1 Korint 11:3 - Nobonob Baibel

³ Amge ag nai imu dooglagnu da ool daatte. Danab oh ikkilag am Kristus, ah ikki am danab, Kristus ikki am Kayak.

1 Korint 11:3 ပူးပေါင်းရင်းမြစ်များ

Genesis 3:16

Yawe Kayak Nug anam awowa, Nug eɗua, ah amegppa aum. “Da heppi, nid awak haenppa na guittak okkai dookkut. Ao, na guittak doon, nid menuadkkut. Na gamutnu oot huanaknab daakku, amu nug na gumidkku,” awa aum.

Aisaia 52:13

Yawe Nug atte. “Antteg! Dahil maɗi nid nug doyak dabmak okkai ele dim lamitta, nuhig hak hekku. Nug onig okkai, binag okkai ele aokku.

Aisaia 55:4

Antteg! Da hei, Dawit nug huu digdig dilag gumitta danab dayom. Ib amuppa, da dahil ɠagattag danab ah huu ohppanu amu ippunadmi.

Matyu 28:18

Anam heegeg, Jesus Nug ag gumatta doa, amelagppa aum. “Kayak Nug da keeke oh wanppanu, habppanu ele ikkilag daakkulnu meiɗom

Jon 14:28

‘Da ag uuatte ukkoya, da eɗuen ag gumatte uɗikkul,’ ai dooppig. Ag genab dahilnu oolag mauhlolob, ag da Mame toppa gokkulnu amu, ag amunu oolag gamag ahalo. Aɗinu? Mame Nug am Naɗi, Nug da eɗilak.

1 Korint 3:23

amge ag am Kristusnu, amu Kristus Nug am Kayaknu aakku daatte.

Epesus 4:15

Iitta. Ig oo mauhak dootta, nai genab miag maditta, ig keeke ohppa ihinig ikki Kristus, Nug oitte amubia ig oignig.

Kolosi 1:18

Jesus Kristus Nug am Kristen tamaniak ikki daatte, amu Kristen tamaniak am Nug beɗu daatte. Kristen tamaniak diig amu Nugib aakku. Nug am danab anuqak moɗppan bau eɗua hibaittak danab. Nug anam daatte amunu, keeke oh ikki amu Nug aakku daatte.

Kolosi 2:10

Nugib okkai ohnu, amu okkainab ohnu ele ikki daatte. Nuhigppaib amu Kayak Nug aɗi keeke madakkunu hette amu, am ahilagppa ambette.

Kolosi 2:19

Danab amu nug Kristus ele ouqak ii daattep. Jesus Nug ig Kristen, ig ikkinig daatte. Ikki nug beɗu oh ɠagattag medatta he, beɗu nug diɗippa tuɗittak ouqak laippu dayaya, ena daatte. Beɗu nug am Kayaknu ɠagattagppa ba okkai mette.

Kolosi 3:18

Amu ah ag Naɗi Nug oo niitte, amubia ag gamulkad waalagppa dayeg!

1 Pita 3:1

Amubia ah ag danab ele amu, ag gamulkad waalagppa daanna, kobol enaib heig! Ag anam hekkulagnu diig am inam. Danab ahilkad oolagppanu laala ag Kayak nai ii dim lamidtteb dayeb amu, danab amu ag waalkad ag Kayak pehettak binag mena daanna, kobol oppiak ele dim lamidna oitteb anidna, anttak amuppa, ah dilag nai mattiak iittappa, ag oolag eɗueb, oolagppa genab dooglagtai.