1 King 8:57 - Nobonob Baibel

⁵⁷ Da Yawe, ihinig Kayak, Nug ig mamenkad aɗi atognoattette oidppig, amubia ig ele oignignu, Nug ig ii uuigmanu ool daatte.

1 King 8:57 ပူးပေါင်းရင်းမြစ်များ

1 Stori 28:9

Amu Solomon da bekkal, da na amenppa attem. Yawe Nug danab dilag dabmak unuqagppa daatte mattia anidtte, Nug danab nug diig aɗinunab keeke hette ele dootte amunu, na, na mamenad dilag Kayak, Nugib am Kayak dabmena doon, na meut ohppa, nahip dabmak ohppa ele Nug waappa daan, Nug oɗe dim lamitte! Na Yawe anidna dim lamidkkutnu Nug madikkut dayeb, Nug heeb, na Nug anidkkut. Amge na Nug dimettan, uuidkkut dayeb amu, Nug ele na geɗitteb, na anam daappe ukkeb, gogppa teeb batakkut.

Sam 46:11

Yawe Nukka Ɠagattag Oh Ele, Nug ig oonigppa aakku daatte. Ao, ig Jakop buɗub daattem amu, ihinig Kayak Nug aab aɗ ɠagattagnab ele ihinig bia daatte. Sila.

Sam 46:7

Yawe Nukka Ɠagattag Oh Ele, Nug ig oonigppa aakku daatte. Ao, ig Jakop buɗub daattem amu, ihinig Kayak Nug aab aɗ ɠagattagnab ele ihinig bia daatte. Sila.

Aisaia 41:10

Da ag ele daattem amunu, ag aib baɗappig. Ao, da ahilag Kayak daattem amunu, ag oolag uug nau aib qeum. Da ɠagattag aqatten ehanadkkul. Ao, da hanhan genab tutukku kobol dim lamitten heinne, da eppel naɗiap-ppa ag nena qemananu aɗualadppi, ag ɠagattag aon daaglag.

Matyu 1:23

“Doyeg! Ah makkun laa nug oo ele daya, geha nug nid danab menukku. Menueb, ag nid onig Imanuel ataɗkkulag.” Onig amu diig am, “Kayak ig ele daattem.”

Matyu 28:20

Ag keeke oh da ag amelagppa haknunab ami amu, ag amu oh ele ippuanatteg! Ag doyeg! Da haen oh ag ele daapput ukkeb, gog tak haenppa batakku,” awa aum.

Rom 8:31

Amunu ig Kayak keeke heum ele, amu ohnu ig aɗi aot akkunig? Ig inam aot akkunig. “Kayak Nug ig ehanigtte dayeb amu, laa nug ig kekeɗ mekka eɗigkku? Iitta!” aot akkunig.

Duteronomi 31:17

Ag anam heppeg, da ahilagnu ool nauhkku. Da ag uuatte, dimadappi, ahilkad kekeɗ geha hadappeg nauhkkulag; uug naunab, uug digdig laa ele ahilagppa bekku amunu, ag akkulag, ‘Kayak ihinig, Nug ig ele ii daattem amunu, keeke naunab imu ihinigppa beum,’ akkulag.

Duteronomi 31:6

Ag ɠagattag daan, ahilagnu aib ottaippig! Ahilagnu aib eheɗ nau baɗappig! Aɗinu? Yawe, ahilag Kayak, Nug ag noolag awa gokku. Nug ag ii uuadma, ag ii paɗualadma,” awa aum.

Duteronomi 31:8

Yawe Nug anuqa gokku amunu, na aib baɗak doome, o na aib ootppa, ‘Da elele iitta,’ doome. Nug na ele daaglah; Nug na ii uuidma, na ii paɗaidma,” Moses anam aakku Josua amegppa aum.

Hibru 13:5

Ag oolag men doɗonu aib mauhom. Keeke ag aɗatteb ele, ag amunu elele doyeg! Aɗinu? Kayak Nug aum aakku daatte. Amuam, “Da na ii uuidpa, da na ii paɗaidpa,” awa aum.

Josua 1:5

Josua, da haen oh na ele daagnih. Da Moses ele daamuɗ, amubia da na ele daagnih. Na wanppa bau daappe, haen amu ohppa laa nug na eɗidkkunu elele ii daama. Da na ii uuidpa. Da na ii paɗaidpa.

Josua 1:9

Doye! Daib haknunab nai imu na iite mettami? Na ɠagattag daan, ootppa ɠagattag doye! Da, Yawe, nahip Kayak, da na adeppa gokkut amu, da na ele oh gokkunih amunu, na baɗak eheɗ nau aib doome. Nahip dabmak am qe nak aib dayom.” Yawe Nug anam Josua amegppa aum.

Josua 24:23

Aakku Josua aum. “Aria, laa dilag kayak hambuppuak ag oolagppa daatteb amu, ag loppaɗna, ag oolag oh kunum ele, Yawe, Israelnu Kayak, metteg!” awa aum.

1 Samuel 12:22

Ag Yawe aib dimedappig. Iitta. Ag Nug dim lamidkkulag. Aɗinu? Yawe Nug amunu ena doya, Nug ag danab ah nuhikkud daaglagnu tituanattom amunu, Nug onignu dabmak anuqak awa, Nug ag, ag am nuhikkud danab ah amu, Nug ag uuatta, di-ii-mattama.