1 King 2:6 - Nobonob Baibel

⁶ Anam daatte amunu, na nakka nahip doyak dabmak ena ele, na amu dim lamidna, na nuhig eheɗ hak amu eɗun, nob mette! Na uuidppe, nug dayaya, kaino ma, maɗoɗ ele aib mauhom.

1 King 2:6 ပူးပေါင်းရင်းမြစ်များ

Genesis 42:38

Ruben anam a amu, Jakop nug aum. “Benyamin ag ele ii gomana. Aɗinu? Nug awag mauhom, nukkaib daatte. Ag nug aon goppeg, oiyak ahilagppa padal meeb amu, da ool naɗi guittebeb, mauhkkul,” awa aum.

Genesis 9:5

Doɗ oh ag eppelagppa daatteb, ag aqaglagnu elele, amge ag danab tiig gokkaɗkkulagnu am aibnab daatte. Danab nug danab laa heeb mauhkkunu elele iittanab. Doɗ nug ele danab qeeb mauhkkunu elele iittanab. Danab, o doɗ anam heeb amu, da elele medakkul.

Genesis 9:6

Da danab da bia hemi amunu, aun laa nug danab heeb mauhkku, nug ele danab laa eppegppa mauhkku.

2 Samuel 3:39

Kayak he, da goɗen gokkaɗakppa tituanak, da amuppa gemu king daattem, amge da am ɠagattag okkai iitta. Seruia bekoɗ imu aa am ɠagattag okkainab ele. Aa eheɗ hepiɗ amu, Yawe Nug eheɗ hak amu andatta, Nug eɗua ahilah eheɗ hak eleleppa nob matakkunu ool daatte,” awa aum.

1 King 2:7

Na Joapnu anam hekkut, amge na Gileat danab Barsilai, na nug bekkod dilagppa na oo mauhaknab kobol doon dim lamidna, na appe, ag nahip balalppa ele daanna, ee lakkulag. Aɗinu? Haen na awan Apsalom he, da oole ukkai, ag dahilppa kobol ena hena, ɠagattag iuppig.

1 King 2:9

Amge na nug nau dahilppa heum amu, na amunu dabmak aona, na, ‘Nug eheɗ laa ii heum,’ aib dabmeme. Na am danab doyak dabmak ena ele amunu, na nuhigppa aɗi hekkutnu daatte amu, na dookkut. Na heppe, nug mauhaɗ!” awa aum.

1 King 3:12

amunu, na da oɗ meɗame bia, da na doyak dabmak ena ele, amu oo maittak awaknu ehah ele medakkul. Anam amu, am inam daakku. Anukka danab laa nug doyak dabmak ena ele, oo maittak awaknu ehah ele anam amu, laa ii awom. Iitta! Aria, dimppa ele danab laa nug aokku, nug amubia ii aoma. Iitta.

2 King 22:20

⌊Amu Yawe Nug inam ele king amegppa atte.⌋ Anam amunu, da heppi, na daanna, maɗoɗ ele mauhppe, ag na gaɗan ele na mamenad aɗi boumadppigppa boumidkkulag. Na uug naunab da heppi, aben imuppa bekku amu, na uug amu ii anidmana.” Hulda nug anam ag amelagppa a, ag nai amu aon, ag eɗun gona, king amegppa appig.

Sam 37:37

Ag laa, ag danab ah beɗulagppa aab iitta am anatteg! Ao ag tutukku hak danab ah dilagnu dabmak aweg! Aɗinu? ⌊Danab ah amu ag maɗoɗ ele dayaknu oolag mauhtte, amu⌋ Yawe Nug danab ah ag maɗoɗ ele dayaknu oolag mauhtte am ehanatta heeb, ag butti aɗi ii iitta memana.

Prowerb 20:26

King doyak dabmak ena ele nug aun aɗi ag nau hak danab daatteb hettoɗia anadtte; nug anatta mala, nug bu aakku madatte.

Prowerb 28:17

Danab nug laa qe mauhtte amu, nug moɗppa nokkunu oola gotte; auntai laa nug nuhig haknu nob aomanu aib ehanittom.

Eklisiastis 8:11

Danab eheɗ hena, ag paha bu ii aotteb dayeb, danab oh ag hibguitta henana, kobol eheɗ digdig hekkulagnu dabmetteb.

Aisaia 48:22

Israel dilagppa anam daakku, amge Yawe inam ele atte. ‘Laa ag nau hak danab ah daatteb ele, ahilagnu maɗoɗ nakok laa iinab daama,’ ” awa atte.

Aisaia 57:2

Danab ah ag oolagppa kaliak laa iitta ele oitteb, ag Kayaknu nai dim lamidtteb amu, ag maɗoɗ aotteb. Ag mauhna, ag maɗoɗ tutukku aon niitteb.

Aisaia 57:21

“Ge, nau hak danab, ahilagnu amu, maɗoɗ nakok laa ii daatte.” Dahil Kayak, Nug anam atte.

Aisaia 65:20

Haen amuppa da heppi, nid laa doa, haen tutuib dayaya, ii mauhma. Ge, ⌊gemu laa hetteb amubia⌋ danab laa nug kaino ii meum ii mauhma. Amu laa nug maɗ 100 dayaya mauhlo amu, laa ag nuhignu, ‘Nid bau aakku mauhom,’ dabmelob. Genab, laa nug maɗ 100 ii aolo dayeb amu, laa ag nuhignu, ‘Nug hipunin he, Kayak he, nug mauhom,’ alob.

Namba 35:33

Doyaya laa hamu qe mauhak am wan dubuttid mettak amunu, ag wan ag daatteb, ag amuppa aib heppeg, dubuttid ele dayom! Wan dubuttid mettak dayeb, eɗua heeb ena daakkunu amu, qe mauhak danab amu, ag qeppeg mauhkku. Amu bekkunu, am ib laa iitta.