1 Korint 10:23 - Nobonob Baibel

²³ Da keeke oh hekkulnu ib daatte, amge keeke oh da ii ehaniɗtteb. Ge, da keeke oh hekkulnu ib daatte, amge keeke oh amu heppeg, da ɠagattag ii daapa.

1 Korint 10:23 ပူးပေါင်းရင်းမြစ်များ

Rom 14:15

Aria, laa nug keeke laa lakkunu eheɗ dootte dayeb, amge na ee amu lattem amu, kobol nahip amuppa na heppe, na layap nug ooppa guittak dookku, na amunu dookkut, kobol amuppa na layapnu oot ii mauhtte. Amu Kristus Nug na layap amu eɗua aokkunu mauhom amunu, na nahip ee lanak kobolppa nuhig ooppa genab doyak aib heppe nauhom.

1 Korint 14:12

Amu ag ele anamib. Ag ele Kayak Ouɗinu ɗo hamu mettak aoglagnu oolag huana daatte amunu, Kayak Ouɗi Nug ag Kristen tamaniak ɠagattag madakkunu ɗo hamu mettak amu ag anen anen madatte amu, ag ɗo hamu mettak amu elelenab hekkulagnu wagai meig!

1 Korint 14:17

Na hettem am genab, na Kayaknu ena heme aon amegppa ana, binag mettem, amge danab laa oo ɠagattag qettak ii aotte.

1 Korint 14:26

Anam daatte amunu O lailad, ag ahi ettaglagnu qagmena, ag attemtai hekkulag? Ag inam hekkulag. Haen ag oh qagmetteb, laa nug ahiettak laa edakku, laa nug ɠagattag aqaknu nai ippuanadkku, laa nug Kayak nai ippunittom amu mehuqkku, laa nug nai laappa nai madikku, am laa nug nai amu eɗukku. Ag keeke amu oh anam hekkulag, amge ag keeke oh Kristen tamaniak ɠagattag qekkunu heig!

1 Korint 6:12

Da keeke oh hekkulnu ib daatte, amge keeke oh da ii ehaniɗtte. Ge, keeke oh da hekkulnu ib daatte, amge da keeke laan begbeg maɗi nid ii daapa.

1 Korint 8:1

Aria, dimittimnu danab, ag Jesusnu oolagppa genab ii dootteb ele, ag doɗ main kayak hambuppuak dottolkad madatteb amu, ig Kristen ig teppu amu lakkunigtai, o iittatai, imu am amunu nai. Ig doottem, ig oh am keeke amunu doyak ele, amge doyak ⌊nukka dayeye, oo mauhak ulum ii medatte dayeb,⌋ doyak am heeb, danab nug doyak ele dada danab bette. Amge layagnu oo mauhak kobol am danab oo ɠagattag qedatte.

1 Korint 8:9

Amge keeke ag akka ahilag dabmakppa ag amu hekkulagnu elele dootteb amu, amuppa ag laala Kayaknu kobol oh ii dooppig ele amu, ag ag eeɗadppeg, hipunin ibppa gomananu ag dabmeig!

2 Korint 12:19

Da ii doottem. Ag ihinignu, “Ag ig ahilagnu, ahilag haknu ele ena dooglagnu anam yaatteb,” dabmettebtai. Amge iitta. Ig Kristusnu daattem amunu, ig Kayak noobppa nai imu madittem. O lailad, gadonnab, da nai yaami imu oh amu ahilag ooppa genab doyak amu ɠagattag qedakkulnu yaami.

Epesus 4:29

Nai uɗig wak laa ag oɗelagppa aib beum. Iitta. Nai ena danab ɠagattag madatte, danab ehanadtte, nai amuib ag oɗelagppa baɗ! Amuppa danab ag ahilag nai dootteb ele amu, ehanittak mattaglagnu elele.

1 Tesalonaika 5:11

Anam amunu, ag gemu hetteb amu, ag tuɗidna, anamib henana, akka akka nug ehanidna, nug oo ɠagattag qettak ele heig!

1 Timoti 1:4

Laa ele, ag kaya hamu, amu alalkad memetalkad onilag kuɗumnab batak iitta amu, amunuib aib dabmenana madippig. Ag keeke aɗit amu mattinna, tamaniak ooppan danab ah dilag dabmak kabolitteb. Nai ag maditteb ele amu, Kayaknu uɗat ii ehanidtte. Iitta. Kayaknu keeke am ooppa genab doyak, ib amuppaib bette.