1 Korint 12:3 - Nobonob Baibel

³ Amunu gemu keeke amubia baula bemanu, ag imu dooglagnu da ool daatte. Kayak Ouɗi Nug danab laa ooppa noa heeb, nai mehuqa, “Jesus Nug eheɗ laa awaknu anak waappa daakkunu ool daatte,” madikkunu elele iitta. Aria danab auntai laa, nug ooppa Kayak Ouɗi iitta ele amu nug Kayak binag ma, “Jesus Nug Naɗi daatte,” madikkunu ele elele iitta.

1 Korint 12:3 ပူးပေါင်းရင်းမြစ်များ

Sam 109:20

Danab ag nai nauppa yaaiɗtteb amu, Yawe Nug ag nob anam madakkunu ool daatte. Ao, laa ag dahilnu nai nau maditteb amu, Nug anam hekkunu ool daatte.

Matyu 22:43

Anam aeg am Nug aum. “Anam dayeb amu, aɗinu Dawit nug Kayak Ouɗinu ehanittak awa, nug Kristusnu, ‘Naɗi,’ awa aum?

Mak 9:39

Awa a amu Jesus Nug aum. “Laa nug kobol danab haknu elele iitta amubia da onilppa hette ele nug paha dahilnu nai eheɗ laa akkunu elele iitta amunu, ag nuhig uɗat amu aib okkulppig.

Jon 13:13

Ag dahilnu, ‘Ihinig ippunittak danab amu ihinig Naɗi ele,’ aon atteb. Da genab da anam aakku daattem amunu, ag ena anam atteb.

Jon 13:14

Da ahilag Naɗi, ahilag ippunittak danab ele amu, da ag baelag ihaladmi amunu, ag ele nug baeg ihak hekkulagoitte.

Jon 15:26

Kayak Ouɗi, Nug onig laa Ehanittak, Nug am doyak diig genabibnu diig Kayak toppa daatte amu, da Nug geha meppi, ag ehanadkkunu ahilagppa uɗikku. Nug amu Mame nuhigppa dayaya uɗikku. Haen Nug uɗia amu, Nug nai dahilnu ag amelagppa mattieb dooglag.

Aposel 8:37

((Aria Pilip nug aum. “Na oot ohppa genab doottem dayeb amu na aokkutnu elele,” awa aum. Awa a, danab amu nug oɗeppa awa aum. “Da Jesus Kristus Nug am Kayak Bekka da oolppa genab doottem,” awa aum.))

Rom 10:9

Amu nai amuam inam. Na oɗenppa, “Jesus am Naɗi,” genab akkut, Kayak Nug Jesus mauhakppanu he eɗua hibaittom ele ootppa genab dookkut amu, Kayak na eɗua awidkku.

Rom 9:3

Kayak Nug da lailad, ag am da ele tiinig laippu, Nug ag eɗua diikkunu ool okkai daatte amunu, ib laa elele daalo, ib amuam da eheɗ laa awaknu anak waappa daalom, Kristus da geɗileb, da laih wain padal melom, ib amuppa da Israel danab ah ag Kayak noobppa ena daaglagnu ehanadkkulnu elele daalom amu, da anam helom. Amge ib anam bia laa iitta.

1 Korint 16:22

Am danab laa nug Naɗinu oo ii mauhtte dayeb, nug eheɗ laa awaknu anak waappa dayaɗ! Naɗi, na uɗie!

1 Korint 8:6

Amge ihinignu, Kayak laippuib daatte, Nug am ig Mamenig, Nug am keeke ohnu diig daatte amunu, ig am nuhignuib bau daattem. Naɗi ele am laippuib daatte, Nug am Jesus Kristus. Kayak Nug nuhigppa keeke oh hattom, amu ig nuhigppa bauklel aottem.

2 Korint 11:4

Aɗinu? Danab laala ag gumadna gona, Jesusnu nai kabolinna, ahilag dabmakppa nai ag amelagppa mehuqeg, ag aotteb. Jesusnu nai amu, da Jesusnu nai mehuqttem ele amu, aa laippu iitta, am laa. O iitta danab amu ag ouɗi laanu mehuqeg, ag aotteb. Nug am Kayak Ouɗi, ag anukka aoppig ele amu, Nug iitta, am laa. Amu ag nai diig laa mehuqeg, ag aotteb. Nai amuam Nai Ena, ag matu aoppig ele amu iitta, am laa. Danab ag kobol amu ag oolagppa hetteb ele, ag Korint danab ag agib dabmettan daanna, oolag hette.

2 Korint 3:5

Genabnab ig ikkaib uɗat imu hekkunignu am elele iitta. Keeke anam daatte amunu, ig ikka keeke laa hemut amunu ii amata. Iitta. Kayak Nug nukka he, ig uɗat imu hekkunignu elele daattem.

Galesia 3:13

Ɗo ig eheɗ laa awaknu anak waappa daattemnu atte, amge Kristus Nug Kayak naippa yaak, “Danab oh ag ad attan aihadtteb ele, danab amu ag eheɗ laa awaknu anak waappa daatteb,” Nug nai amu attenu qagaiettak awa, amuppa Nug qagaiettak amuppanu eɗua uhuqak ha megakka, nob nau amu awa ehanikkom.

Duteronomi 21:23

nug gaɗa amu ad attan aihak dayeb ukkeb, ii wakkaɗkkuoitte. Ag nug gaɗa aihppig, deɗ amuppaib boumkkulagoitte. Ag amu haknu diig am, danab beɗu adppa aihak daatte amu, nug Kayaknu itittak nau waappa daatte. Amu ag wan, Yawe, ahilag Kayak, Nug ag aulag daakkunu madatte amu, ag kobol Kayak amunu ooppa uuaknab dootte ele, ag amu heppeg, wan amuppa dubuttid aib teum.

Revelesen 1:10

Mettidppa amu Kayak Ouɗinu ɠagattag dahilppa ambe, da baag okkai laa trampet oqotti bia da dimulppa mattieye doomi.