1 Korint 11:29 - Nobonob Baibel

²⁹ Aɗinu? Danab nug nuhig oiyak elele iittappa, Naɗi Jesus beɗu, tiig ele amu dab-ii-mata, nug hamu latte dayeb, nug nukka nuhig aab aakku latte.

1 Korint 11:29 ပူးပေါင်းရင်းမြစ်များ

Eklisiastis 8:5

Aun nug kingnu haknunab anak dim lamidtte amu, nug guittak laa ii aoma; amu danab nug doyak dabmak ena ele, nug aɗi keeke hekkunu, nug amu haknu haen, amu haknu ippu ena ele dootte.

Luk 7:34

Aria Danab Bekkalag da, da uɗien, ee le ele lattem amunu, ag atteb. ‘Antteg, nug ee huanak lanana, wain ele huanak latte. Nug laikkud am takis awak danab, amu danab laa ag ig Juda, ihinig ɗo oh ii dim lamidtteb ele,’ aon atteb.

Rom 13:2

amunu, danab nug danab gumaknu ehah ele waappa ii daya tappe nak kobol hette, nug keeke Kayak qappom waappa ii daya tappe nak kobol hette. Amu danab ag kobol anam hetteb amu, ag geha ahilag hak nau amunu nob nau aoglag.

1 Korint 11:24

Mameg amegppa, “Ena heme,” awowa, pane ne Nug aum. “Imuam da beɗul, amuppa da ag ehanadkkul. Ag dahilnu dabmekkulagnu lanaknu kobol imu heig!” awa aum.

1 Korint 11:27

Amunu danab laa nug oo babaittak iitta, nug Naɗinu bret o wain anam hamu awa latte amu, nug amuppa Naɗi Jesus beɗu, tiig ele am keeke hamu bia doya, kobol nug hette, amuppa nug hipunin hette.

1 Korint 11:28

Danab nug nukka epeɗitta anttowa, aria haen amuppa nug ee, wain amu ele lakku.

1 Korint 11:30

Diig amuppa ag oolagppa danab ah kuɗum ag ɠagattag iitta, laa kuɗum ele ag oɗe aona, laala mauhadppig.

Hibru 5:14

Amge ee ɠagattag am danab kalulag ele, ahilagnu daatte. Danab anam amu, ahilag dabmak am okkai meum, ag dabmak elele aon oitteb amunu, ag kobol ena, nau ele epeɗin dooglagnu elele.

Jems 3:1

O lailad, danab kuɗum laa ele ag oolagppanu ippunittak danab bekkulagnu aib dabmeppig. Aɗinu? Ag dootteb, dimppa Kayak Nug epeɗiak ɠagattag ippunittak danab ihinigppa haaha, Nug epeɗiak nakok bodoettak Nug baekkudppa laala dilagppa hekku.

Jems 5:12

Amge O lailad, anuqak amu ag inam hekkulag. Ag aib hab onig o iitta wan onig, o iitta keeke laa onig diina, ahilag nai, nai amuppa ɠagattag qedappig. Iitta. Ag “Iitta,” akkulagnu dayeb am, “Iitta,” akkulag. Am aakku elele. Aria ag, “Yo,” akkulagnu dayeb amu, “Yo,” akkulag. Am aakku elele. Am ag keeke laa onig diin, ag ahilag nai ɠagattag qettan akkulag amu, Kayak Nug geha ag epeɗiatta, nob nau madakku.