1 King 5:7 - Nobonob Baibel

⁷ Hiram nug Solomonnu oɗmak amu doya, nug nai amunu ooppa enanagnab doya, nug inam aum. “Gemu ig Yawe amegppa, ‘Ena heme,’ ata, Nug binag mekkunig. Aɗinu? Nug Dawitnu nid imu, nug doyak dabmak ena ele Dawit abenabppa daakkunu, nug danab ah huu okkainab, ɠagattag ele imu gumadkkunu Dawit abenabppa meum,” awa aum.

1 King 5:7 ပူးပေါင်းရင်းမြစ်များ

Genesis 33:5

Anam gayoya, Esau nug ameg huma, nid naunau, anilkad ele anatta, oɗ meum. “Umu am aun aɗi?” oɗ meum. Oɗ me amu, Jakop nug aum. “Nid naunau umu, Kayak Nug nahip maɗi nid da, Nug dahilnu oo bodoette enanag maɗoɗ ele ha, da meɗom,” awa aum.

1 King 1:48

Nug Yawe noobppa dup noa binag ma, nug inam aum. ‘Ig Yawe, Israel dilag Kayak, ig Nug binag metu! Gemu Nug he, nid dahil imu nug da abenalppa king be, nug dahil sia kingppa dayeye, da anidmi!’ ” awa aum.

1 King 10:9

Ig Yawe, nahip Kayak, ig Nug binag metu! Nug nahipnu enanagnab doya he, na Israel dilag king daattem. Am Yawe, Nug ag Israel, ahilagnu oo huan mauhtte, nuhig oo mauhak ahilagppa am ii tuqa aoma. Anam daatte amunu, Nug he, na nai doya mala hettoɗia epeɗia elele mettak kobol dim lamidnana, na genab tutukku hak kobol ele dim lamidnana, na Israel gumadkkutnu, na king beme.” Sebanu kuin nug anam awa aum.

1 King 3:9

Anam amunu, da, nahip maɗi nid, da danab ah imu gumadkkulnu, da aɗi keeke am ena, aɗi keeke am nau ele dookkulnu, na da oo maittak awaknu ehah meɗakkutnu ool daye, oɗ medattem. Aɗinu? Auntai nug nukka, nuhig doyakppa danab ah huanak imu ena, elele gumadkkunu elele?” awa aum.

1 King 4:7

Solomon nug gawana 12 Israel dilag wan obatak anen anen gumaglagnu otialattom. Danab amu ag ee, wan obatak ahilag, amuppanu ag aon meppeg, Jerusalem ukkeb, King Solomon nug baekkudppa ele ag lakkulagnu hanhan hedappig. Wan obatak laanu okkai nug kalam laappa nuhikkud danab ah dilagppa ee awa, nug ee amu Jerusalem me ukkom. Laa nug kalam laappa me ukkom. Ag oh anam heeg ukke, kalam 12 male, ag baula digmeppig.

1 King 5:6

Anam amunu, na da ehaniɗkkutnu na oɗ medattem. Nahipad uɗat nid, Saidonnu amu, ag na appe, ag Lebanonnu qaukoppa gona, ad sida oadppeg, da lag amu hekkulnu ool daatte. Dahilad danab ag nahipad ehanadkkulagnuib heppi gokkulag. Amu da nahipad uɗat nid uɗat nob men doɗo gane ag madakkulnu appe amu, da anam madakkul. Aɗinu? Na doottem bia, Saidon danab ag am ad wattaknu doyak okkai, laa eɗattak ele.” Solomon nug nai anam me ukkom.

1 King 5:8

Aakku Hiram nug nai amu eɗua nob me, Solomon toppa ukke, aum. “Da nahip nai amu doye, ‘Ena,’ awe attem. Da geha na oot daatte bia ad sida, am ad pain ele awe meppi gokku,” awa aum.

Sam 137:6

Da Jerusalemnu ii dabmekkul dayeb, da Jerusalemnu gamag ahak okkai, laa oh eɗittak, ii dookkul dayeb amu, da lemaɗul attan ta, bagagɗil aɗa, ɠagattag eppeb, da baula ahi edakkulnu, nai madikkulnu ele elele iitta dayei!

Prowerb 10:1

Oiyak ehanittaknu nai tutu Solomonnu ⌊laa⌋ am inam: Bekka laa doyak dabmak ena ele nug mameg oo gamag ahak medatte; amge bekka laa dabmak tutukku iittappa keeke laa hette ele, nug anig oo uug medatte.

Prowerb 13:1

Bekka nug doyak dabmak ena ele, nug ippunittak nai mameg toppanu awa dim lamidtte; amge awa awa qettak nid nug daug batak awaknu dab-ii-mette.

Prowerb 15:20

Danab bekka doyak dabmak ena ele nug he, mameg oo gamag ahak dootte; amge nid nug dabmak tutukku iittappa oitte ele, nug am laa anignu ena iinab dootte, nug amubia hette.

Prowerb 23:24

Aun nug bekka am genab tutukku hak nid daatte ele amu, nug mameg am oo gamag ahak okkai dootte. Ao, aun nug bekka nug doyak dabmak ena ele, nug nuhignu enanagnab dootte.

Aisaia 8:18

Aria da, amu nid naunau, Kayak Nug da meɗom ele amu, da ag ele ig iikku daattem. Am Yawe Nukka Ɠagattag Oh Ele, Sion qaukoppa daatte ele, Nug am Yawe, Nug ig otikka, Nug keeke oh Israel danab ah dilagppa hekkunu aum amu, ig amunu at, amunu epponak keeke bia daagnignu meikke daattem,” awa aum.

Aisaia 9:6

Aɗinu? Ihinigppa ah laa nid danab menukku. Ge, nid amu Yawe Nug ihinignu meeb uɗikku. Nug ihinig king daakku. Nug onig anaknu laala inam: Ulum Ena Mettaknu Danab Enanagnab, Kayak Nukka Ɠagattag Ele, Mamenig Hanhannu, King Maɗoɗ Ele.