1 King 7:2 - Nobonob Baibel

² Nug laug enanagnab amu buuom, lag amunu laih laa am onig, “Lebanon Dubuppan Lag”. Lag amu elab nuhig amu 44 mita, emaitak nuhig amu 22 mita, amu nuhig attan tak am 13 mita maha ele. Lag amuppa nug biidod ad sidappa hak huu waɗele me daaegeg, ad sida plang gikkiak okkai ele biidod ikkilkadppa mak daappig.

1 King 7:2 ပူးပေါင်းရင်းမြစ်များ

1 King 10:17

Amu Solomon nug guppiɗ naunau ele 300 hatta, gol hamappa qaaqa, qaɗelagppa meum. Gol amu, guppiɗ anen anennu uug am 1.7 kilogram. Nug guppiɗ hatta mala, Solomon nug guppiɗ amu oh akka ukka, lag enanagnab laa onig Lebanon Duppunu Lag Enanagnab, nug lag amuppa maattom.

1 King 10:21

King Solomonnu kap oh am golppaib hak, am nug lag enanagnab laa onig Lebanon Duppunu Lag Enanagnab, lag amuppan tappiɗ keeke, ag gol ena dubuttid iitta ele, amuppaib hak. Keeke laa ag silwappa laa ii heppig. Aɗinu? Solomonnu haenppa danab ah ag silwanu am keeke hamu bia dooppig.

1 King 7:3

Nug anam hewowa amu, nug sida plang laa ele awa, nug lag amunu sida plang gikkiak okkai ele qaɗeppa sida plang amu ma, nug amuppa lag amu tonom. Ad sida plang gikkiak okkai ele, ag oh ahilag ebqak am 45. Huu anen anen plang gikkiak okkai ele am ebqak 15.

1 King 9:1

Amu Solomon nug Yawenu mettid lag ha malowa, kingnu lag enanagnab ele hewowa, am lag laala buuadkkunu dabmeum, nug amu oh ele buua malowa,

1 King 9:19

amu nug keeke maatte dayaknu aab okkai laala ele kalattom. Laa amu nug bannu karis, hos ele maatteb daaglagnu aab kala, amu keeke laala oh ele nug Jerusalem, Lebanon ele, amu wan oh nug gumom ele, appa hekkunu dabmeum amu, nug aakku heum.

2 Stori 9:16

Amu Solomon nug guppiɗ naunau ele 300 hatta, gol hamappa qaaqa, qaɗelagppa meum. Gol amu, guppiɗ anen anennu uug am 4 kilogram. Nug guppiɗ hatta mala, Solomon nug guppiɗ amu oh akka ukka, lag enanagnab laa onig Lebanon Duppunu Lag Enanagnab, nug lag amuppa maattom.

Solomonnu Ahi 7:4

Lag attan ta ukkak aivorippa hak, am nuhig neekkak enanag; amu na baat ele amubia neekkak nuhig enanag daatte. Hesbon appa, aabnu aɗ od onig Batrabim, appa le gottu aɗit, neekkak ahilah enanag ele daattep; am na amen laih laih oh ele amubia neekkak enanag daattep. Aab okkai Damaskus guguittak am lag attan ta ukkak menppa hak laa appa onig Lebanonnu lag attan ta ukkak daatte. Lag amuam neekkak enanag; amu na noom ele am neekkak enanag, amubia daatte.

Aisaia 22:8

Kekeɗ ag heppeg, aɗi keeke ag Juda ehanadlonu amu, keeke amuam laal ii daama. Kekeɗ ag uɗin aqaglagnu hebeppeg, ag Juda ag ban haknu keeke kuɗum lag laappa, ag lag amunu, Lebanon Duppunu Lag Enanagnab atteb amu, ag bannu keeke kuɗum amuppa daattenu dabmenana, ag, “Keeke amu ehanikkeb, ig ena daagnig,” dabmekkulag.