1 King 8:1 - Nobonob Baibel

¹ Amu King Solomon nug Yawenu Tituanak Nainu Kunup kontrak inak ele, nug kunup amu Sion, Sion am Dawitnu aab amu, nug appanu awa, Yawenu mettid lag, amuppa mekkunu dabmeum amunu, nug Israel dilag ikki danab, Israel dilag huu okkai anen anen dilag danab okkai oh, amu Israel baekkudppan dilag okkai ele ag nai doon, ahan, nug gumidna, Jerusalem uɗiglagnu onilagppa eum.

1 King 8:1 ပူးပေါင်းရင်းမြစ်များ

2 Samuel 6:6

Ag amu henana, ag Nakonnu ee aeg mumuɗaknu abenppa gona teegeg, makau uɗatnu karis eeɗpiɗ ele aa taataɗ qettak heeh, Kayaknu Tituanak Nainu Kunup, uɗatnu karis attan uɗalom amunu, Usa nug ɠagattag daakkunu eppeg bahia aɗom.

1 King 2:10

Dawit nug nai amu oh mattia mala dayaya, dimppa nug mauhe, ag nug gaɗa Dawitnu Aab, appa boumppig.

1 King 3:15

Solomon nug niia aha, nug doyom, nug tul niiakppa Kayak Nug nug amegppa nai mattie doyom. Doya, Solomon nug aha, eɗua Jerusalem ukka, Yawenu Tituanak Nainu Kunup kontrak inak ele noobppa hibaitta dayom. Amu nug manaknu ofa hatta, nug laippu dayaknu ofa ele hattom. Mana mettak hewowa, dimppa amu nug ee okkai nuhikkud ehanittak anuqak danab dilag ele heum.

1 Stori 11:7

Dawit aɗi ag aab aɗ ɠagattagnab ele amu aon, Dawit nug aab aɗ ɠagattagnab ele amuppa ukka dayom, diig amunu danab ah ag aab amunu, “Dawitnu Aab,” appig.

1 Stori 15:25

Ag oh amu, ag uɗat amu hekkulagnu tituanatteg, Dawit, Israel dilag ikki danab, ban daup ikki, ag anen anen daup 1,000 gumadppig, ag ele oh Yawenu Tituanak Nainu Kunup kontrak inak ele Obetidom laugppanu aon, Jerusalem uɗiglagnu gamag ahak okkai ele doon goppig.

1 Stori 15:29

Ag Yawenu Tituanak Nainu Kunup kontrak inak ele anam aon uɗinna, ag Dawitnu aab, ag appa bena, aab ooppa nonana, Dawit nug gamag ahak okkai ele doyaya, nug ahi huana goɗeɗe, nug wau, Saul aɗeg Mikal, nug lag ooppa dayaya, gililppa ulah ibuppa daya, haen nug neekke ukke, King Dawit anam he antta amu, nuhignu nug ooppa ena iinab doyom.

1 Stori 15:3

Dawit nug anam ana he, Israel oh ag Yawenu Tituanak Nainu Kunup aon, Tituanak Nainu Kunup amu daakkun aben Dawit babaittomppa mekkulagnu Jerusalem uɗippig.

1 Stori 28:1

Amu deɗ laa Dawit nug Israel dilag danab okkai oh ag Jerusalem uɗin qagmekkulagnu onilagppa eum. Nug ameg ameg imu onilagppa eum; Israel dilag huu okkai dilag okkai, danab ag king ehanidppig dilag okkai, ban daup 1,000 dilag ikkilkad, ban daup 100 dilag ikkilkad, laa ag king, nug bekkod ele dilag en, doɗ gumak uɗat gumappig ele, ahilag ikki danab, danab ag Dawitnu lag enanagnab gumak uɗat heppig ele, ahilag ikki danab, ban danab ɠagattag, amu daup oh ag oolagppa ɠagattag doyak ele.

2 Stori 30:1

Hesekaia nug Israel danab ah ag Yawe binag mekkulagnu Pasowanu Hobul hekkulagnu dabma, nug Israel oh, Juda oh ele dooglagnu ⌊nai awa ukkak danab⌋ maatte goppig. Nug amu ha, nug ele Epraim, Manase ele dilagnu pas laa ya, me ukkom. Nug ag oh ag Jerusalem uɗin, ag Yawe, Israel dilag Kayak, ag nuhig mettid lag, amuppa Nug binag mekkulagnu Pasowanu Hobul hekkulagnu dabmak awa, nug amu oh heum.

Esra 3:1

Haen danab amu ag eɗun uɗin, ahilkad aab anen anenppa daan amu, maɗ amuppa kalam eblaih aɗitppa Israel danab oh ag Jerusalem appa laippu aɗamen qagmeppig.

Sam 102:21

Yawe Nug anam hekku amunu, Sion appa danab ah ag Nug onig mehuqkkulag. Ao, Jerusalem appa ag Nug binag mekkulag.

Sam 9:11

Yawe, Nug danab ag laa makkuɗadtteb ele, Nug ag eheɗ heppignu nob tutukku madatte amu, Nug kobol nau ag hetteb ele, Nug amu daug ii atitte. Ao, Nug laa ag gai-iitta daan, laa waalagppa eheɗ daan, Nug ehanadkkunu gaatteb amu, Nug ag ii guhuɗadtte amunu, ag Yawe, Nug Sion dayaya, danab ah gumadtte ele amu, ag nuhignu, Nug binag maknu ahi laa etteg! Ao, ag Nug keeke heumnu wanppan wan ohnu danab ah oh appeg doyeg!

Aisaia 28:16

Ag anam atteb amunu, Naɗi Yawe Nug inam atte. “Antteg! Da geha Sion appa men ɠagattag, men enanag laa, ukku ɠagattag daakkunu ebappi dayebeb, ag amu qaɗeppa keeke oh heppeg tekku. Amu aun laa nug nuhignu ooppa genab dookku amu, nug ɠagattag, ena daakku.

Aisaia 46:13

Da hei, danab nug da noolppa genab tutukku daakkunu kobol aakku miag uɗiom daatte; am uma ii daatte. Ao, dahil padal ii memanu ehanittak am paha uɗikku; laa nug heeb, ib am keldoak ii daama. Da danab ah Sion daatteb ehanadppi, ag padal iinab memana; da heppi, dahil binag amahlak oppiaawak ele am okkainab Israel oolagppanu miag atikku.” Yawe Nug anam atte.

Namba 1:4

Amu danab laippu laippu, Israel dilag huu okkai anen anen amuppanu, ag, ag baelkadppan ikki daatteb, ag geha aa ehanatkkulag.

Josua 23:2

Nug kainonab ma, nug Israel dilag ikki danab, danab okkai, epeɗiak danab, amu Israel dilag ehanittak anuqak danab ele onilagppa e ukkaeg, qagmaatta, nug ag amelagppa aum. “Da gemu kainonab mein, ⌊haen elab iitta da ag uuadkkul amunu, da nai imu madikkulnu hettem⌋.

Josua 24:1

Josua nug Israel dilag huu okkai oh onilagppa e uɗieg, Sekem appa qagmaattom. Qagmaatta, nug ikki danab, danab okkai, epeɗiak danab, amu Israel dilag ehanittak anuqak danab oh onilagppa e uɗin, ag Kayak gumidna wana daappig.

1 Pita 2:6

Amu Kayak naippa, nai laa Jesusnu am inam daatte. “Da geha Sion appa men epeɗiak, men enanag laa, ukku ɠagattag daakkunu ebakkul. Amu laa nug nuhignu ooppa genab dookku amu, nug uɗa nak iinab aoma. Iitta.”