1 King 3:6 - Nobonob Baibel

⁶ Kayak Nug anam a amu, Solomon nug aum. “Da mamel Dawit, nahip maɗi nid amu, nug nahipnu oo metta ii uuak kobol dim lamittatta, nug genab tutukku hak kobol ele heum amunu, na oo mauhaknab kobol okkainab nuhignu doon dim lamidme. Am gemu ele anamib na nuhignu oo mauhaknab doonna, na hee, da, nug bekka, da nug abenabppa king daattem.

1 King 3:6 ပူးပေါင်းရင်းမြစ်များ

Genesis 24:40

Da anam ai amu, nug aum. ‘Yawe Nug da ele oittep amu, Nug engel nuhig meeb, na ele goya ehanidkku amunu, na da mamel buɗub, aab ikki dahilppa ah aokkutnu elele.

2 Samuel 22:21

Da kobol genab tutukku ele dim lamittitti, Yawe Nug da ehaniɗe, da padal ii memi. Ao, da eheɗ haknu uuen, ii hei, Nug ehaniɗa, nob ena meɗom daatte.

2 Samuel 22:25

Da kobol genab tutukku ele dim lamittitti, Yawe Nug da nob ena meɗom daatte. Ao, da eheɗ hak uuen, ii hei, Yawe Nug amu antta, nob ena meɗom daatte.

2 Samuel 7:5

“Na gona, dahil maɗi nid Dawit amegppa dahil nai imu appe doyaɗ! ‘Yawe Nug inam atte. Laa nug lag dahil, da lag amuppa daakkul amu, laa nug lag amu hekku. Na iitta.

1 King 1:48

Nug Yawe noobppa dup noa binag ma, nug inam aum. ‘Ig Yawe, Israel dilag Kayak, ig Nug binag metu! Gemu Nug he, nid dahil imu nug da abenalppa king be, nug dahil sia kingppa dayeye, da anidmi!’ ” awa aum.

1 King 15:5

Yawe Nug Dawit daug ii atiom. Aɗinu? Dawit nug Yawenu neekkakppa kobol genab tutukku ele dim lamittom. Nug nuhig wanppan oiyaknu maɗ oh nug Yawenu haknunab anak oh dim lamittom. Haen laippu aakkuib nug Kayaknu nai tappe ne, eheɗ heum. Haen amuppa nug Uraia, nug Hit buɗubppan danab amu, nuhigppa nug eheɗ heum.

1 King 2:4

Amu na Yawe oɗe dim lamidkkutnu diig laa am, na Nug waappa daappe, Nug anukka dahilnu keeke laa hekkunu da amelppa nai ana qakkom, am heeb bekku. Nai qakkak amuam inam. ‘Nahip nid ag ahilag oiyak atognokkulag dayeb, ag oo metta ii uuak kobol dim lamidna, da noolppa tutukku oiglag dayeb amu, geha haen oh da heppi, na buɗunppanu laa ag anen anen ahilag haenppa Israel dilag king bena, sia kingppa daaglag.’ Yawe Nug anam aum amunu, Solomon, na nuhig nai amu, na oh ena tutukku dim lamidppe, Yawe Nug nuhig nai ana qakkom amu, Nug ii loppaɗma. Iitta.

1 King 3:14

Am na da ib ena oh da tituanadmi, ɗo nai dahil oh, amu dahil haknunab nai ele, na amu dim lamidkkut dayeb, na mamen Dawit heum amubia, amu da heppi, na wanppa haen elab daakkut,” awa aum.

1 King 9:4

Amu Solomon, nahipnu amu, na da noolppa dabmak oiyak ele tutukkuib dayaknu kobolppa, na genab tutukku hak kobolppa ele na mamen Dawit heum bia oinna, na dahil haknunab anak oh, dahil ɗo iɗu iɗu ele na dim lamidkkut dayeb amu,

2 King 20:3

“O Yawe, na dahil hak imu dabmekkutnu oɗ medattem. Da na noomppa oo metta ii uuak kobol dim lamitte oiyeye, da meul ohppa na dim lamidkkulnu heine oiyeye, da amenppa kobol aɗi aɗi am ena, da amu dim lamidmi.” Hesekaia nug anam unuqittowa, nug huana gayom.

2 Stori 1:8

Kayak Nug Solomon amegppa anam a, Solomon nug nob ma aum. “Na oo mauhaknab kobol okkainab da mamel Dawitnu doon dim lamidna, na da nug ou king daakkulnu nuhig abenppa meiɗme.

Sam 116:7

Nug anam he, da dakka da amelppa, da dahilnu inam ami. “Yawe Nug nahip-ppa ena heum amunu, na baula maɗoɗ daye!” Da anam ami.

Sam 119:17

Da am nahip maɗi nid. Na dahilnu oot bodoettebeb ehaniɗkkut amu, da bau dayeye, da nahip nai dim lamidkkul.

Sam 13:6

Yawe Nug dahilnu ena heum amunu, da nuhignu ahi edakkul.

Sam 15:2

Amuam laa ag Kayaknu neekkakppa ag oolagppa kaliak laa iitta ele daan oitteb, ag kobol genab tutukku ele hetteb, ag nai genabib, oolag aɗit ele iittappa maditteb,

Namba 12:7

Amge Moses, dahil maɗi nid amu, nug dahilad danab ah oolagppa oo metta ii uuak kobol elelenab dim lamidtte amunu, da nug amegppa ib anamppa nai ii madittem.

2 Korint 9:11

Ag geha keeke kuɗumnab ele daanna, ag keeke kuɗum hanhan lainkad ⌊bau daaglagnu keekenu tutumak ele⌋ mattaglagnu elele. Amu ahilag ehanittak keeke laa aoglag amu, ag amunu geha Kayak amegppa, “Ena heme,” aon akkulag.

2 Korint 9:5

Amunu da lailad amelagppa appi, ag anuqna ag gumadna gokkulagnu am ena, da anam dabmemi. Ag gona heppeg, ehanittak keeke ag amu bappaidkkulagnu appig amu, da ii ukkak haenppa bappaidkkulag. Ag Korint ag anam bappaidkkulag dayeb, mettaknu am oo gamag ahak ele; am oo nauhak laa iitta.