1 King 5:3 - Nobonob Baibel

³ “Na da mamel Dawit, nug king dayaya heum amu, na doottem. Wan Israel taliliak daatteb, ag ahan ban heegeg, nug amu dilagppa ban haaha, amuppa nug mettid lag, Yawe, nuhig Kayak, Nug onig amuppa daakkunu ii heum. Amu nuhig dabmak am inam dayom. Nug Yawe ameg meeb, Yawe Nug kekeɗ tabatteb noppeg, amu dimppa nug Yawenu mettid lag buukku. Nug anam dabmeum. Nug anam dabme, Yawe ehanitte, nug kekeɗ nuhikkud oh tappalatte noppig, ⌊amge haen amuppa Yawe nug mettid lag nuhig buukkunu aib aum. Nug hekkunu aib aum, amge Nug nug bekka buukkunu aum. Aria da am nug bekka amu,⌋

1 King 5:3 ပူးပေါင်းရင်းမြစ်များ

1 King 8:19

amge na dahil mettid lag amu ii buumna. Iitta. Dimppa na nahip nidnab laa, nug mettid lag, da onil amuppa daakkunu buukku,’ awa aum.

1 Stori 22:8

Da ool anam dayom, amge Yawe Nug nuhig nai imu da meɗom. ‘Na ban kuɗum hena, danab kuɗum aqame. Amuppa na danab kuɗum tiilag da amelppa gokkaɗe, wanppa noum amunu, na da laul ii buumna.

1 Stori 28:2

Nug ag onilagppa e uɗin, qagmen daaegeg, King Dawit nug hibaitta dayaya, nug ag amelagppa aum. “O lailad, dahilad danab, ag dahil nai doyeg! Da oolppa lag laa, Yawenu Tituanak Nainu Kunup kontrak inak ele aguppa daakkunu, Yawe, ihinig Kayak, Nug ele aguppa daakkunu buukkulnu ool okkainab dayom. Da lag amu hekkulnu dottog hein, keeke ele qagmemi.

1 Stori 28:3

Da anam dabmein hemi, amge Kayak Nug da amu hekkulnu aib anan, Nug aum. ‘Na am ban danab, na danab kuɗum aqe mauhppig amunu, na dahil lag ii buumna,’ awa aum.

2 Stori 9:4

nug King Solomon ee ena kuɗum amu nug deɗ ohppa aotte, amu nuhikkud ehanittak anuqak danab, amu ele kuɗum, ag nug ele daanna ee lappig amu, nug amu ele anttom. Laa amu, nug kingnu maɗi nid, ag ahilkad lamen elab enanag ele, nug ag ele anattom. Aria, nug kingnu wain paniak danab, ag ahilkad lamen enanag ele anatta, laa amu nug doɗ Solomon diia, Yawenu mettid lakka ukka, manaknu ofa hettom amu, nug amu ele anttom. Kuin nug keeke ena amu oh anam anatta, nug ooppa ottaiak beebe, dabmak kuɗum awom.

Nehemaia 5:17

Da anam hemi, amge amuib iitta, Juda danab okkai, Juda dilag ehanittak anuqak danab ele, ahilag ebqak am 150, ag deɗ ohppa dahil balalppa ee lappig. Ag anam laegeg, danab wan atu Juda wan talilidna daattebppanu amu, ag ele deɗ laala uɗin, ag dahil balalppa ee lappig.

Nehemaia 5:18

Ag anam uɗin, dahil balalppa ee lappig amunu, deɗ anen anen ohppa da hei, ee babaittak danab ag uɗatnu makau okkai ebehi ele laippu, sipsip eblaih laippu ele, matuk laala ele lakkunignu bappaidppig. Da anam heiyi, deɗ eblaih laih ele uue, da wain kuɗum daden mein, lakkulagnu bakkale lakka memi. Aria, deɗ eblaih laih laa ele uue, da baula anam hemi. Da anam anam aakku hanhan hettami. Da dakka da amu hemi. Da kingnu ɗo atte bia, da ee, keeke, Juda danab ah eppelagppanu aokkulnu elele daami, amge da ag uug kuɗum doon oippig doomi amunu, da ag eppelagppanu aokkulnu ii hemi. Iitta!

Sam 110:1

Yawe Nug dahil Naɗi amegppa inam atte. “Na da eppel naɗiap-ppa daappe ukkeb, da nahip kekeɗ na waatppa maadkkul,” awa aum.

Sam 8:6

Na ag epeɗiadna, keeke oh na hattame atognoadkkulagnu eppelagppa meme. Ao, na ag keeke oh gumadkkulagnu ag eppelagppa meme.

Malakai 4:3

Da amu oh heppi bekku, deɗ amuppa ag nau hak danab eɗadkkulag. Ag eɗadkkulag amunu, kekeɗ ag aab uhuɗ bia, ag baelkad waappa daappeg, ag qaɗelagppa tappan gokkulag.” Yawe Nukka Ɠagattag Oh ele Nug anam awa atte.

1 Korint 15:25

Amunu diig am, Kristus Nug keeke ohnu gumak danab dayebeb ukkeb, Kayak heeb, Kristus Nug nuhikkud kekeɗ oh tabatteb, ag nug baeg waappa wakkulagoitte.

Epesus 1:22

Kayak Nug he, keeke oh Jesus waappa daatte, amu ele Nug Jesus Nug Kristen tamaniak keeke ohppa ehanadkkunu, Nug ahilag ikki daakkunu tituanittom.

Duteronomi 14:5

dia, gasel, dia diig laa, beɗu nakok, meeme dakkuɗ, ibes, antelop amu qaukoppan sipsip ele.

Josua 10:24

Ag diin uɗieg, Josua he, Israel danab oh ag uɗieg, ⌊Josua nug he, king amu ag wanppa ukkan qena niiegeg,⌋ Josua nug ban daup ikki amelagppa aum. “Ag dona, king imu baelagppa baalkad tappalatteg!” awa aum. Nug anam a, aakku ag anam hekkulagnunab anak anamnab heppig.