1 Korint 1:31 - Nobonob Baibel

³¹ Amunu ig Kayak naippa, nai laa daatte, amubia hetu! Nai amuam inam. “Laa nug onig humak hekkunu oo daatte amu, nug Naɗi onig aakkuib humaɗ!”

1 Korint 1:31 ပူးပေါင်းရင်းမြစ်များ

1 Stori 16:10

Nug onig am oppiaawak daatte; ag Nug onignu oolag okkainab gamalag ahaɗ! Ao, laa ag Yawe anidna dim lamidkkulagnu Nug maditteb ele, ag gamalag ahaɗ!

1 Stori 16:35

⌊O Israel danab ah⌋ ag Nug inam unuqitteg! “O Kayak, ihinig Padal ii maknu ehanittak, ig na, na onin am oppiaawak ele, ig na amenppa, ‘Ena heme,’ akkunignu, ig gamag ahak okkai doot, na onin humagnignu, na ehanigppe, ig padal mematanu unuqidttem. Ao, na ehanigppe, ig qagaiettakppa ii daapput, wanppan wan laalappanu qagmeigppe, ig ihinig wanppa daagnignu oɗ medattem.” Ag anam aon unuqitteg!

Sam 105:3

Nug onig am oppiaawak; ag Nug onignu oolag okkainab gamalag ahaɗ! Ao, laa ag Yawe anidna dim lamidkkulagnu Nug maditteb ele, ag gamalag ahaɗ!

Sam 34:2

Da Yawe Nug attem attem heum amu, da amunu Nug binag mettem; laa ag oolagppa elele iitta dootteb ele amu, ag dahil nai doon, ag oolagppa ɠagattag qak dooglagnu ool daatte.

Aisaia 41:16

Danab nug ulah ee aeg dappunkkeg iwale ukkaknu uɗat hette, amubia ag Israel ag ahilkad kekeɗ heppeg iitta mekkulag. Ulah ɠagattag ee aeg dappunkkeg mawa, umanab ukke, baula miag ii daatte, amubia ag Israel ag heppeg, ahilkad kekeɗ ag qettoɗna malaglag. Ag miag iinab daamna,” awa atte. Ag Israel, ag ahilkad kekeɗ ag anam daaglag. Ag anam daaglag, amge ag Israel, ag Yawenu oolag gamag ahakku. Ao, ag Yawenu, Nug am Israel dilag Kayak Oppiaawak Ele, Nug ag Israel, ag nuhikkud maɗi nid maɗi ah ele daaglagnu tituanattom amu, ag nuhignu oo gamag ahak huanaknab dooglag.

Aisaia 45:25

Amge geha Israel buɗub oh ag Yawenu ehanittakppa genab tutukku daan, ag gamag ahak okkainab dooglag.

Rom 4:2

Abraham nug ɗo dim lamittom, amuppa nug genab tutukku hak danab beum daakku amu, nug nukka nug onig humakkunu ib daakku; amge Kayaknu neekkakppa am anam ii daatte.

1 Korint 4:6

O lailad, da ag ehanadppi, ag da Apolos ele, ag i anitna, kobol ihinihppa ag antte oo maittak laa anidna, nai laanu meu anidkkulagnu da nai mattimi. Nai laa ag amunu meu anidkkulagnu am inam. “Yaak niitte aakkuib ag dabmenan oiyeg!” Ag nai amunu diig dooglag dayeb, ag danab laa onig ii humana, laa onig tabappeg ii nema.

2 Korint 10:17

Amge Kayak nai ele binag maknu nai laa ippunigtte. Nai am inam. “Laa nug onig humak hekkunu oo daatte amu, nug Naɗi onig aakkuib humaɗ!”

Pilipai 3:3

Aɗinu ag amu dilagnu dabmena autna aoglag? Ag am gaɗa otaɗak danab genab iitta. Ig Kayak Ouɗippa Kayak noobppa dup nota binag meta, ig Kristus Jesusnu uɗatppa aakkuib ig padal mematanu ehanittak aognignu dabmeta, ig beɗunignu kobol ig ehanigkkunu elele oonigppa genab ii doottem ele amu, ig ikka am gaɗa otaɗaknu kobolnu danab genab daattem.