1 Korint 12:18 - Nobonob Baibel

¹⁸ Amge anam iitta. Kayak Nug oo niiom bianab beɗu laippuppa beɗuppan laih naunau digdig ele hattom daatteb.

1 Korint 12:18 ပူးပေါင်းရင်းမြစ်များ

Sam 110:3

Deɗ na kekeɗ nahip eɗadkkutnu banelag gokkut amu, nahipad ban danab ag gamag ahak doon, dim lamidkkulag. Ao, nahipad ban danab ag nid bau kuɗum, ɠagattag ele, ag genab nahipnu tituanak daatteb amu, ag na dim lamidkkulagnu buttuanab ahan daaglag.

Sam 135:6

Yawe Nug habppa, wanppa, yuppa, amu yu unuqagppa ele aɗi hekkunu dabmette amu, Nug hette.

Aisaia 46:10

Da digmak haenppa keeke laanu gogppa tak haenppa bekku amu hei, miag atitte. Da anukkanab aɗi keeke butti aɗi bekku ai dooppig. Da attem. ‘Da aɗi keeke dabmein attem amu, da hei bette. Da aɗi oh hekkulnu hettem amu, da hekkul.’

Jona 1:14

Ag eeɗkkulagnu elele iitta anidppig amunu, ag Yawe unuqidna appig. “O Yawe, na nakka, na oot daye, na he, yu imu aakku eheɗ ahom amunu, O Yawe, ig na unuqidttem. Ig danab imu buɗipput, yuppa noa mauheb amu, na amunu nob mena, ii iqamnanu oɗ medattem. Yo, na danab laa nug danab laa eheɗ laa ii heum ele, nug nug qe mauhtte, na nug nob medattem, na amubia ihinignu ii hemananu oɗ medattem,” aon unuqidppig.

Luk 10:21

Haen amuppa Kayak Ouɗi Nug he, Jesus Nug maɗoɗppan gamag ahak doya, Nug aum. “O Mame, na hab wan ele dilah Okkai daattem, amu na ⌊wan imuppan dabmakppa⌋ danab laala ag doyak dabmak ena ele, danab laala sul okkai heppig ele, na amu dilagppa keeke imu lokkumna, nid naunau ippunadme amunu, da na onin humattem. Yo, Mama, na amu hekkutnu enanag doome, amunu na heme,” awa aum.

Luk 12:32

O lailad, ag aib baɗappig. Da Mamel Nug nuhig ɗo maɗoɗ ag madakkunu oo daatte.

Rom 12:3

Kayak Nug da ehanittak okkai hamu meɗom amu, da amuppa ag anen anen amelagppa attem. Ag akka anen anen ag, “Dahil hak, dahil oiyak ele am enanag,” amge nahip hak, nahip oiyak ele am melemel amuppa ii bette amu, ag anambia aib dabmeppig. Iitta. Kayak Nug ooppa genab doyak ahilag ag anen anen matte, ag uɗat hetteb ele amu, ag amu dabmenan, ag akka anen anen ag dabmak tutukku aon oiyeg!

Rom 12:6

Kayak Nug ig anen anen uɗat laala hekkunignu ehah mekkom amunu, danab laa nug nuhig ehah am propet nai mehuqaknu daatte dayeb, nug ooppa genab doyak nuhig dim lamitta nai mehuqaɗ!

1 Korint 12:11

Kayak Ouɗi laippu amu, Nugib nuhig ɗo hamu mettak amu oh he bette. Nug dabmette bia danab anen anen aɗi hekkulagnu ehah amu madatte.

1 Korint 12:17

Beɗu oh am amegib daalo amu, nug nai attem doolo? O iitta beɗu oh am daugib daalo amu, nug attem uɗig doolo.

1 Korint 12:19

Beɗuppan laih naunau ag iɗu iɗu ii daalob amu, beɗu laippu ii daalo

1 Korint 12:24

amge laih laala am binalag ele anadttem amu, ig ahilagnu anam hekkunignu ii daatte. Anam aakku amu amuppa ig anidttem, Kayak Nug ig beɗunig babaitte, laih laih oh, laa am danab dilag neekkakppa anam iitta bia, amge laih laih oh ag daaglagnunab daatteb.

1 Korint 12:28

Am Kayak Nug Kristen tamaniak ooppa nuhig uɗat hak danab ele anam aakku meum. Anuqak am totol danab daatteb. Amu dimulagppa am propet danab daaeg, ag dimulagppa am ippunittak danab daatteb. Aria, laa amu kobol danab hekkunu elele iitta hak danab daaeg, laa ag oɗe babaittak danab dilag ehah ele daaeg, amu laa ag ehanattak danab daaeg, laa ag uɗat digdig gumak danab dilag ehah ele daaeg, laa amu aabaab naippa nai mattiaknu danab daatteb.

1 Korint 15:38

Amge Kayak, Nug dabmak nuhig dim lamitta, Nug gumu, uɗug ele medatte. Nug ee iɗu digdig ohnu amu anen anen gumulkad uɗulkad ele anam madatte.

1 Korint 3:5

Ag tutukku dabmak aon antteg! Apolos nug am aun? Am da Pol am aun? I am maɗi nidib; Naɗi Nug i uɗat ihinih piɗe piɗe metom. Nug uɗat amu mete, i uɗat amu heuɗuɗ, ag Kristusnu oolagppa genab dooppig.

Epesus 1:5

Nug anukka dabmaknab awom, oo ele niiom bia amu, Nug Jesus Kristusnu uɗatppa ig tainig mawa, Nug bekkod daagnignu meikkom daattem.

Epesus 1:9

Anukka Kayak Nug nukka nuhig dabmaknab awakppa Kristusnu uɗatppa ehanigkkunu oo ha dabmeum amu, Nug dabmak amuib dim lamitta he, ihinigppa miag atiom.

Revelesen 4:11

“O Naɗi, ihinig Kayak, Na keeke ohnab heme. Nahip doyakppaib na keeke oh he beppig. Gemu keeke amu oh nahip doyakppaib ele iikku daatteb amunu, binag amahlak oppiaawak, ɠagattag, binag ele nahip-ppa daakkunu, na elele daattem.” Ag anam aegeg anidmi.