1 King 3:4 - Nobonob Baibel

⁴ Gibeon, aab amuppa amu, aabppanu mettid lag nakok anuqak aguppa dayom amunu, deɗ laa Solomon nug mana mettak hekkunu Gibeon ukkom. Ukka, nug doɗ 1,000 aqa, qaɗabppa manaknu ofa haaha manatta, Yawe mettom.

1 King 3:4 ပူးပေါင်းရင်းမြစ်များ

1 King 8:4

Ag human, ag Yawenu Tituanak Nainu Kunup, mettid haknu peh lag danab ah appa qagmetteb ele, amu lag amuppanu keeke, Yawenu tituanak daatteb ele, ag keeke amu ele akkan aon Kayak laug guguittak uɗippig. Lewi buɗubppan mana mettak danab, Lewi buɗubppan mana mettak danab iitta ele ag keeke amu aon uɗippig.

1 King 8:63

Solomon nug laippu dayaknu ofa haaha, nug makau 22,000 manatta mettowa, nug sipsip, meeme ele 120,000 ele manatta mettom. Am Solomon nug mana mettak heum amu, amuppa nug, Israel danab ah ele ag Yawenu mettid lag qeapina, Yawenu tituanna medappig.

1 King 9:2

aria, dimppa Yawe Nug eɗua, ⌊tul niiakppa⌋ Solomon toppa neum. Amu Yawe Nug anukka Gibeon aabppa na heum, amubia aakku heum.

1 Stori 16:39

Danab amu ag Jerusalem appa Kayak uɗat hekkulagnu daappig, amge Dawit nug he, mana mettak danab Sadok, mana mettak danab laa ele ag Yawenu mettid haknu peh lag Gibeonnu, mettid haknu abenppa dayom amu, ag appa daappig.

1 Stori 21:29

Yawenu mettid haknu peh lag, Moses atu taɗakppa heum, aria manaknu ofa haknu qaɗab ele amu, lag, qaɗab amu ele haen amuppa Gibeon appa, appan mettid haknu abenppa daapiɗ.

2 Stori 1:2

Amu Solomon nug Israel dilag ban daup 1,000 dilag ikkilkad, ban daup 100 dilag ikkilkad, epeɗiak danab, Israel dilag ikki danab laa, amu Israelnu baelkadppan ikki danab ele, ⌊danab amu ag Israel oolagppanu Israel danab oh oulag daappig amu,⌋ nug ag oh onilagppa e uɗieg, nug ag amelagppa a,

2 Stori 1:3

Solomon nug danab qagmeppig ele oh ag ahan, aabppanu mettid lag nakok Gibeon appa daatte, ag appa goppig. Ag appa goppignu diig am, Kayaknu mettid haknu peh lag danab ah appa qagmetteb ele, peh lag amu appa dayom. Yawenu maɗi nid Moses nug atu taɗakppa lag amu babaittom.

2 Stori 30:24

Hesekaia, nug Juda dilag king amu, nug danab ah qagmeppig ele, ⌊ag doɗ aon, laih main, Kayak mettaglag, teppu laa oh ag aon lakkulagnu,⌋ nug makau dawai 1,000, sipsip, meeme ele 7,000 danab ah amu hekkulagnu ag mattom. Nug ag matte, ehanittak anuqak danab ag makau dawai 1,000, sipsip, meeme ele 10,000 ag madappig. Ag anam heeg, mana mettak danab kuɗumnab ag Yawenu tituana mettak daaglagnu hena daappig, ⌊amu diig amunu ag mana mettak uɗat hekkulagnu elele⌋.

2 Stori 7:5

Amu King Solomon nug laippu dayaknu ofa haaha, nug makau 22,000 manatta mettowa, nug sipsip, meeme ele 120,000 ele manatta mettom. Am Solomon nug mana mettak heum amu, amuppa nug, Israel danab ah ele ag Kayaknu mettid lag qeapina, Kayaknu tituanna medappig.

Aisaia 40:16

Danab laa nug tutukku manaknu ofa laa hekku dayeb amu, ad oh Lebanon appa daatteb, am aab amu awa ileb, mana mettak amu eweb iitta mekkunu elele iitta. Doɗ ⌊mana mettaknu elele⌋ appa ana daatteb ele amu, ag ele ebqak ahilag am elele iitta.

Jeremaia 28:1

Aakku, maɗ amuppaib, maɗ amuam Sedekaia nug haen elab king ba ii dayom, nug Juda dilag king ba dayaya, nuhig king dayaknu maɗ waɗelenu kalam tanig eleppa Asur bekka propet Hanania, Gibeon ted, aria da, mana mettak danab, amu danab ah ele ig Yawe laugppa daamut. Ig anam appa daatta, Hanania nug mana mettak danab, amu danab ah ele noolagppa da amelppa aum.

Josua 10:2

Anam amu, aria Adoni Sedek nug, amu nuhikkud danab ah ele ag Gibeon danab ag Israel ele maɗoɗ daan, ag ehanadkkulagnu ele nug tituanna nai qagappig doona, ag huananab baɗappig. Ag baɗappig diig amu, Gibeon am aab okkainab; am aab laala king ele, am aab amubia. Laa amu, Gibeon am Ai eɗittak; am ele amu, Gibeon danab oh ag am daup danab ɠagattagnab.

Josua 18:21

Josua, nuhig ehanittak ele ag Israel dilag huu okkai Benyamin baelkadppa aab madappig. Aab okkai amuam, Jeriko, Bethokla, Emek Kesis,

Josua 9:3

Amge haen Gibeon danab ah ag Josua nug Jeriko, Ai ele dilahppa aɗi heum, ag amu doona,

1 Samuel 13:9

Ag digmen oolppig amunu, Saul nug aum. “Ag manaknu ofanu doɗ, amu laippu dayaknu ofanu doɗ ele akkan doppeg, da manaten, Kayak medakkul,” awa aum. Nug anam a, ag aon doeg, nug manaknu ofa heum.