1 King 3:16 - Nobonob Baibel

¹⁶ Aria, deɗ laa ib baag ah aɗit laa king gumidya, ahilah uug elele mettaglagnu uɗipiɗ.

1 King 3:16 ပူးပေါင်းရင်းမြစ်များ

1 King 3:15

Solomon nug niia aha, nug doyom, nug tul niiakppa Kayak Nug nug amegppa nai mattie doyom. Doya, Solomon nug aha, eɗua Jerusalem ukka, Yawenu Tituanak Nainu Kunup kontrak inak ele noobppa hibaitta dayom. Amu nug manaknu ofa hatta, nug laippu dayaknu ofa ele hattom. Mana mettak hewowa, dimppa amu nug ee okkai nuhikkud ehanittak anuqak danab dilag ele heum.

1 King 3:17

Uɗiya, ah laa nug aum. “O naɗi dahil, da ah imu ele i lag laippuppa daattep. Da nid menumi, haen amu nug da ele oh daaɗa, da nid menumi.

Eksodas 18:13

Aria, ag ee anam lawona, wagɗe deɗ amuppa amu, Moses nug dayaya, Israel danab ah ag uɗin, ahilag uug nug amegppa appeg, nug ahilag nai epeɗikkunu dayom. Danab ah kuɗum buttuanu digmena, Moses gumidna uɗiegeg ukka, tueb meum.

Eksodas 18:16

Am haen danab aɗit laa aa keeke laanu nug aidya, diig amunu aa da gumiɗya uɗieh amu, da ahilah nai amu oh elele epeɗiatten, nai atten am tutukku, da ai dooeh, da aa Kayaknu ɗo iɗu iɗu ele ai doottep,” awa aum.

Prowerb 25:2

Danab ag Kayaknu diig, nuhig hak oh ele dooglagnu elele iitta, amuppa danab ah ag Nug binag amahlak oppiaawak ele dootteb; king ag am danabib, ag keeke lokkumak daatte heeg, miag atitte amu, amuppa danab ah ag nug binag amahlak oppiaawak ele dootteb.

Lewitikas 19:29

Na aib heppe, aɗen nug ib baag ah laa beum. Na anam hekkut dayeb amu, nuhignu dubuttid teum, Kayak Nug ooppa uuaknab dootte. Ag anam hekkulag dayeb amu, wan da ag madattemppa, appa gappai digdig, hak nau ele ambak daakku.

Namba 27:2

ag mettid haknu peh lag danab ah appa qagmetteb ele, ag lag amu odppa nona, Moses, mana mettak danab Eleasar, amu Israel oh dilag ikki danab ele noolagppa hippaidna daanna, ag appig.

Duteronomi 23:17

Israel danab o ah laa, nug laa ag ib baag ah, o ib baag danab ag ahilag kayak hambuppuak laulkadppa daan, ahilag uɗat hetteb amu, ag Israel, ag oolagppan laa nug amubia aib dayom.

Josua 2:1

Israel danab ah ag aben onig Sitim appa daappig. Haen ag appa daanna, Nan bekka Josua nug lokkumakppa atu italak danab aɗit maate, Kanan wan lokkumya italkkulahnu gopiɗ. Nug aa Jeriko aab okkai italya autyanab aoglahnu aum. ⌊Jeriko am aab okkai, aɗ ele.⌋ Josua maate goya, Jeriko gopiɗ. Aa tuqan appa daaya, niiglahnu amu, aa ah laa, nug am ib baag ah onig Rahap, aa nug laugppa gopiɗ.

Ikki Danab 11:1

Aria, Jepta nug am Gileat ted, nug am ban danab naɗi laa, amge nug anig amu ib baag ah laa. Nug mameg am ⌊ele wan maha onig Gileat bia⌋ nug onig am Gileat.