1 King 3:1 - Nobonob Baibel

¹ Am Solomon nug Isip dilag king Paro ele aa nug tituanpiɗ. Wan aɗit amu, Israel wan am Isip wan ele, aa ban ii hemaya, ena, hamu daaglahnu, aa amunu anam hepiɗ. Aa tituanak amu heya, Solomon nug Paro aɗeg nuhig ah daakkunu awom. Am Solomon nug ah amu awa, nug omala, Dawitnu Aab, appa uɗie dayom. Nug ah amu awa uɗie, nug appa dayeye ukke, Solomon nug nuhig lag enanagnab ha malowa, nug Yawenu mettid lag ha malowa, amu nug Jerusalem aɗub, Jerusalem talilitta daakkunu ele ita male ⌊ukke, ah amunu laug ele ha male, ah amu nug lag amuppa ta,⌋ haen amuppa nug dayomppa dayak am batom.

1 King 3:1 ပူးပေါင်းရင်းမြစ်များ

2 Samuel 5:7

Ag anam appig, amge Dawit eɗattowa, nug aab Sion aɗ ɠagattagnab ele amu awom. Amuam Dawitnu Aab aakku.

1 King 11:1

Amge King Solomon nug wan laalappan ah dilag oo mauhom amunu, nug diikkunu oo daye, nug Paro aɗeg amu awowa, nug Moap ah, laala ele diiowa, am Amon ah, Edom ah, ele diiowa, nug aab okkai Saidon ah, am Hit ah ele nug diiom.

1 King 2:10

Dawit nug nai amu oh mattia mala dayaya, dimppa nug mauhe, ag nug gaɗa Dawitnu Aab, appa boumppig.

1 King 6:1

Solomon nug king ba, Israel gume ukke, maɗ waɗeleppa, kalam ebqak aɗit, ag kalam amu onig Siv atteb, kalam amuppa amu, Solomon nug digma, Yawenu mettid lag buuom. Israel ag Isip uun uɗieg, maɗ 480 uue, Solomon nug Yawenu mettid lag digma buuom.

1 King 7:1

Solomon nug nuhig lag enanagnab, ⌊laih anen anen oh⌋ ha malakkunu amu, nug maɗ 13 uɗat haaha, nug lag amu malom.

1 King 7:8

Amu Solomon nug dayaya niikkunu, ee ele lakkunu lag enanagnab, lag amuam Nai Doya Mala, Hettoɗia, Epeɗia, Elele Mettak Lag dimugppa daatte ele amu, lag amuppa nug Nai Doya Mala, Hettoɗia, Epeɗia, Elele Mettak Lag geɗiak bia aguppa ele heum. Amu Paro aɗegnu lag enanagnab, Solomon nug ah amu awom ele amu, nug laug ele Solomon nug Nai Doya Mala, Hettoɗia, Epeɗia, Elele Mettak Lag geɗiom bia heum.

1 King 9:1

Amu Solomon nug Yawenu mettid lag ha malowa, kingnu lag enanagnab ele hewowa, am lag laala buuadkkunu dabmeum, nug amu oh ele buua malowa,

1 King 9:10

Solomon Yawenu mettid lag buua malowa, nuhig lag enanagnab ele buua malom. Nug lag hak uɗat amu oh am maɗ 20 heum.

1 King 9:24

Amu Paro aɗeg, Solomon wau, nug Dawitnu Aab amu uua aha, nuhig lag enanagnab bau Solomon heum, amuppa ukkom. Ukke dimppa, Solomon nug aben oolnu noak Jerusalemnu aam bedeppanu dayom amu, nug amu qelakkom.

1 Stori 11:7

Dawit aɗi ag aab aɗ ɠagattagnab ele amu aon, Dawit nug aab aɗ ɠagattagnab ele amuppa ukka dayom, diig amunu danab ah ag aab amunu, “Dawitnu Aab,” appig.

2 Stori 18:1

Amu Jehosapat nug anam he ukke, nug en okkainab, binag ele okkainab ele dayom. Nug anam daya he, nug bekka laa Israel dilag king Ahap aɗeg awom amunu, Juda, Israel ele ag layam batappig.

2 Stori 8:11

Amu Solomon nug aum. “Aben adekku Yawenu Tituanak Nainu Kunup deɗ laala dayom ele amu, aben amuam Kayaknu tituanak daatte. Anam daatte amunu, ah dahil, Paro aɗeg nug Israel dilag king Dawitnu lag enanagppa ii daama,” awa aum. Nug anam aum amunu, nug lag enanagnab laa ha, nug he, nug wau, Paro aɗeg amu, nug Dawitnu Aabppa, lag dayomppanu aha, lag enanagnab amuppa, nug appa daakkunu ukkom.

Esra 5:11

Ig ag anam oɗ mattaut, ag aakku nob imu mekkan appig. ‘Kayak, Nug hab, wan ele gumat-tte amu, ig nuhig maɗi nid daattem. King naɗi laa, ig memetanig anukkanu, nug mettid lag imu anukka ha malom, amu lag amu baula eɗua daakkunu iikku ig buuttem.

Esra 9:14

O Kayak, na ena anam heigme amunu, ig eɗut, nahip nai baula tabapput neeb, nahip ɗo ii dim lamidta, ig danab ah ag kobol laala, na kobol amunu ootppa uuaknab doottem ele amu, ig danab ah amu ele ewau matulak awak hekkunignu daattete? Kobol amuppanu na oot huanak nauheb heppe, ig buɗunkad iitta ele iite daagnig?

Duteronomi 23:8

Menuattak huu laippu bia ewam batak amu, menuattak amuppan Isip danab ah, Edom danab ah ele, ag Isipnu, o Edomnu ahan uɗippig ele, ag ag, Yawenu danab ah, Israel, ag ag ele laippunab daaglagnu elele.