1 King 9:9 - Nobonob Baibel

⁹ Ag oɗmak anam hebeppeg, laa ag nob mena akkulag. ‘Imu beumnu diig am inam. Israel ag Yawe, ahilag Kayak, ag Nug uuppig. Nug ag mamelkad aɗi anukka Isipnu diia, omalatta uɗiom. Amge ag Yawe, ahilag Kayak, ag Nug uun, ag kayak hambuppuak dim lamadnana, ag noolagppa dup nona binalag meppig. Ag anam heeg, diig amunu Yawe Nug he, uug naunab imu beum.’ ” Yawe Nug Solomon amegppa anam aum.

1 King 9:9 ပူးပေါင်းရင်းမြစ်များ

1 King 18:18

Nug anam oɗ mette, Elaiya nug Ahap aum, nug amu nob ma inam aum. “Da iitta, da Israel uug laa ii mattami, amge na, amu na mamen ele, aa, amu aa baelti ele, ag Israel uug mattaegeg uɗie, gemu ele hetteb. Aɗinu? Ag Yawenu haknunab nai tappaeg ne, ag kayak hambuppuak Bal iɗu iɗu noolagppa dup nona binalag meegeg uɗie, gemu ele hetteb.

2 King 22:17

Aɗinu? Juda danab ah, Israel danab ah ele ag oh da dimeɗan uuiɗegeg uɗie, gemu ele hetteb. Ag kalu danab ile muttuɗig enanag bette manan, kayak hambuppuak madappig. Ag eppelagppa kayak hambuppuak dottolkad hadappig amunu, diig amunu, da oppoɗil beum. Da anam doyeye, oppoɗi bak dahil am wan imunu danab ah dilagnu dayeb ukkeb, ⌊hamu⌋ ii iitta mema. ⌊Iitta! Nob mettak malak aakkuib am iitta mekku,⌋” ’ awa atte.

2 Stori 29:8

Ig mamenkad ag amu heppig amunu, Yawe Nug Juda danab ah, laa Jerusalemnu, laa Juda wanppa laih laihnu amu, Nug amu dilagnu oo huanak nauhe, Nug bu okkai ag mattom. Nug he, danab ah laihnu ag kobol Juda, Jerusalem ele dilagppa beum, ag kobol amu ahilagppa bemanu baɗak okkai doon, ag kobol amu anidna, ag amelag iɗuak doon, ag Juda danab ah dilagnu, ‘Keeke hamunab,’ ele doyegeg uɗie, gemu ele anam dootteb. Ag Lewi buɗub ag, ag Yawe aɗi kobol he beum, ag amu amelagppa aakku anidtteb.

2 Stori 7:22

Ag oɗmak anam hebeppeg, laa ag nob mena akkulag. ‘Imu beumnu diig am inam. Israel ag Yawe, ag mamelkad aɗi dilag Kayak, ag Nug uuppig. Nug ag mamelkad aɗi anukka Isipnu diia, omalatta uɗiom. Amge ag Yawe, ahilag Kayak, ag Nug uun, ag kayak hambuppuak dim lamadnana, ag noolagppa dup nona binalag meppig. Ag anam heeg, diig amunu Yawe Nug he, uug naunab imu beum.’ ” Yawe Nug Solomon amegppa anam aum.

Jeremaia 2:19

Ag nau hetteb amunu, nau hak ahilag am ag bu madakku. Ao, ag da dimeɗona kayak hambuppuak laala dim lamattegeg uɗie, gemu ele hetteb amunu, ahilag kobol amu, am ag daulag batakku. Anam amunu, ag da, Yawe, ahilag Kayak, ag da uuiɗna, ib laa oiyegeg, ag ebehilag oh dahilnu bodoetta le ii mette, diig amunu uug okkai ahilagppa anam bette, amu kobol amuppa ag nob eheɗ aona, mua naunab nau dootteb dabmenan oiyeg!” Naɗi, Yawe Nukka Ɠagattag Oh Ele, Nug anam aakku atte.

Jeremaia 22:8

Da amu heppi beeb, amu dimppa wan laalappan danab ag oinna, ag aab okkai imu nauhak daatte anidna, ag oɗ mekkulag. ‘Diig aɗinu Yawe Nug he, aab okkai naɗi imu aakku inam nauhom daatte?’ Ag anam oɗ mekkulag.

Jeremaia 44:23

Ag kalu danab ile muttuɗig enanag bette manan, kayak hambuppuak medappig, ag Yawe, nuhigppa hipunin heppig, ag Yawe oɗe ii dim lamidppig, ag nuhig ɗo, nuhig nai ele ii dim lamidppig amunu, uug naunab ahilagppa beum. Uug beum amu ag aakku anidtteb,” awa aum.

Jeremaia 5:19

Am inam bekku. Da heppi, amu beeb, deɗ laa Israel danab ah ag, ‘Yawe, ihinig Kayak amu, aɗinu Nug ihinignu imu inam heum?’ oɗ mettaglag amu, na ag amelagppa inam akkut. ‘Yawe Nug amunu inam atte. “Ag da uuiɗna, kayak hambuppuak, wan laihnu diin uɗippig amu, ag ippa, wan ahilagppa kayak amu waalagppa daanna, ag oɗelag dim lamidppig, amubia ag wan laalappa, wan amuam ahilag wan iitta, ag appa gona, wan amuppan danab waalagppa daan, ag oɗelag dim lamidkkulag.” ’ ” Yawe Nug anam awa atte.

Jeremaia 50:7

Ahilag kekeɗ ag anadna, ag doɗ nau sipsip qa latte, amubia ag eheɗ hadappig. Kekeɗ ag amu henana, ag appig. ‘Israel ag Yawe, ahilag ehanittak genab, Israel mamelkad aɗi dilag keeke ena bekkunu dabmak aɗa oiyaknu diig ele, ag nuhigppa hipunin heppig amunu, “Ig Israel eheɗ hadattem amu, ig beɗunigppa amunu aab laa iitta,” ’ ” aon appig.

Gayak Nai 2:15

Ag Juda danab ah, ag bu aakku aoppig amunu, gemu aun aɗi ag Jerusalem guguittak oitteb ele ag aon aon aqan, ag ahilagnu, “Keeke hamunab,” doon, ag ikkilag matuɗtteb. Ag atteb. “Aab okkai imunute anukka danab ah laa ag inam anan oippigte? ‘Neekkakppa aab amuam wan atu ohppan aab laa eɗattak; wanppan danab ah oh ag Jerusalem appanu gamag ahak aotteb.’ Ag anam anan oippigte?”

Duteronomi 29:23

Wan ittag ele imu, am geha naunab daakku. Danab ah ag aɗitai laa amuppa iinab eppamna; keeke ele appa ii bemana; gikkiɗah ele amuppa ii bemana. Geha Sodom Gomora ele, Atma Seboim ele bia daakku. Yawe Nug danab ah aab okkai amuppan ⌊ag kobol nau heppig amunu,⌋ oo nauhak huanaknab doya, Nug he, ag padal mena, iitta meppig. Am wan imu ele anambia daakku.