1 King 5:1 - Nobonob Baibel

¹ Amu aab okkai Tair dilag king Hiram nug anukka Dawitnu layam ena dayom, nug Solomon nug king daakkunu goɗen gokkaɗakppa tituanak awa, nug mameg Dawit abenabppa king ba daatte, nug amu doyowa, diig aɗit amunu nug nuhikkud ehanittak anuqak danab laala maatte, ag Solomon anidkkulagnu uɗippig.

1 King 5:1 ပူးပေါင်းရင်းမြစ်များ

Genesis 15:18

Oiye amu, deɗ amuppa Yawe Nug kobol amuppa he, Nug Abram ele nug tituanya nai qagapiɗ. Aa nug tituanya, nai qakkaya, Yawe Nug Abram amegppa aum. “Da wan imu na buɗunad madattem. Tom nuhig amu inam; le nakok onig Isip, tom am amuppanu digma ukka, le okkai onig Yupretis batak.

2 Samuel 5:11

Dawit nug anam dayeye, Tair dilag king onig Hiram nug he, nuhig nai awa ukkak danab laala, kapenda danab, keeke menppa hak danab ele ag oh Dawit toppa goppig. Ag gonana, ag ad sida ele aon gona, kapenda, keeke menppa hak danab ele ag Dawitnu lag enanagnab heppig.

2 Samuel 8:10

Tatam Hadateser nug Toi eɗidkkunu ban haaha dayom amunu, Toi nug Dawit Hadateser eɗittom doya, nug he, nug bekka Joram, nug King Dawit humidkkunu, Dawit nug Hadateser eɗittomnu amegppa, “Ena heme,” ele akkunu, gumitta teum. Nug keeke silwappa, golppa, brasppa hak ele Dawit medakkunu awa ukkom.

1 King 10:25

Danab ag Solomon anidkkulagnu oolag daye, maɗ maɗ uɗittappig ele amu, ag oh keeke ena Solomonnu daakkunu hamu mettaglagnu ele aon uɗippig. Ag keeke silwappa hak, golppa hak, ag lamen elab, ag bannu keeke, ag spais digdig, ag hos, amu ag doɗ onig miul ele diin uɗin, Solomon medappig.

1 King 5:10

Aakku ib amuppa amu, Hiram nug Solomon oo dayom bia ad sida, ad pain ele awa mettom.

1 King 5:13

King Solomon nug Israel danab 30,000, danab amu ag ɗo waappa kingnu uɗat haknuib daappig amu, ag Saidon danab ehanadppeg, ag ad awaknu uɗat hekkulagnu diiom.

1 Stori 14:1

Dawit nug anam dayeye, Tair dilag king onig Hiram nug he, nuhig nai awa ukkak danab laala, kapenda danab, keeke menppa hak danab ele ag oh Dawit toppa goppig. Ag gonana, ag ad sida ele aon gona, kapenda, keeke menppa hak danab ele ag Dawitnu lag enanagnab hekkulagnu goppig.

2 Stori 17:11

Pilistia danab laa ag ⌊maɗ maɗppa⌋ silwa, en laala ele aon, takis bia Jehosapat mettaegeg, Arebia danab ag sipsip dawai 7,700, meeme dawai 7,700 ele aon uɗin, nug medappig.

2 Stori 2:3

Amu Solomon nug anam hewowa, nug nai laa imu me, Tair dilag king Hiram, nuhigppa ukkom. Nug aum. “Anukka da mamel Dawit nug nuhig lag enanagnab, nug aguppa daakkunu bappaidkkunu heehe, na ad sida kuɗum me uɗiom amu, da na ad amubia baula meppe uɗikkunu ool daatte.

2 Stori 9:26

Nug wan atu oh Yupretis leppanu ukka ukka, Pilistia dilag wannu tom, Isip dilag tomppa batak amu, wan amu oh dilag king ag nug waappa daaegeg, nug ag gumattom.

Esra 4:20

Haen laala king ɠagattag, okkai ele ag Jerusalem appa king daanna, ag le Yupretis heqo laihnu wan oh guman, ag takis, amu en takis bia mettak ele danab eppelagppanu aakku aodppig

Sam 45:12

Tair danab ah ag na keeke kuɗumnab ena ena, nahip daakkunu hamu mettaglag. Danab ah en okkai ele ag na ahilagnu ii helom bia me, na ehanadkkutnu, ag na keeke nahip daakkunu hamu mettalag.

Sam 72:8

Nug danab ah oh, wan yu laih laih gamagppa daatteb amu, nug ag oh, ahilag king daakku. Ao, nug Yupretis leppan digma ukka, wan batakppan ele, nug amu dilag king daakku.

Sam 80:12

Anam, amge na nuhig aɗ talilittak hak amu loppaɗe ne, gemu amu, aun laa nug ib amu ugakka, nug grep meu mauhnoak aotte. Am anam daatte amu, da na amunu diig appe dookkulnu oɗ medattem.

Eksodas 34:24

Amu geha da heppi, ag Israel, ag danab ah huu laala, ag gemu wan da ag Israel madattemppa daatteb, ag ag lamadppeg, da wan amunu tom okkai ag Israel madakkul. Amu ag maɗ ohppa haen ewam, ag da Yawe, ahilag Kayak, ag da noolppa uɗiglag amu, haen amuppa da heppi, danab laa ag ahilag wan aoglagnu ii dabmemana.

Aisaia 23:1

Nai meunab ele Tair aab okkaippanu Yawe he, Aisaia doyom ele am iikku. Ag Tarsis dilag uubnu uɗat nid, boskru aɗi, ag gayeg! Aɗinu? Saiprus danab ag mattieg dooppig, amubia ⌊kekeɗ ag uɗin,⌋ aab Tair ⌊heeg,⌋ nauha autanab awom. Aab amu, lag nuhigppa daappig, uub eeɗaknu aben ele amu, keeke amu oh am loppaɗakib daatte.

Esekiel 19:11

Muɗi amu ebekkud am okkai, teppu ele, kingnu qakun daaglagnu elele bena daappig. Muɗi amu okkainab ma, ad gog eɗitta te, ebekkud ele kuɗumnab daaegeg, diig aɗit amunu muɗi am miag atiak daye, danab ah ag anidppig.

Amos 1:9

Yawe Nug inam atte. “Tair danab ag hipunin kuɗum heppig amunu, da ool nauhtte. Da ool nauhtte amunu, da ag bu madakkul. Da oppoɗi bak dahil amu heppi, iitta ii mema. Hipunin laa ag heppig am, ag dahilad danab ah ele layam batan, nug tituanna nai qagappig, amge ag nai amu lopaɗna, ag dahilad danab ah dilag aab kuɗum eɗadna, aab amunu danab, ah, nid ele oh aɗualadna, diin gona, Edom danab ah dilag maɗi nid daaglagnu maatteg, Edom danab ag daden maadppig.

Namba 24:7

Israel danab ah ag ahilagppa gu huana nekku. Ao, ahilkad ee, keh ele, keeke amu geha le huana aoglag. Geha ahilag king nug king laa onig Agag, nug eɗittak daakku. Ao, geha ahilag ɗo maɗoɗ am okkainab daakku.

Luk 7:5

Aɗinu? Nug am ig Juda ihinignu oo mauhtte. Nug nukka ihinig nai doyak lag amu buuom,” aon appig.

Duteronomi 20:11

Am danab amu ag, ag ahilag nainu elele doona, aabnu od matulppeg, amu danab ah oh ooppa daatteb, ag, ag aɗi atteb am henana, ag ag waalagppa daan, ahilkad maɗi nid maɗi ah ele daaglag.

1 Samuel 10:27

Amge hib guitta danab laa ag appig. “Saul nug attem heeb, ig ehanittak aognig? Nug elele iitta!” aon appig. Ag Saulnu ena iinab dooppig amunu, ag amu mattinna, ag ɗo ii medappig. Ag anam heppig, amge Saul nug ag amelagppa nai laa ii mattiom.