1 King 2:5 - Nobonob Baibel

⁵ Am laa ele, Solomon, na doottem, Seruia bekka Joap nug kobol nau heehe, amuppa da uug okkai, kobol nug heum amuppa da anidmi. Nug Israel dilag ban daup ikki aɗit aqatom. Aa am Ner bekka Apner, am Jeter bekka Amasa ele. Ban haenppa danab laa nug laa qe mauhtte bia ii aqate mauhpiɗ. Iitta. Nug ban haenppa helo bia ban iitta haenppa, am maɗoɗ haenppa, nug aqate mauhpiɗ. Nug danab aɗit amu aqattom, hak nau amunu aab am nug beɗuppa daatte.

1 King 2:5 ပူးပေါင်းရင်းမြစ်များ

2 Samuel 17:25

Ag Jodan mataɗna, ag gona, wan onig Gileat, ag appa haen tutu dayaknu aab kalappig. Am Joap nug Apsalom ele ii dim lamittom amunu, Apsalom nug Amasa nug nuhig daup dilag okkai daakkunu otiom. Amasa nug danab onig Jeter bekka. Jeter nug am Ismael buɗub, amu nug wau am Nahas aɗeg Abigel. Nug Joap anig Seruia makkeg.

2 Samuel 18:12

Joap nug anam aum, amge danab amu nug aum. “Laa nug 11 kilogram silwa da eppelppanab melo amu, da king bekka amu ii qeppi mauhlo! Aɗinu? King nug na, Abisai, Itai ele amelagppa inam haknunab aum. ‘Ag dahilnu dabmak anuqak aona, ag nid bau Apsalom ehanidppeg, ena dayaɗ!’ awa aum. Nug anam aum, ig laa oh doomut amunu, da nid amu, nuhigppa eheɗ laa ii hepa.

2 Samuel 18:14

Danab amu nug anam a, Joap nug aum. “Uuppe! Da na ele nai laa ii mattimɗa,” awa aum. Nug anam anana, nug ban ewam awa, nug ban ewa, oh Apsalom momoppa ye noppig. Apsalom nug ad okppa aiha bau dayeye, nug anam heum.

2 Samuel 18:5

Ag anam ukkaegeg, King Dawit nug Joap, Abisai, Itai ele amelagppa inam hekkulagnu aum. “Ag nid bau Apsalomnu amu, ag dahilnu anuqak doon, nuhigppa wagai aib meppig,” awa aum. Nug anam aum amu, daup laa oh ele ag nug ban daup ikki amelagppa Apsalomnu anam aawo, ag dooppig.

2 Samuel 2:13

Amu haen amuppa Seruia bekka Joap, ⌊Dawitnu daup okkai,⌋ nug nuhikkud daup ele ag ahan gona, le gottu Gibeon appa daatte ele, ag appa Apner aɗi ele nug uɗa teppig. Ag nug uɗa tena, Apner aɗi ag le laih daugppa daaegeg, Joap aɗi ag laih heɗep nena daappig.

2 Samuel 2:18

Amu Seruia bekkod ewam, ag ban amuppa daappig. Ag onilag am Joap, Abisai am Asahel ele. Asahel nug doɗ gasel huana qaietta gotte, nug amubia huana qaietta gokkunu elele.

2 Samuel 20:10

Joap nug anam he, Amasa nug qep Joap eppeg nanehppa dayom am ii dabmeum amunu, Joap nug qep amuppa Amasa oo ye, Amasa biig wanppa neum. Joap nug Amasa haen laippu aakkuib qep-ppa ye, Amasa mauhom. Joap nug anam he, nug amag Abisai ele aa Bikri bekka Seba dim lamidpiɗ.

2 Samuel 3:27

Anam daye, haen Apner nug eɗua Hebron uɗie amu, Joap nug aabnu aɗ odppa dayaya, nug Apner ele aa laih danab ii daattebppa goya, aya daayya, nai mattiglahnu he goya, appa Joap nug Apner big qep-ppa ye mauhom. Apner nug Asahel ye mauhom amunu, Joap nug gemu nob ma, Apner ye mauhom.

2 Samuel 3:39

Kayak he, da goɗen gokkaɗakppa tituanak, da amuppa gemu king daattem, amge da am ɠagattag okkai iitta. Seruia bekoɗ imu aa am ɠagattag okkainab ele. Aa eheɗ hepiɗ amu, Yawe Nug eheɗ hak amu andatta, Nug eɗua ahilah eheɗ hak eleleppa nob matakkunu ool daatte,” awa aum.

1 King 1:7

Amu Adonaiya nug Seruia bekka Joap, amu mana mettak danab Abiatar ele, ag nai madippig. Ag nai mattin, danab aɗit aa nug ele, ag oolag laippu daye, aa nug ehanidkkulahnu apiɗ.

1 King 2:32

Joap nug danab aɗit hamu aqate, Yawe Nug nob iikku medakku. Da mamel, Dawit, nug ii doyeye, Joap nug qep elabppa ban ha, Ner bekka Apner, nug am Israel ban daup ikki anuqak, amu Jeter bekka Amasa, nug am Juda ban daup ikki anuqak, Joap nug aa hamu aqate mauhpiɗ, amge aa am danab aɗit, ahilah oiyak, ahilah kobol ele am ena. Aa, amu ahilah hak ele, am Joapnu kobol, oiyak ele eɗittom.

Jeremaia 2:34

Laa amu, ag Israel ag danab ahilag keeke ii aoppig, ag eheɗ laa ii heppig ele, ag amu aqaeg mauhppig. Ag amu heppig, amge ag, ‘Ig hipunin hemut,’ ii appig. Iitta. Ag, ‘Ig beɗunigppa aab iitta. Yawe Nug ihinignu oo nauhak laa ii dootte,’ atteb. Ag anam atteb, amge iitta! Ag hipunin henana daanna, ‘Ig hipunin ii hemut,’ atteb amunu, da naippa yaalatten, bu madakkul.

Jeremaia 6:15

Ag naunab nau hetteb amunu, ag uɗalag nettete? Iitta! Ag uɗa nak nakoknab laa ii dootteb. Ag uɗa nak kobol hetteb, amge ag amelag kokoɗ iinab ebatte. Ag anam hetteb amunu, ib laa ii daatte. Ag laa qep elabppa mauhtteb bia, ag ele mauhkkulag. Da bu eheɗ madappi, ag nena qekkulag,” awa atte.

Matyu 3:4

Amu Jon nug lamen kamel uɗigppa hak ma, nug imuagppa matagiɗ doɗ gaɗappa hak ele tagattom. Nuhig ee am atuppanu uppuh leppu, tap-lokus ele.

Duteronomi 27:24

Appeg, Lewi buɗub ag inam akkulag. “Aun laa nug danab laa lokkumakppa qette, nug eheɗ laa awaknu anak waappa dayaɗ!” akkulag. Appeg, danab ah oh ag, “Genab anam dayaɗ,” akkulag.