1 King 4:11 - Nobonob Baibel

¹¹ Ben Abinadap, nug Solomon aɗeg laa onig Tapat, nug awom, nug am aab Napot Dor, amu wan aab amu taliliom ele, amu gumom.

1 King 4:11 ပူးပေါင်းရင်းမြစ်များ

Josua 11:2

Jabin nug nai ahilagnu maama, nug nai me, king ag qauko Kanan wan ooppa yawalti uɗitteppanu daatteb, appa ele ukke, amu nug nai me, king ag Araba appa, Galili lenu yau uɗitteppanu ukkakppa daappig ele ukke, amu nug nai me, king ag qauko nakok qauko okkai diigppa daatteb, qauko amuam Kanan wan ooppa qaban uɗitteppanu daatteb, king amu dilag ele nai me ukke, nug nai Napot Dor dilag kingnu ele me ukkom. Napot Dor am Kanan wan laih qaban uɗitteppanu daatte.

Josua 17:11

Josua, nuhig ehanittak ele ag aab laala, am aab naunau aab amu taliliattak daappig ele, ag Israel dilag huu okkai Isakar, Aser ele dilah wanppa daappig amu, ag aab amu Israel dilag huu okkai Manase ele madappig. Aab amu onilkad amu, Betsan, Ibleam, Dor, onig laa am Napot Dor, Endor, Tanak, Megido ele. Aab naunau laala ele aab amu taliliattak daappig amu, ag aab amu ele ag madappig.

Josua 12:23

Dor dilag king, aab okkai Napot Dor, appanu, amu Gilgal appanu Goyim dilag king ele.

Ikki Danab 1:27

Amu Israel dilag huu okkai Manase ag danab ah Betsan, Tanak, Dor, Ibleam, Megido, amu aab naunau aab amu taliliattak daappig ii lamatteg, Kanan danab amu ag ahilag wan ii uun oolna goppig. Kanan danab ag aguppa daaglagnu dabmak aoeg ɠagattag eppe heppig amunu, Manase danab ah ag ii lamadppig.

Josua 11:1

Haen Hasor dilag king, Jabin, nug kobol beum amu doya, nug oo qeqaɗak nai laa me, king imu dilagppa ukkom; Madon dilag king Jobab, Simron dilag king, amu Aksap dilag king ele.

1 Samuel 16:6

Samuel nug anam amelagppa a amu, dimppa Jesi bekkod ele aakku mana mettakppa uɗippig. Uɗieg, Samuel nug ⌊Jesi bekka tatamnu⌋ Eliap antta, Samuel nug ooppa inam aum. “Yawe Nug danab imu, nug Israel dilag king daakkunu goɗen gokkaɗakppa tituanom,” awa aum.

1 Samuel 16:8

Yawe Nug Samuel amegppa anam a amu, Jesi nug bekka Eliap dimugppan, Abinadab, nug nug onigppa e do, omala Samuel gumitta waum. Omala wa, Samuel nug aum. “Iitta. Nug ele king daakkunu Yawe ii tituanom,” awa aum.

1 Samuel 16:9

Amu dimppa Jesi nug bekka Sama omala Samuel gumitta wa, Samuel nug aum, “Iitta. Nug ele king daakkunu, Yawe ii tituanom,” awa aum.

1 King 4:15

Ahimas, nug Naptali buɗub dilag wan gumom. Nug am Solomon aɗeg laa, Basemat awom.