1 King 20:2 - Nobonob Baibel

² Ag anam henana, Benhadat nug nai laa nai awa ukkak danab amelagppa a, ag aon aab okkai Samaria ooppa gona, Israel dilag king Ahap amegppa appig. Ag inam appig. “Benhadat nug atte.

1 King 20:2 ပူးပေါင်းရင်းမြစ်များ

1 King 15:18

Anam daaegeg, Asa nug Yawenu mettid lagnu en maknu oo anen anenppa, kingnu lag enanagnab, appanu en maknu oo anen anen eleppa silwa, gol, o men doɗo daatte amu, nug amu oh awa, nuhikkud ehanittak anuqak danab matte, ag aon, Aram dilag king Benhadat, Damaskus dayom, ag nug mettaglagnu Damaskus goppig. Benhadat mameg amu Taprimon, nug alag am Hesion.

1 King 20:1

Aria, haen amuppa amu Benhadat, nug am Aram dilag king, nug daup nuhikkud oh qagmaatta, nug a, king 32 laa, ag nug waappa daanna, nug ehanidppig ele, king amu oh ahilkad daup ele, ahilkad hos, bannu karis ele, ag oh ahaeg, Benhadat aɗi ele ag oh gona, Israel dilag aab okkai Samaria oo mattan, aqaglagnu daan, Israel dilag daup ele ban heppig.

1 King 20:3

‘Nahip silwa, amu nahip gol ele am dahil. Na waatad oolagppanu amu, aun aɗi ag ah enanag ele, ag ele am dahil. Aria, nahipad nid aun aɗi am enanag amu, ag ele am dahilib,’ awa atte.” Nai awa ukkak danab ag Ahap amegppa anam appig.

2 King 19:9

Amu Isip dilag king onig Tiraka, nug Kus danab, nug Asiria ele ban hekkulagnu dabma uɗieye, Asiria dilag king Senakerip nug amu doyom. Nug amu doyom amunu, nug baula nai laa Hesekaia dookkunu, nug nuhig maɗi oiyak danab laala Hesekaia toppa gona, nai amu mettaglagnu maatte goppig. Nai ag Hesekaia mettaglag, nai amuam inam.