1 Korint 13:12 - Nobonob Baibel

¹² Anamib gemu ig Kayak baegppa daatta, Nug attem daatte anidkkunignu amu ig nuhig kobol amu laih nakok nakokib, ig keeke lettod ena iittappa anidttem, amubia anidta doottem, oh ii doottem. Dimppa gogtak haenppa amu, ig Kayak attemnab daatte anidkkunig. Gemu da laihib doottem. Dimppa da Kayak Nug dooiɗtte, amubia da haen amuppa keeke oh antten dookkul.

1 Korint 13:12 ပူးပေါင်းရင်းမြစ်များ

Genesis 32:30

Anam amunu, Jakop nug aum. “Da Kayak ele nug iɗu anttak hemuɗ, amge danab ag anam hena mauhtteb, amubia da ii mauhmi.” Nug anam aum amunu, nug aben amu onig Peniel ataɗom.

Job 19:26

Nug daatte, amu gog tak haenppa Nug wanppa daakku, amge haen gamag imuppa da mauhppi, gawat ag beɗul imu moɗppa heppeg nauhkku. Gawat ag amu hekkulag, amge dimppa da beɗul ele eɗuen daye, da amelppa Kayak anidkkul

Job 36:26

Kayak Nug keeke laa oh eɗattak; ig danab ig nuhig ɠagattag, Nug binag, onig okkai ele, ig amunu diignu doyak tutukku aognignu elele iitta. Ao, Kayak Nug hanhan daatte; laa nug maɗ nuhig ebaqakkunu ele iitta.

Eksodas 33:11

Ag anam heeg, Yawe Nug Moses amegppanab nai mattiom; danab layag amegppa nai maditte, anambia nug Moses amegppa nai mattiom. Yawe Nug nai amu mattia male, aria Moses nug eɗua, haen tutu dayaknu aab kalakppa gottom, amge Mosesnu maɗi nid, nid danab bau, Josua, Nan bekka, nug am lag ooppa daattom. Nug peh lag amu ii uuttom.

Esekiel 17:2

“Danab bekka, na keeke danab ag dootteb ii dootteb ele ouaqata ippunittak nai imu, am dottognu naippa keeke ippunigtte amu, na nai imu Israel danab ah amelagppa anan,

Namba 12:8

Iitta. Haen da nug ele nai madittep amu, ii nug anidɗaɗa nai madittep. Da nai miagib madittem, nai tonak ii madittem. Nug da, da Yawe, nug da attemun amu aniɗtte. Anam aakku daatte amunu, aɗinu aa dahil maɗi nid Moses, aa nuhignu nai eheɗ akkulahnu ii baɗaya, nai eheɗ nuhignu apiɗ,” awa aum.

Matyu 18:10

Jesus Nug anam ana amu Nug aum. “Ag dabmena autna aweg! Da ag amelagppa inam attem. Nid naunau dilag engel ag haen oh da Mamel, hab attan daatte amu, ag Nug noobppa daanna, ag atognoadtteb amunu, ag nid nakok laippu laanu amu, nug am keeke hamu aib dooppig.

Matyu 5:8

Danab aun aɗi ag oolagppa oppiak ele amu, ag itittak ena aoppig daatteb. Aɗinu? Ag Kayak anidkkulag.

Jon 10:15

amubia Mame Nug da dooiɗeɗe, da Mame doottem. Laa ele, da dahilad sipsip, ag ena daaglagnu dabmein dayeye, dahil bau dayak heppi iitta mekku.

Rom 8:18

Dahil dabmak okkainab, amuppa amu, da uug guittak ele ig gemu doottem dabmein, dimppa ig keeke ena ena aognig ele dabmein, dimppanu keeke ena ena ele ⌊amuam ig Jesus ele Kayak bekkod daat, nuhig keeke enanag aognig,⌋ da keeke amunu am keeke okkainab doyen, uug ig gemu doottem am keeke nakoknab bia doottem

1 Korint 13:11

Amu haen da nid nakok dayeye, da nid naunau dilag nai mattimi. Nid naunau keeke dabmedatteb anam da dabmettami. Da nid naunau keeke diig dooglagnu dabmetteb bia, da keeke diig dooglagnu dabmemi. Amge dimppa, da danab okkai mewoya, da nid nakok dilag kobol amu oh da eɗitten, danab okkai dilag dabmak amu da awen daattem.

1 Korint 8:3

Amge danab nug Kayaknu oo mauhtte ele, Kayak Nug danab amu epeɗia, nuhignu tituanom.

2 Korint 3:18

Amu keeke laa ig iɗunig ii haut-tte, Naɗinu binag amahlak oppiaawak ele ihinigppa uɗiaya, aam ameg lettodppa ya gotte, ig nuhig binag amahlak oppiaawak ele amubia heta daattem amu, Naɗi Nug ig Nug bia daagnignu baolikkekke, ig nuhig binag amahlak oppiaawak ele tuɗid tuɗid aot daattem. Naɗi Nug am Ouɗi, amu Nug anam aakku hette.

2 Korint 5:7

Aɗinu? Ig Nug ele ouqak daagnig, nai amunu amu gemu ig dayak amunab ii anidttem, amge gemu oittem imuppa am ig geha Nug ele daagnignu, ig oonigppa genab doot oittem.

Pilipai 3:12

Amu da Kristusnu kobol oh aomi daattem, o da aakku elelenab daattem, da amubia ii dabmettem, amge da Jesus Kristus, Nug da aun bia daakkulnu dabma aɗailom, da anam daakkulnu dabmein dayeye gottem.

Jems 1:23

Am danab laa nug Kayak nai daugppa dootte amge nug ii dim lamidtte, nug am danab lettodppa nug nukka iɗu anidtte, amubia hette.

1 Jon 3:2

O gamalad, gemu ig aakku Kayak bekkod daattem, amge ig geha attem daagnig am miag ii atiom. Amge ig doottem, haen Kristus Nug miag atia beeb, ig Nug bia daagnig. Aɗinu? Ig Nug attemnab daatte anidkkunig.

Revelesen 22:4

Ag Nug iɗu anidkkulag, Nug onig amu ag uɗalkadppa daakku.