1 Korint 12:27 - Nobonob Baibel

²⁷ Ag oh amu Kristus beɗu daatteb, danab anen anen ag amu Nug beɗu laih naunau daatteb.

1 Korint 12:27 ပူးပေါင်းရင်းမြစ်များ

Rom 12:5

Anam amu, ig oh Kristusnu daattem, ig danab nug beɗu am laih kuɗum ele, amge beɗu am laippu daatte, amubia ig am kuɗum, amge laippu daattem. Beɗu laippu ooppanu laih naunau, ag nug ehanidnana daatteb, amubia Kristen tamaniak ele anam daatte.

1 Korint 1:2

i nai imu uɗugppa yaattep. I Kayaknu Kristen tamaniak Korint daatteb, ahilagnu yaattep. Ag Kristus Jesusnu, oppiaawak danab ah daatteb. Nug ag oppiaawak daaglagnu ag onilagppa eum. Amge Nug agib onilagppa ii eum. Iitta! Nug danab ah oh ag wan atu ohppa daana, ag Naɗi Jesus Kristus onigppa unuqidtteb amu, ag oh onilagppa eum. Jesus amu, Nug am ag ig ele, ig oh ihinig Naɗi daatte.

1 Korint 10:17

Bret kunum laippuib daatte, amu ig danab ah kuɗum amuppa beɗunig laippu daattem. Aɗinu? Ig oh am bret laippu amuib lattem.

1 Korint 12:12

Ig danab beɗunig amu laippu, amge laih kuɗum daatte. Am beɗu laih kuɗum amu ag oh qagmeeg, beɗu laippu daatte. Kristusnu tamaniak ele nug anam aakku daatte.

1 Korint 12:26

Beɗu laih laa nug guittak dootte dayeb amu, beɗu laih laa oh ag ele guittak aotteb. Beɗu laih laa nug binag ena ele daatte dayeb, beɗu laih laala oh ag ele maɗoɗppan gamag ahak dootteb.

1 Korint 6:15

Ag beɗulag anen anen, am Kristus beɗu laih naunau kuɗum daatteb, ag amu iite dootteb? Aria, ig beɗunig anen anen am Kristus beɗu laih naunau kuɗum daatteb amunu, da Kristus beɗu laih nakok laa awen, ib baag ah ele laippu ouaqatkkul am enatai? Anam iittanab! Da anam ii hepa!

Epesus 1:23

Tamaniak am Jesus beɗu. Jesus Nug am ikki daatte. Tamaniak am Nug beɗu laa oh, eppeg, baeg keeke, amubia. Nug aben ohppa keeke ohppa ambak daatte.

Epesus 4:12

Kristus Nug beɗu ena, ɠagattag daakkunu amu, Nug Kayaknu danab ah oppiaawak ele ag uɗat ena hekkulagnu, uɗat anen anen danab amu anam mattom.

Epesus 5:23

Aɗinu? Kristus Nug nuhig tamaniaknu ikki daatte, amubia danab nug ahnu ikki daatte. Tamaniak am Kristus beɗu bia daatte, amu Kristus Nug tamaniaknu eɗua awikkak danab daatte.

Epesus 5:30

Aɗinu Kristus Nug tamaniak atognotte? Tamaniak am Nug beɗu bia daatte, amu ig tamaniak ooppa daattem ele, ig Nug beɗunu laih naunau kuɗum bia daattem, amunu Nug tamaniak atognotte.

Kolosi 1:18

Jesus Kristus Nug am Kristen tamaniak ikki daatte, amu Kristen tamaniak am Nug beɗu daatte. Kristen tamaniak diig amu Nugib aakku. Nug am danab anuqak moɗppan bau eɗua hibaittak danab. Nug anam daatte amunu, keeke oh ikki amu Nug aakku daatte.

Kolosi 1:24

Amu da gemu beɗulppa guittak maottem imu amu, da amunu maɗoɗppan gamag ahak doottem. Aɗinu? Da Kristusnu Kristen tamaniak, amuam Nug beɗu aakku amu, da tamaniak amu ehanidkkulnu ool daatte. Guittak Kristus Nug Kristen tamaniak ehanidkkunu mawom amuam daatte, amge guittak da dakka beɗulppa maottem imuam da amuppa hei, Kristus Nug guittak mawom amu aakku ambette.

Kolosi 2:19

Danab amu nug Kristus ele ouqak ii daattep. Jesus Nug ig Kristen, ig ikkinig daatte. Ikki nug beɗu oh ɠagattag medatta he, beɗu nug diɗippa tuɗittak ouqak laippu dayaya, ena daatte. Beɗu nug am Kayaknu ɠagattagppa ba okkai mette.