilag diignu doyak tutukku ele aa ele okkai mepeɗ daaglagnu Kayak unuqidttem.

Kolosi 1:27

Lokkumak nai amuam enanagnab, danab oh dilagnu. Amu Kayak Nug danab ah nuhikkud ag amu dooglagnu heum. Nai lokkumak amuam iikku. Am Kristus, ag oolagppa daatte. Nugib ag omalatteb gona, Nug ele hab attan ena daaglag.

Kolosi 1:5

Ag tatam nai doyak diig genabibppanu, amuam Jesusnu Nai Ena, ag amu doon, keeke Kayak Nug hab attan ahilagnu tituanom amu, ag amu aoglagnu ele doona, gemu ag aoglagnu dabmak aɗan oitteb amunu, ag ooppa genab doyak ahilag, oo mauhak ahilag ele aɗan daatteb.

Kolosi 3:14

Oo mauhak kobol nug kobol ena laa oh laippunab tamanidtte amunu, ag ele laa dilagnu oolag mauhaɗ!

1 Tesalonaika 5:8

amge ig am amahlak bekkod, amunu ig ikka ig ihinig oiyak pehettak atognoak kobol dim lamidta oita, ig ooppa genab doyak, oo mauhak kobol ele aota, ban danab ag kekeɗ ag momolag heppeg nauhmanu qahaɗ palatteb, amubia ig kobol aɗit amu meta, Kayak Nug eɗua awigkkunu dabmak aɗat daattem ele, kobol amu ban danab ag ikkilagppa aen hat metteb ele amu, amubia ig meta oitu!

1 Timoti 1:5

Da danab oh ag Jesusnu oolagppa genab dootteb ele, da ag oolagppa oo mauhak amba dayeb oiglagnu, da diig amunu haknunab anak amu madattem. Oo mauhak amunu amu, am danab oolkad oppiak ele, ahilkad ooppan oiyak ippunittaknu ulum eheɗ laa heppig ii ippunadtte, amu ag Kayaknu ooppa genab doyak genab doonna oitteb, oo mauhak amuam danab ag oolkad amubia daatte, am ahilagppanu ba gotte.

2 Timoti 1:7

Kayak Nug ig Jesusnu oonigppa genab doottem ele, Nug nuhig Ouɗi ig mekkom, amu nuhig Ouɗi Nug danab nug baɗa nukka nuhignuib dabmak aotte, Nug dabmak amu ig ii mekkom. Iitta. Nug ig ɠagattag daagnignu, ig oo mauhak doognignu, amu ig dabmak pehettak awaknu ehah ele aognignu, Nug dabmak amu oh ig mekkom.

Hibru 10:35

Amunu ag ooppa ɠagattag qettak ahilkad amu aib maoppeg ukkom. Aɗinu? Geha ag keeke amunu nob enanag aoglag.

Hibru 10:39

Amge ig am danab ag Jesus dimettan padal metteb ele, danab amu oolagppa ii daattem. Iitta! Ig am danab ag nuhignu oolagppa genab doon, bauklel aotteb ele amu, ag oolagppa daatteb.

Hibru 6:11

Amu ag dimppa gogtak haenppa aɗi aɗi aoglagnu dabmak aɗan oitteb ele amu, ag amuib aoglagnu elele daaglagnu, ig ag maɗi ahilag gemu pehettak hetteb amu, ag anamib heppeg ukkeb, gogtak haenppa malaglagnu oonig daatte.

Hibru 6:19

Amu gog tak haenppa ig genab bauklel aognig, dabmak amuam ig dabmak digdig dim lamidmatanu, uub mameg nug uubnu anka eum daatte, amubia aɗaikke daattem. Ihinig ehanittak amuam keeke genab, hab attannu Kayaknu mettid lag Oo Gunnab Eleppa omaikka gotte.

1 Pita 1:21

Nuhigppa ag Kayaknu oolagppa genab dootteb. Nug mauhe, Kayak Nug he, Nug eɗua hibaitte, Kayak Nug binag amahlak oppiaawak ele Nug mettom amunu, ahilag ooppa genab doyak, keeke ena bekkunu dabmak aɗa oiyak ahilag ele amu, Kayak Nugib keeke aɗit amu diilah daatte.

1 Jon 2:10

Aun nug layagnu oo mauhtte, nug amahlakppa daya oitte, amu keeke eheɗ laa nuhigppa dayaya heeb, na qekkunu laa ii daatte.

1 Jon 2:14

Ag nid mamelkad, ag aun Nug anukka digmakppa dayom amu, ag dootteb amunu, da ahilagnu yaami. Nid bau, ag am ɠagattag, Kayak nai ahilagppa daatte, ag Satan eɗidppig daatteb amunu, da ahilagnu yaami.

1 Jon 2:24

Ag digmakppa nai dooppig amu, ag oolagppa ɠagattag aɗan dayeg! Amu ag digmakppa nai dooppig ag oolagppa daakku dayeb amu, ag haen oh Mame Bekka, amu Mame ele laippu daaglag.

1 Jon 3:3

Am danab ah ag Kristus anidna, Nug daatte bia daaglagnu dabmak aɗan oitteb ele, ag Kristus Nug oppiak daatte, ag amubia oppiak daaglagnu hetteb.

1 Jon 3:9

Amu danab laa nug Kayak Bekka daatte amu, Kayaknu bauklel nuhigppa daatte amunu, nug hipunin kobol dim ii lamidtte. Nug hipuninppa oikkunu elele iitta. Aɗinu? Nug am Kayak Bekka.