1 Korint 10:13 - Nobonob Baibel

¹³ Eheɗ haknu eeɗak laanab ag beɗulagppa ii bette. Iitta. Danab oh aotteb amuib. Amu Kayak Nug hanhan ehanigkkunu oo metta ii uuak kobol dim lamidtte amu, Nug eheɗ haknu eeɗak haenppa ele ehanigkku. Eheɗ haknu eeɗak amu na eɗidmanu Kayak Nug na ehanitta, eheɗ haknu eeɗak okkainab, na eɗidkkunu elele, amu bemanu amu Nug aib akku. Ge! Haen na eheɗ haknu eeɗak aottem ele amu, haen amunab Nug na eheɗ haknu eeɗak waappa daamnanu ɠagattag medakku, amu amuppa Nug eeɗak amu eɗidkkunu ib medakku.

1 Korint 10:13 ပူးပေါင်းရင်းမြစ်များ

Sam 124:7

Nug ehanikke, ig am ai laa uhuippa notte, amge eɗua giɗo antta, ba gotte bia daattem. Ao, Yawe Nug pelem amu loppaɗe, ig ena daattem!

Sam 125:3

Anam amunu, nau hak danab ag genab tutukku hak danab iinab hanhan gumadmana. Ag anam helob amu, genab tutukku hak danab ag eɗun, nau helobtai.

Sam 36:5

O Yawe, nahip oo mauhaknab kobol am naɗinab. Keeke laa attannab lomppa tette ele, am amu eɗittak, naɗinab daatte. Ao, oo metta ii uuak kobol nahip am naɗinab. Amuam keeke laa ta, lombig ooppanab gotte, am amubia daatte.

Sam 89:33

Amge da laa nug tituanmi ele amu, da nuhignu oo mauhaknab dahil tuqen ii aopa. Ge, oo metta ii uuak kobol nuhignu da doottem amu, da ii tuqe aopa.

Eksodas 3:17

Da kobol nau ag ahilagppa hetteb amu, da amu anidttem amunu, da imu genab hekkulnu nai ain qagattem. Da geha ag Israel, da ag Isip eppelagppanu diiatten, da ag omaladppi, ag gona, Kanan wan aon, ag appa daaglag. Gemu amu danab laala, ag am Kanan, Hit, Amo, Peres, Hiwi, amu Jebus danab ele amu, ag wan amuppa daatteb. Wan amuam enanag, wan ittag ele, amuppa ee meu huana otte,” ’ ” awa aum.

Aisaia 11:5

Danab nug matagiɗ tagatte, amubia ⌊Jesi buɗub⌋ nug genab tutukku hak kobol aɗa dim lamidkku. Ao, danab lamen tagatte, amubia geha nug oo metta ii uuak kobol haen oh dim lamidkku.

Aisaia 25:1

O Yawe, na dahil Kayak! Da na binan mein, na onin attan humakkul. Aɗinu? Na keeke oh hekkutnu anukka maittak aome amu, na maittak amunu oo metta ii uuak kobol dim lamidnana, aakku heme. Amu, na keeke heme amu, keeke amuam keeke okkainab, danab andatta ottaitte.

Aisaia 49:7

Yawe, Nug am Israel, ahilag qagaiettakppanu eɗua uhuqaknu ehanittak daatte, Nug Israel dilag Kayak Oppiaawak Ele amu, Nug nuhig maɗi nid, laa ag nuhig danab amunu oolagppa ena iinab dootteb, nuhig danab amu Nug wanppan okkai dilag maɗi nid daatte amu, Nug nug amegppa atte. “King ag na anidna, ag ahaglag. Danab okkai laa ag na anidna, ag dup nona, gomelna daaglag,” awa atte Ag amu hekkulagnu diig am, Yawe Nug nuhig diignu oo metta ii uuak kobol dim lamidtte; Nug aɗi hekkunu atte amu, Nug hette, ag amu anidkkulag. Ao, ag amu hekkulagnu diig am, ag Yawe, Nug Israel, ahilag Kayak Oppiaawak Ele, ag Nug na tituanittom amu, ag Nug anam heum anidkkulag.

Jeremaia 12:5

Jeremaia nug Yawe amegppa anam a, Yawe Nug nob ma, inam aum. “Na danab ele baelagppa nug eɗidkkulagnu hee, ag na eɗidppig dayeb amu, na attem hena, hos ele nug eɗittak hekkut? Na wan ena, uɗem ele, na wan amuppa oinna, baen keeke laa ye, nena qeme dayeb amu, na Jodan le daugppa, muɗi keeke huanak daattebppa, na attem hena, appa oikkut?

Jeremaia 29:11

Aɗinu da, Yawe, da anam hekkul? Da ag Juda, da ahilagnu maittak ena laa ele aɗe daattem. Maittak amuam, da heppi, ag maɗoɗ ele daaglag. Da eheɗ hadakkulnu maittak aɗe ii daattem. Da ag, ag ena bena, baɗak iitta daaglagnu dabmak aɗan oiglagnu maittak aɗe daattem.

Gayak Nai 3:23

Oo mauhaknab kobol, oo gai-iitta doya oo metta ehanittak kobol nuhig ele am buttua ohppa bau tuɗidttep, ii iitta mettep; O Yawe, nahip oo metta ii uuak kobol am okkainab daatte.

Daniel 3:17

Na heppe, laa ag buɗigppeg, aab ewak naɗippa tekkunig dayeb amu, Kayak, ig Nug waappa daatta nuhig maɗi nid daattem, Nug ehanikkeb, ena daagnignu elele. Nug elele amunu, ⌊Nug amu hekkunu ena anidkku dayeb,⌋ O king, Nug ehanikkeb, ig na eppenppa ii daamta.

Hosea 2:20

amu oo metta ii uuak kobol ele dim lamatten atognoadppi, ag dahilad daanna, ag dahilnu, ‘Nug am Yawe,’ dooiɗkkulag,” awa atte.

Matyu 6:13

Na ippun ena, ig nau hekkunignu eeɗak iittappa omaigna, Satan eppegppanu awigkkutnu oɗ medattem.’ ” Jesus Nug anam aum.

Luk 11:4

Laa hipunin megatteb, ig uhuqta madattem amubia na hipunin ihinig uhuqna megakkutnu na unuqidttem. Na ippun ena, ig nau hekkunignu eeɗak iittappa omaigppe gokkunignu oɗ medattem,’ ” awa aum.

Luk 16:26

Amu keeke laa ele, ig ag ele oh gamagppa Kayak Nug bai naɗi umanab noa ukkak laippu meum daatte amunu, danab ippa daatteb ele ag ahan, bai amu nona tena, ag daattebppa wakkulagnu amu, ag elele iitta. Am danab appa daatteb ag ahan, bai amu nona bena, ig daattemppa dokkulagnu amu, ag elele iitta,’ awa aum.

Luk 22:46

Anatta Nug amelagppa aum. “Ag aɗinu niitteb? Satan ag eeɗatteb eheɗppa gomananu amu, ag ahan unuqitteg!” awa aum.

Aposel 27:44

Aria, nug ele danab laala ag ilog mak ii doodppig ele ag uub aoɗom, ag amunu ad maha laippu laippu diin, maya mena gona eeɗkkulagnu aum. Amu ib amuppa danab oh ag enaib gona, yu ihippa teppig.

1 Korint 1:9

Kayak, Nug nukka ag Nug bekka Jesus Kristus, ihinig Naɗi, Nug ele laippu daaglagnu tituanattom amu, Nug oo metta ii uuak kobol dim lamidtte.

2 Korint 1:10

Ig mauhkkunignab doomut, amge Kayak Nug ig eɗua awikkom; butti ele anamib hekku. Ag ahilag unuqittakppa ehanigppeppeg, Kayak Nug geha ig eɗua awikkeb, ig ena daagnignu nuhignu oonigppa genab doottem. Anam heppeg amu, geha danab ah kuɗum laa ag ele unuqidppeg, Kayak Nug ig ehanikkeb, aria geha danab ah kuɗum ag ihinignu dabmenana, Kayak Nug keeke hette amunu Nug amegppa, “Ena heme,” aon akkulag.

Duteronomi 7:9

Yawe Nug anam aakku heum amunu, ag Yawe, ahilag Kayak, Nug am Kayak, ag anam doon autna aweg! Nug amu Kayak, Nug oo metta ii uuak kobol hette. Nug nuhig nug tituana nai qakkak nai ii okkultte. Nug danab ah ag oolag Nug mettan, nuhignu oolag mauhtte, nuhig ɗo ele dim lamittegeg, Nug he, ag Nug ele nug oo mauhaknab doyaknu nug tituana nai qakkak hetteb amu, Nug nug tituana nai qakkak amu dim lamitta ukkeb ukkeb, Nug ag buɗulkad menuattak huu laippu bia 1,000 dimppa bekkulag amu, Nug haen amu oh nug tituana nai qakkak amu dim lamidtte.

1 Tesalonaika 5:24

Kayak Nug ag onilagppa ette ele amu, Nug oo metta ii uuak kobol dim lamidtte amunu, Nug amu hekku.

2 Tesalonaika 3:3

Amge Naɗi, Nug oo metta ii uuak kobol dim lamidtte amu, Nug ɠagattag aqeb, Satan nug ag ii eeɗadma.

2 Timoti 4:18

Ao, Naɗi Nug laa dilag eheɗ hak ohppanu eɗua awiɗa, da nuhig hab aabppan ɗo maɗoɗppa daakkulnu Nug ena omaiɗa, appa gokku. Binag amahlak oppiaawak ele hanhan alet ele nuhigppa dayaɗ! Genab.

Hibru 10:23

Amu Kayak Nug keeke hekkunu nai qakka aum amu genab meu bekku amunu, ig Jesusnu ooppa genab doyak ihinigppa keeke ena meu okkunu attem amu, ig dabmak amu ɠagattag aɗat auta aota oitu!

Hibru 11:11

Sarah nug am ah mattoi, nug kaino ma, nid aokkunu haen nuhig iitta meum, amge Kayak Nug nug nid menukkunu nai qakka a, Sarah nug Kayaknu ooppa genab doyom amunu Kayak he, Sarah nug nid menukkunu elele dayom

Hibru 12:4

Ag am hipunin qeppeg nekkunu ban heppig, amge ban amuppa ag tiilag ii ne mauhppig.

Hibru 6:18

Aria, gemu keeke aɗit amu aakku daattep; laa am Kayak Nug keeke genab hekkunu nai qakka aum, laa am Nug nuhig nai Nug Nug onigppa ɠagattag qettom. Keeke aɗit amu aa baolikkulahnu elele iitta. Kayak ele hambubukkunu elele iitta. Aria, ig laa, ig Kayak Nug ig gog tak haenppa bauklel mekkeb aognignu dabmak aɗat daat, ameg mettem ele amu, keeke aɗit amu aa ig oonig ɠagattag qedattep.

1 Pita 4:19

Amunu danab ag Kayaknu dabmaknabppa guittak aotteb, ag akka ag beɗulag oh Kayak, ig heikkom, oo metta ii uuak kobol dim lamidtte ele amu, ag Nug eppegppa mena, tuɗidna kobol ena heig!

2 Pita 2:9

Aria, Kayak Nug amu oh ahilagnu anam heum amunu, Nug danab ag Nug noobppa genab tutukku hak danab daatteb amu, Naɗi Nug ag uug oh, ahilagppa betteb amu amuppanu diia atognoadkkunu doya auta awawa, Nug danab ag Nug noobppa genab tutukku hak danab iitta ele, Nug ag diia, nob nau awaknu hettoɗiak haen ameg mena daaglagnu maadkkunu ele doya auta aotte.

1 Jon 1:9

Ig ihinig hipunin Kayak amegppa miagib mattignig dayeb, Nug oo metta ii uuak kobol, aria nai doya mala hettoɗia epeɗia elele mettak kobol ele dim lamittatta, Nug ihinig eheɗ hak oh uhuqa mekka heeb, ig oppiak daagnig.

Revelesen 19:11

Nug anam a amu, hab obate, da hos hakkab laa dayeye anidmi. Laa Nug hos amu attan dayom amu, Nug onig am, Oo Metta ii Uua, Genab Hak. Laa amu Nug nai doya mala hettoɗia epeɗia elele mettak kobol dim lamittatta, nug epeɗiak uɗat, ban hak ele hette.

Revelesen 2:10

Nakok laa ele ag Smerna, ag uug baula maoglag, amge ag keeke amunu aib baɗappig. Doyeg! Ag Smerna daatteb, ag ahilag ooppa genab doyak am genab, o genab iitta doyaknu, ag ma anttak aoglag. Amuam Satan nug heeb, ahilkad kekeɗ ag oolagppanu laala maniguittakppa maadkkulag. Laa amu, ag deɗ 10 ag Smerna eheɗ hattaglag. Na oo metta ii uuak kobol dim lamidna, ootppa genab doyak ɠagattag aɗappe ukkeb, haen na mauhttem, amuppa amu da na bauklel hanhannu medakkul.

Revelesen 3:10

Na dahil haknunab nai dim lamidna, uug oh oo bodoettak ele maon oime amunu, da danab ah wan atu oh dilagppa uug naɗi, ma anttak madakkunu bekku amu, da na atognoidkkul; uug amu nahip-ppa ii bema.

1 Samuel 29:10

Anam daatte amunu, Dawit, butti buttuanab na nahipad huu ele, ag Saul uun, na ele da gumiɗna uɗippig amu, wagɗebeb ag oh ahan, eɗun ukkeg!” awa aum.