1 King 22:5 - Nobonob Baibel

⁵ Jehosapat nug Israel dilag king amegppa anam aum, amge nug ele aum. “Amge tatam na Yawe, Nug amunu aɗi attenu oɗ mette!” awa aum.

1 King 22:5 ပူးပေါင်းရင်းမြစ်များ

1 King 22:4

Awa oɗ matte amu, aakku Ahap nug Jehosapat oɗ mettom. “Na nahipad ele, am da dahilad ele ig oh aab Ramot, Gileat wanppanu, ig appa banelag gota, ig aab amu eɗut aognigte?” awa oɗ mettom. Oɗ mette, Jehosapat nug Ahap, Israel dilag king, nug oɗeppa awa aum. “Da na ele i laippu daattep. Ihintad danab ele ag anamib aakku, amu ihintad hos ele, ⌊amunu ig ag ele oh gota, ban hekkunig,⌋” awa aum.

1 King 22:6

Jehosapat nug anam a, aria Ahap, Israel dilag king, nug he, propet danab, ahilag ebqak am 400 anam, ag uɗieg, nug ag oɗ mattom. “Da Ramot, Gileat wanppanu, banelag ukken, aab amu eɗue aokkulte, o iitta da iitai gopa?” awa oɗ mattom. Nug ag anam oɗ matte, ag appig. “Na ahan ukke! Naɗi Nug aab amu na eppenppa mekku,” aon appig.

2 King 1:3

Ahasia anam heum, amge Yawenu engel nug propet Elaiya, Tisbe ted, nug nug amegppa aum. “Na ahan gona, Samarianu king nug danab maatte, Ekron gotteb, na ag uɗalag tena, amelagppa inam akkut. ‘Aɗinu ag Balsebup, Ekron dilag kayak, ag nug oɗ mettaglagnu gotteb? Israel ippa am Kayak laa iite daatte amunu, ag appa gotteb?’ ⌊Ag eɗun gona, king amegppa inam aig!⌋

2 King 3:11

Nug anam aum, amge King Jehosapat nug Joram inam oɗ mettom. “Yawenu propet laa, ig nug amegppa apput, ig geha attem hekkunig amu, nug Yawe amunu oɗ metteb, amegppa ab, nug ab ig doognignu laa iite daatte?” awa aum. Amu Israel dilag king Joramnu ban daup ikki laa dayaya, nug nai amu doya, nug inam nob meum. “Sapat bekka Elisa nug daatte. Anukka nug am propet Elaiyanu maɗi nid dayom,” awa aum.

1 Stori 10:13

Saul nug Yawe ippunittom bia Nug dim lamidkkunu oo metta ii uuak kobol ii dim lamittom amunu, nug mauhom. Amge nug nau amuib ii heum. Iitta! Nug amu haaha, nug ele nau laa ele ha, nug mauhak ele gamag ah doyak medakkunu oɗ mettom.

Jeremaia 21:2

“Babilon dilag king Nebukatnesar nug banenig uɗia, ban hette amunu, na Yawe amunu oɗ medakkutnu oɗ medattep. Anukka Yawe Nug haen laala nuhig ɠagattagppa kobol danab hekkunu elele iitta hatta, Nug ig Israel ehanikke, ena daamut. Amu na gemu Yawe anam ehanikkeb, Nebukatnesar nug ban hak uua, aha uuikka gokkutai, o iittatai, na Yawe amunu oɗ medappe, aɗi ab, appe doognihnu oɗ medattep,” aoya apiɗ.

Esekiel 14:3

“Danab bekka, danab imu ag kayak hambuppuak dim lamadkkulagnu dabmak ag oolag unuqagppa meppig daatte. Ag amu hena, ag kayak hambuppuak dottolkad, amuam keeke nau, danab he na qette amu, ag amu noolagppa dup nona binalag metteb. Ag anam hetteb amunu, da nai laa ag madakkulnu am enate?

Namba 27:21

Dimppa na mauhppe, nug attem attem hekkunu doyak aokkunu amu, nug mana mettak danab Eleasar noobppa hippaidkku, amu Elieser nug ehanittak amu aokkunu nug Urim, ⌊Tumim ele,⌋ keeke aɗit amuppa aokku. Josua, nuhig haknunab naippaib Israel danab ah oh ag keeke hekkulagnu ahan hekkulag; aria, nuhig haknunab naippaib ag keeke hekkulagnu uun ii hemana. Nug, Israel danab ah laa oh ele, ag oh anamib hekkulag.” Yawe Nug Moses amegppa anam aum.

Josua 9:14

Gibeon danab ag anam aeg, Israel dilag ikki danab ag danab amu dilag bret italppig, amge ag amunu Yawe ii unuqidna, oɗ ele ii medappig.

Ikki Danab 1:1

Josua mauhe dimppa amu, Israel danab ah ag Yawe oɗ mettan appig. “Israel dilag huu okkai atten am tatam banelag ukkeb, Kanan danab ele ban hekkulag?” aon oɗ meppig.

Ikki Danab 20:18

Amge ag ban ii heppig daanna amu, Israel ag Betel gona, Kayak oɗ mettan appig. “Israel dilag huu okkai atten nug banelag ukka, anuqa Benyamin danab ele ban hekkulag?” anan oɗ medappig. Ag anam Yawe oɗ mettaeg amu, Nug ag oɗelagppa awa aum. “Juda ag tatam anuqkkulag,” awa aum.

Ikki Danab 20:29

Yawe anam aum amunu, Israel dilag ban danab laala ag ban haknu lokkuma dayak aben Gibea talilidna aon daappig.

1 Samuel 14:18

Amu haen amuppa Kayaknu Tituanak Nainu Kunup Gibea appa, Israel dilag ban danab daappigppa dayom amunu, Saul nug Ahaiya, nug am mana mettak danab, nug nug amegppa aum. “Na Kayaknu Tituanak Nainu Kunup aon uɗie!” awa aum.

1 Samuel 23:2

Dawit nug nai amu doya, nug Yawe oɗ metta aum. “Da Pilistia ban danab banelag gokkul, o iitta?” awa oɗ mettom. Nug Yawe oɗ mette, Yawe Nug nob ma aum “Ao, na gona, Keila danab ehanadna, Pilistia aqe!” aum.

1 Samuel 23:4

Nug nuhikkud ban danab ag anam aeg, Dawit nug eɗua ban amu attem hekkulagnu nug Yawe oɗ mette, Yawe nug amegppa aum. “Da geha na ehanidppi, na geha Pilistia amu eɗadkkut amunu, na ahan, Keila gona, Pilistia aqe!” Yawe Nug anam amegppa aum.

1 Samuel 30:8

Abiatar nug anam he amu, Dawit nug Yawe oɗ metta aum. “Da ag ele ban hekkunignu da ban danab amu dim lamadkkul, o iitta? Da ukke amu, da ag gumatte wakkul, o iitta?” Dawit nug Yawe anam oɗ mettom. Nug Yawe oɗ mette, Yawe Nug nob ma, amegppa aum. “Ao, na ag dim lamatte! Aɗinu? Na dim lamadna gona, geha na gona, ag gumadna wana, na danab ah aɗualadna diin goppig amu oh diiadkkut.” Yawe Nug anam aum.