1 King 9:1 - Nobonob Baibel

¹ Amu Solomon nug Yawenu mettid lag ha malowa, kingnu lag enanagnab ele hewowa, am lag laala buuadkkunu dabmeum, nug amu oh ele buua malowa,

1 King 9:1 ပူးပေါင်းရင်းမြစ်များ

1 King 3:1

Am Solomon nug Isip dilag king Paro ele aa nug tituanpiɗ. Wan aɗit amu, Israel wan am Isip wan ele, aa ban ii hemaya, ena, hamu daaglahnu, aa amunu anam hepiɗ. Aa tituanak amu heya, Solomon nug Paro aɗeg nuhig ah daakkunu awom. Am Solomon nug ah amu awa, nug omala, Dawitnu Aab, appa uɗie dayom. Nug ah amu awa uɗie, nug appa dayeye ukke, Solomon nug nuhig lag enanagnab ha malowa, nug Yawenu mettid lag ha malowa, amu nug Jerusalem aɗub, Jerusalem talilitta daakkunu ele ita male ⌊ukke, ah amunu laug ele ha male, ah amu nug lag amuppa ta,⌋ haen amuppa nug dayomppa dayak am batom.

1 King 6:37

Ag Yawenu mettid lag amu, Solomon nug king dayom, nuhig maɗ waɗeleppa, maɗ amuppa kalam aɗitppa ag digmena hena, lag ukku meppig. Kalam ebqak aɗit amu onig am “Siv”.

1 King 7:1

Solomon nug nuhig lag enanagnab, ⌊laih anen anen oh⌋ ha malakkunu amu, nug maɗ 13 uɗat haaha, nug lag amu malom.

1 King 7:2

Nug laug enanagnab amu buuom, lag amunu laih laa am onig, “Lebanon Dubuppan Lag”. Lag amu elab nuhig amu 44 mita, emaitak nuhig amu 22 mita, amu nuhig attan tak am 13 mita maha ele. Lag amuppa nug biidod ad sidappa hak huu waɗele me daaegeg, ad sida plang gikkiak okkai ele biidod ikkilkadppa mak daappig.

1 King 7:51

Amu Yawenu mettid lagnu uɗat, King Solomon heum ele, amu malak daye, Solomon nug mameg Dawit nug keeke Yawenu tituana mettom ele, nug keeke amu oh awa, Yawenu mettid lag, amuppa en maknu oo anen anen, nug amuppa meum. Keeke amuam silwa, gol, amu Yawenu mettid lagnu keeke laala ele.

1 King 8:66

Amu deɗ amu ukka male, deɗ amu dimugppa wagɗe, deɗ amuppa, Solomon nug he, danab ah amu ag oh eɗun, appan appan goppig. Ge, danab ah ag king itittak ena mettona, ag Yawe Nug nuhig maɗi nid Dawit, nuhignu, amu nuhikkud danab ah, ag Israel danab ah amu, Nug ag oh ahilagnu ele keeke ena ohnu dabmenan, gamag ahak okkai doon goppig.

1 King 9:10

Solomon Yawenu mettid lag buua malowa, nuhig lag enanagnab ele buua malom. Nug lag hak uɗat amu oh am maɗ 20 heum.

1 King 9:11

Nug uɗat amu malowa, Solomon nug aab 20, Tair dilag king Hiram, nuhig daaglagnu hamu mettom; aab amu oh am Galili appa daappig. Mettomnu diig am, King Hiram nug King Solomon lag buukkunu ad sida, ad pain ele, gol kuɗum ele, Solomon oo dayom bia nug mette, uɗat amu ha malom.

1 King 9:19

amu nug keeke maatte dayaknu aab okkai laala ele kalattom. Laa amu nug bannu karis, hos ele maatteb daaglagnu aab kala, amu keeke laala oh ele nug Jerusalem, Lebanon ele, amu wan oh nug gumom ele, appa hekkunu dabmeum amu, nug aakku heum.

2 Stori 7:1

Solomon nug anam unuqitta male, aab aɗu habppanu na, manaknu ofanu doɗ, amu doɗ laala ele ag manadna, Kayak mettaknu qaɗabppa daappig ewatta malom. Anam he, Yawenu binag amahlak oppiaawak ele am Yawenu mettid lag, amuppa ambeum.

2 Stori 7:11

Amu Solomon nug Yawenu mettid lag ha mala, kingnu lag enanagnab ele ha malom. Ele amu, nug lag aɗit amuppa aɗi aɗi uɗat laala hekkunu dabmeum amu, nug amu oh ele ha malom.

2 Stori 8:1

Solomon Yawenu mettid lag buua malowa, nuhig lag enanagnab ele buua malom. Nug lag hak uɗat amu oh am maɗ 20 heum.

2 Stori 8:6

Nug aab Balat ele eɗua babaitta, amu nug keeke maatte dayaknu aab okkai laala ele kalattom. Laa amu, nug bannu karis, hos ele maatteb daaglagnu aab kala, amu keeke laala oh ele nug Jerusalem, Lebanon ele, amu wan oh nug gumom ele, appa hekkunu dabmeum amu, nug aakku heum.

Eklisiastis 2:10

Da aɗi keeke da amelppa antten, aokkulnu ool heum amu, da aomi. Ao, da oo haknu anuqak doyak kobol aɗi ippuniɗom amu, da dim lamidmi. Da aɗi keeke hemi, da amu heinne, da gamag ahak okkainab doyeye hemi; amuam dahil uɗatnu nob ena aakku.

Eklisiastis 2:4

Da amu hewoya, da uɗat okkai okkai hekkulnu hemi. Da lag dahil hatten, da grep dad ele eppaladmi.

Eklisiastis 6:9

Danab nug keeke aɗom daattenu elele dootte, amuam kobol ena; danab nug hanhan keeke baubau aokkunu dabmette amu, kobol amuam ena iitta. Amu ele am gaɗappa, unuqagppa ele anttak laippu iitta; am danab nug ulah aɗakkunu, ulah dim lamidtte, am amubia daatte.