1 Korint 11:19 - Nobonob Baibel

¹⁹ Aɗinu? Ag enanag ii hetteb amunu, obatak amubia genab bekku, amge amuppa Kayak Nug heeb, ag oolagppa danab aun aɗi ag tutukku daatteb ele amu, ag miag atiglag.

1 Korint 11:19 ပူးပေါင်းရင်းမြစ်များ

Matyu 18:7

Wan imuppan danab ag laala hipunin hekkulagnu eeɗadtteb amu, ahilagnu gadonnab gadon. Kobol amuam genabnab daatte, amge danab nug anam hette, nuhignu am gadonnab gadon.

Luk 17:1

Amu Jesus Nug nuhikkud ippunittak awak danab amelagppa aum. “Am keeke digdig danab ah ag hipunin hekkulagnu eeɗadkkulagnu daatteb, amge danab nug heeb, danab laa ag hipunin hekkulag amu, nuhignu gadonnab gadon.

Luk 2:35

Amunu diig am, danab kuɗum dilag dabmak aakku miag atiak daakku. Amu oo doyak okkai, qep aegppa yaak bia, na yaaidkku,” awa aum.

Aposel 15:5

Aa amu mattieheh, ɗo gumak danab-Parasia dilag huuppan, ag Jesusnu oolagppa genab dooppig ele ag ahan appig. “Kayak anukka gaɗa otaɗaknu ɗo meum niitte amunu, iitta aɗi danab ag Kristen daaglagnu oolag dayeb, ag ele gaɗalkad otaɗkkulagnab. Ele amu ig apput, ag Mosesnu ɗo oh ele dim lamidkkulag,” aon appig.

Aposel 20:30

Am ag akka ahilkad danab laala ag ahan, ag doyak diig genabib baolinna, ag Kristen eeɗadppeg, ahan dim lamadkkulagnu hekkulag.

Aposel 24:14

Amge da nai laippu imu ag amunu genab appig amu da appi dookkut. Da huu laa, Juda ag huu amunu, ‘Ena iitta,’ aon atteb, huu amu ib ippunigtte amu, da ib amu dim lamidttem. Da ib amu dim lamitte, ig mamelkad aɗi dilag Kayak amu da Nug noobppa dup noin binag meinne, ɗo nai niitte, amu propet dilag yaak amu oh ele oolppa genab doottem.

Aposel 24:5

Danab imu ig nug anidmut. Nug eheɗ kuɗum he bette. Nug wan atu ohppa Juda dilagppa nug he, Juda ag ahan nug qak bia hetteb. Aria huu ena iitta laa, ag amunu Nasaret huu aon atteb amu, danab imu nug ahilag anuqak danab laa daatte.

Aposel 26:5

Ag haen elabnab da aakku dooiɗtteb amunu, ag oolag dayeb, ag da ihinig mettid haknu huu laa, huu amuam gun kuɗumnab, laa oh eɗattak, amuam ɗo gumak danab-Parasia, da huu amunu laa daami akkulagnu elele daatteb.

Aposel 28:22

Amge ig na nakka nahip dabmak aɗa ameg ma dayak amunu attem daatte oɗenppa madippe doognignu oonig daatte. Ig doottem, aabaab ohppa danab ah ag Kristen dilag huunu nai eheɗ maditteb.” Ag anam aon Pol amegppa appig.

Aposel 5:17

Ag anam heeg ukke amu, mana mettak ikki danab, nuhikkud ehanittak danab oh, ag am ɗo gumak danab-Sadyusi oolagppanu amu, ag ele, ag totol dilagnu, ihinigppa anam daalon dabmak aɗan daappig.

1 Korint 11:20

Ag anam daatteb amu haen ag oh qagmetteb amuppa ag, “Ig Naɗinu ee lattem,” aon atteb, amge ag anam ii hetteb.

2 Korint 12:20

Haen da ag gumatte ukke tein, da ag danab attem daaglagnu ool daatte amu, da anam bia ii anadkkulnu, ag ele da aniɗna, da danab attem daakkulnu oolag daatte, ag anam bia ii aniɗkkulagnu amu, da ool ii daatte. Da nai a ona a doak kobol, dahil doya laa aomanu doyak aɗa dayak kobol, nai hak kobol, obatak obatak dayak kobol, baeg qak kobol, dimug nai mattiak kobol, beɗuppa tak kobol, Kristen tamaniak kaboliak kobol ele amu, da amu anidkkulnu ool ii daatte.

Galesia 5:20

kayak hambuppuak binag mak kobol, onig awak kobol, laanu nau ninig ele doyak kobol, heqoppa qak kobol, laanu dahilppa anam daalon dabmak aɗa dayak kobol, oppoɗi be ameg kokoɗ eppak kobol, akka akka ahilagnuib dabmak awak kobol, nug qak kobol, huu obatak kobol,

Duteronomi 13:3

ag aib nuhig nai dooppig. Aɗinu? Yawe, ahilag Kayak, Nug ahilagnu ma anttak, ag nuhignu meulag ohppa, oolag ohppa ele oolag mauhttete, o iittate, Nug amu anidkkunu hette.

Taitus 3:10

Laa ele, danab laa nug tamaniak ena loppaɗtte ele, na tolittak uɗat laippu hewona, laa ele heppe amu anam bataɗ! Amu nug baula tippaleb amu, na nug geɗitte!

1 Jon 2:19

Kristusnu kekeɗ ag ig oonigppa daappig, amge ahilag ooppa genab doyak am ihinig ele laippu iitta amunu, ag uuigna goppig. Ag ig ele ooppa genab doyak laippu daalom, ig gemu ag ele laippu daalom. Ag ig uuigna goppig amu, amuam ag ig ele laippu ii daamut ippunigtte.