1 King 4:7 - Nobonob Baibel

⁷ Solomon nug gawana 12 Israel dilag wan obatak anen anen gumaglagnu otialattom. Danab amu ag ee, wan obatak ahilag, amuppanu ag aon meppeg, Jerusalem ukkeb, King Solomon nug baekkudppa ele ag lakkulagnu hanhan hedappig. Wan obatak laanu okkai nug kalam laappa nuhikkud danab ah dilagppa ee awa, nug ee amu Jerusalem me ukkom. Laa nug kalam laappa me ukkom. Ag oh anam heeg ukke, kalam 12 male, ag baula digmeppig.

1 King 4:7 ပူးပေါင်းရင်းမြစ်များ

1 King 12:4

“Na mamen Solomon nug, nug ig uɗatnu uug okkai, ɠagattagnab mekkom. Anam amunu, gemu na ihinignu bodoettak hena, ihinig uug heppe, nakok iitta mekkunu oɗ medattem. Na anam heppe amu, ig geha na waatppa daat, nahip maɗi nid daagnig,” aon appig.

1 King 4:5

Natan bekka Asaria nug am wan obatak gumak danab, amu dilag gumak ikki anuqak. Natan bekka Sabut, nug am mana mettak danab, amu nug ele kingnu ulum mettak danab.

1 King 4:6

Ahisar nug am kingnu lag enanagnab, appanu keeke oh, appan maɗi nid oh ele dilag gumak danab. Abda bekka Adoniram, nug am danab ag ɗo waappa kingnu uɗat haknuib daappig amu, nug am, amu dilag gumak ikki anuqak.

1 King 4:8

Gawana amu ag onilag am: Benhur, nug am Epraim wanppa, qauko qauko daatteb, nug wan amu gumom.

1 King 5:7

Hiram nug Solomonnu oɗmak amu doya, nug nai amunu ooppa enanagnab doya, nug inam aum. “Gemu ig Yawe amegppa, ‘Ena heme,’ ata, Nug binag mekkunig. Aɗinu? Nug Dawitnu nid imu, nug doyak dabmak ena ele Dawit abenabppa daakkunu, nug danab ah huu okkainab, ɠagattag ele imu gumadkkunu Dawit abenabppa meum,” awa aum.