1 Korint 1:20 - Nobonob Baibel

²⁰ Amunu danab doyak dabmak ena ele nug attemun? Danab doyak okkainab ele, nug ele am attemun? Attemun wannu haen imuppan danab nug oɗe alala eppa elelenab maditte? Kayak Nug wan danabnu doyak dabmak ena ele amu he, nai amu dabmak tutukku iitta iite daatte?

1 Korint 1:20 ပူးပေါင်းရင်းမြစ်များ

2 Samuel 15:31

Ag ukkaegeg, laa nug Dawit amegppa aum. “Ahitopel nug Apsalom ehanidkkunu, nug nug ele daattep,” awa aum. Nug amu a, Dawit doya, nug Yawe unuqitta, “O Yawe, na heppe, Ahitopel nug Absalom dabmak tutukku iittappa ulum nai medakkunu oɗ medattem,” awa aum.

2 Samuel 16:23

Haen amuppa danab ah ag Ahitopelnu ulum nai, ag nai amunu, “Kayaknu uɗitte amunu, nai nuhig am enaib,” dooppig. Dawit, Apsalom ele oh, aa ele anam doopiɗ.

2 Samuel 17:14

Husai nug anam a, Apsalom, Israel danab laa oh ele ag appig. “Ark danab Husainu ulum nai am Ahitopelnu ulum nai eɗidtte,” aon appig. Ag doon, dabmena appignu diig am, Yawe Nug Ahitopelnu ulum nai elelenab na qeeb, Apsalom nug padal mekkunu dabmak awe ɠagattag eppom daye, Nug Husai ehanittom.

2 Samuel 17:23

Ag anam mataɗppig, amge Ahitopel nug Apsalom nug nuhig ulum nai ii dim lamittom antta, nug donki nuhig gomeppa dayaknu keeke qakka, nug donki attan ta nug appag diigppa gokkunu ukkom. Nug ukka, nug laugppa Gilo appa teum. Nug ta, nuhig keeke oh babaitta mala, nug nugakka muɗi laa awa, baagppa qakke dayeye, nug beɗu aiha, nug mauhom. Nug anam he, ag nug gaɗa mamegnu boumak abenppa boumppig.

Job 12:17

Kayak he, kekeɗ ag wan laa eɗidna malan, wan amuppan ulum mettak danab ag wan amunu okkai danab ulum medappig ele, ag kekeɗ amu eppelagppa daaeg, kekeɗ ag danab amu beɗulag miag diin gotteb; Kayak he, epeɗiak danab ag ahilag nai maditteb, amge nai amuam kaaka nai miag atie, laa anidtteb.

Job 12:20

Kayak Nug he, danab okkai dilag ulum mettak danab, laa ag ahilagnu genab elele dootteb ele, danab amu ag nai ena baula ii maditteb; Nug he, ikki danab ag oo maittak awaknu ehah ahilag am iitta mette.

Job 12:24

Kayak Nug he, wan gumak danab ag dabmak ena iitta ele daan oitteb; Nug he, ag mauhnoak, aben nauhakib, appa mauhnoak oitteb.

Aisaia 33:18

Na anidnana, na tatam ootppa baɗak eheɗ nau dayom amu, na baɗak amunu dabmenana, na ootppa inam akkut. “Danab okkai ag heeg, ig men doɗo takisnu gane ewaknu doomut amu, ag adeppa daatteb? Ao, laa ag heeg, ig men doɗo okkai takisnu ag eppelagppa memut amu, ag adeppa daatteb? Ge, laa ag men doɗo ig mattamut aon, lakka ebqeppig ele amu, ag adeppa daatteb? ⌊Yawe he, gemu ag oh iitta meppig; ag ii daatteb⌋,” aon akkut.

Aisaia 44:25

Da, Yawe, da hei, propet hambuppuak danab dilag nai am kaboliak daatte. Ao, da hei, danab ah laa ag eman danab dilagnu ag dabmak iittanab ele daatteb anadtteb. Da hei, wanppan doyak dabmak ena ele danab dilag dabmak iitta mette. Ao, da hei, ahilag dabmak am hamunab, kaaka bia daatte.

Aisaia 53:1

Aun nug ihinig nainu ooppa genab doyom? Ao, aun nug Yawe Nug nuhig ɠagattag ippunitte, danab amu nug amunu tutukku dabmaama anttom?

Jeremaia 10:7

Na wan atu oh dilag King daattem; danab ah ohnab ag nahipnu ebehilag oh bodoetta le mekkunu daatteb. Aɗinu? Ig danab ah oh anam hekkunig am kobol pehettak, kobol tutukku ele. Laa ele, wanppan wan ohppa danab ag doyak dabmak ena ele daatteb, amge ag oolagppa, aria, ɗo maɗoɗ oh oolagppa ele, laa nug na bia laal ii daatte.

Matyu 13:22

Ee aeg wan uud keeke qaun ele beppigppa nena qeppig ele amu, nai amu inam ippunigtte. Danab laa nug nai dootte, amge wannu haen imunu uug laala, enub awak uɗatnu ameg qak kobol ele, keeke amu oh danab amu nug ooppa he, Kayak nai iitta ma, meu ii otte.

Jon 12:31

Gemu amu, wan imuppan danab oh dilag epeɗiak haen. Gemu haen imu amu, Kayak Nug heeb, wan imunu gumak danab nug gumak aben nuhigppa ii daama.

Aposel 17:18

Amu nug anam heehe, aria doyak danab ameg aɗit daappig, ag nug ele aeg ona aeg doum. Doyak danab ameg laa amu ag doyak onig Epikuriannu doyak, ag amunu nai aɗappig, laa amu ag doyak onig Stoiknu doyak, ag amunu nai aɗappig. Doyak danab amu ag oolagppa laala Polnu inam appig. “Danab umu nug aɗi nai mauhnoak maditte?” Aegeg, Pol nug Jesusnu Nai Ena, Nug mauhakppanu eɗua hibaittomnu ele mattiom amunu, laa ag appig. “Nug aab laappan dilag kayak, ig ii doottem ele, amunutai nai mehuqtte,” aon appig.

Rom 1:20

Kayak nukka nuhignu ag ippuanattomnu amu, anukkanab Nug keeke oh hattom, haen amuppanu uɗie gemu ele danab ag Nug keeke hattom am anidtteb, amuppa danab ag Kayaknu kobol laala, danab ag ii anidtteb ele, amu dooglagnu elele. Amu ag genab Kayaknu kobol diig anidna amu nuhig ɠagattag naɗi hanhan daatte ele, amu ele anidppig amunu, danab ahilag eheɗ hak lokkumidna, ag anen anen, “Da ii doomi,” akkulagnu elele iittanab.

Rom 1:22

Amu ag hibguitta hena, inam appig. “Ig am doyak dabmak ena ele,” appig, amge ag danab nug Kayak dab-ii-maama ii dim lamidtte elenu kobol dim lamitte,

1 Korint 1:19

Nai amunu Kayak naippa, nai laa daatte. Nai amuam inam. “Da geha danab doyak dabmak ena ele dilag doyak dabmak ena ele heppi nauhkku. Ao, danab ag doyak okkai ele, ahilag doyak okkai amu da heppi, iitta mekku, baula ii daama.”

1 Korint 1:26

Amu O lailad, imuam ag daulagppa doaɗ! Kayak Nug anukka ag Kristen daaglagnu onilagppa eum, haen amuppa ag oolagppanu danab kuɗum ag wanppanu doyak dabmak ena okkai iitta, ag kuɗum amu onilag iitta, amu anuqak danab ele kuɗum iitta.

1 Korint 1:27

Amge ag amunu aib ottaippig. Kayak Nug kobol laala, wan danab ag amunu, “Dabmak tutukku iittappan kobol,” aon atteb ele amu, Nug wanppan doyak dabmak ena ele danab uɗalag nekkunu, kobol amu tituanattom. Amu keeke wan danab ag amunu, “Keeke ɠagattag iitta,” atteb ele amu, Kayak Nug wanppan danab ɠagattag ele amu, ag uɗalag nekkunu keeke amu tituanattom.

1 Korint 1:28

Aria, Kayak Nug wan imuppan keeke onig iitta, keeke wan imuppan danab ag amunu ena iinab dootteb, keeke ag amunu hamunab dootteb, Kayak Nug amuppa heeb, keeke wanppan danab ag amunu keeke okkai dootteb ele, amu iitta mekkulagnu diia tituanattom.

1 Korint 11:32

Amu haen Naɗi Nug ig aɗi hettem anikka, Nug ihinig hak amu epeɗitta, ig danab Kayak ii dim lamidtteb ele oh padal ii mematanu, ig ena bekkunignu Nug ig tolikka, bu iqaaqa bappaigtte.

1 Korint 2:6

Imuam genab, ig danab Kayak kobolnu kalulag mettak ele, ig ag amelagppa nai doyak dabmak ena ele mehuqttem. Amge nai doyak dabmak ena ele amu, amuam wannu haen imuppan danab dilag doyak dabmak ena ele iitta. Amu wan imunu ikki, ahilag ele iitta. Ag am iitta mekkulag.

1 Korint 2:8

Wannu haen imuppan ikki danab oolagppanu laa nug doyak dabmak ena ele amunu diig pehettak ii doyom. Iitta. Ag doolob amu, ag Naɗi, Nug binag amahlak oppiaawak ele, ag Nug emaitakppa ii atullob.

1 Korint 3:18

Amge laa nug nugakka buppuidmanu dabmaɗ! Ag oolagppanu danab laa nug wannu haen imuppanu doyak dabmak ena okkai awom amunu nug, “Da am doyak dabmak ena ele danab,” dabmette dayeb, nug genab doyak dabmak ena ele danab ba daakkunu, nug wannu haen imuppan doyak dabmak ena ele oh qeeb naɗ!

1 Korint 3:19

Aɗinu? Wanppanu doyak dabmak ena ele, amuam Kayak noobppa dabmak tutukku iitta. Kayak naippa, nai laa daatte amubia. Nai amuam inam. “Danab wan imuppan dabmak doyak ena ele laala ag doyak dabmak ena ele amuppa ag keeke laa hekkulagnu lokkumakppa dabmenana maittak eheɗ aotteb amu, Kayak Nug he, ag nuhig pelemppa tetteb.”

1 Korint 6:2

Kayaknu danab ah oppiaawak ele ag wanppan danab ah epeɗiadkkulag amu, ag iite dootteb? Genab, ag Korint ag geha wanppan danab epeɗiadkkulag amunu, keeke okkai iitta ele, ag amu babaittaknu elele iittate? Ag am attemtai?

Jems 4:4

Ag danab ah naunab. Ag Kayak uuna, kobol laala dim lamadtteb ele. Ag danab nug wan kobolnu oo hette ele, nug aakku Kayaknu kekeɗ daatte iite dootteb? Ge, laa nug wan kobolnu layam daakkunu dabmak awa, dabmak amu dim lamidtte, nug Kayaknu kekeɗ daatte.