1 King 4:6 - Nobonob Baibel

⁶ Ahisar nug am kingnu lag enanagnab, appanu keeke oh, appan maɗi nid oh ele dilag gumak danab. Abda bekka Adoniram, nug am danab ag ɗo waappa kingnu uɗat haknuib daappig amu, nug am, amu dilag gumak ikki anuqak.

1 King 4:6 ပူးပေါင်းရင်းမြစ်များ

2 Samuel 20:24

Adoniram nug danab ag ɗo waappa kingnu uɗat haknuib daappig gumattom; Ahilut bekka Jehosapat nug yaak danab dayom.

1 King 12:18

Aria, amu nakok dimppa King Rehoboam nug ⌊Sekem appa tuɗitta dayaya, nug⌋ he, Adoniram, nug danab ag ɗo waappa kingnu uɗat haknuib daappig ele gumattom, nug Israel huu ⌊ag eɗun laulkadppa goppig amu,⌋ nug ag gumatta ukkom. Ukkom, amge haen Adoniram nug ukka, ag gumatta te, Israel ag oh ahan, men ena, menppa makkuɗeg mauhom. Ag anam heeg, King Rehoboam nug Israel Adoniram menppa makkuɗeg mauhom doya, nug baɗa, pahanab aha, ban haknu karis attan ta, oola, Jerusalem ukkom.

1 King 4:5

Natan bekka Asaria nug am wan obatak gumak danab, amu dilag gumak ikki anuqak. Natan bekka Sabut, nug am mana mettak danab, amu nug ele kingnu ulum mettak danab.

1 King 4:7

Solomon nug gawana 12 Israel dilag wan obatak anen anen gumaglagnu otialattom. Danab amu ag ee, wan obatak ahilag, amuppanu ag aon meppeg, Jerusalem ukkeb, King Solomon nug baekkudppa ele ag lakkulagnu hanhan hedappig. Wan obatak laanu okkai nug kalam laappa nuhikkud danab ah dilagppa ee awa, nug ee amu Jerusalem me ukkom. Laa nug kalam laappa me ukkom. Ag oh anam heeg ukke, kalam 12 male, ag baula digmeppig.

1 King 9:15

Amu King Solomon nug danab kuɗum ag ɗo waappa kingnu uɗat haknuib daappig diiom. Am amunu nai am iikku. Nug diia he, ag Yawenu mettid lag buuona, ag Solomon, nuhig lag enanagnab buuna, amu Jerusalem talilidkkunu aɗ ele itappig. Nug ele he, ag wan itan meeg, aben laa aakku elele beum. Amu Solomon nug he, ag aab Hasor kalan, aab Megido kalan, amu aab Geser ele kalappig.

2 Stori 10:18

Aria, amu nakok dimppa King Rehoboam nug ⌊Sekem appa tuɗitta dayaya, nug⌋ he, Adoniram, nug danab ag ɗo waappa kingnu uɗat haknuib daappig ele gumattom, nug Israel huu ⌊ag eɗun laulkadppa goppig amu,⌋ nug ag gumatta ukkom. Ukkom, amge haen Adoniram nug ukka, ag gumatta te, Israel ag oh ahan, men ena, menppa makkuɗeg mauhom. Ag anam heeg, King Rehoboam nug Israel Adoniram menppa makkuɗeg mauhom doya, nug baɗa, pahanab aha, ban haknu karis attan ta, oola, Jerusalem ukkom.

2 Stori 8:8

Am anukka Israel ag danab ameg amu aqappig, amge ag ohnab ii aqappig, aakku gemu laa ii aqappig ele, ag buɗulkad aakku tuɗidna, Israel wanppa daappig. Ag aakku daappig amu, Solomon nug danab amu diia he, ag begbeg maɗi nid daan, nuhig uɗat heppig. Ag anam heeg uɗie, gemu ⌊nai imu yaak haenppa⌋ ele, danab amu ag begbeg maɗi nid daan, uɗat aakku hetteb.