1 King 2:4 - Nobonob Baibel

⁴ Amu na Yawe oɗe dim lamidkkutnu diig laa am, na Nug waappa daappe, Nug anukka dahilnu keeke laa hekkunu da amelppa nai ana qakkom, am heeb bekku. Nai qakkak amuam inam. ‘Nahip nid ag ahilag oiyak atognokkulag dayeb, ag oo metta ii uuak kobol dim lamidna, da noolppa tutukku oiglag dayeb amu, geha haen oh da heppi, na buɗunppanu laa ag anen anen ahilag haenppa Israel dilag king bena, sia kingppa daaglag.’ Yawe Nug anam aum amunu, Solomon, na nuhig nai amu, na oh ena tutukku dim lamidppe, Yawe Nug nuhig nai ana qakkom amu, Nug ii loppaɗma. Iitta.

1 King 2:4 ပူးပေါင်းရင်းမြစ်များ

Genesis 17:1

Aria dimppa, Abram nug maɗ 99 dayeye, Yawe Nug gumitta na, nug amegppa aum. “Da am Kayak Dakka Ɠagattag Oh Ele. Na dahil neekkakppa danab ooppa kaliak laa iitta ele oiye!

Genesis 18:19

Aɗinu? Da Abraham doottem, nug, nug bekkod, nug laugppanu ele, ag da, Yawe, ag dahil ib dim lamidkkulagnu ippunadkku. Ippuanatteb, ag kobol tutukku, amu nai doya mala hettoɗia epeɗia elele mettak kobol ele dim lamidkkulag amunu, da nuhigppa aɗi hekkulnu nai ain qakkami amu, da amu hekkul,” awa aum.

2 Samuel 7:25

Anam amunu, O Yawe Kayak, na da, nahip maɗi nid, na keeke dahilppa, da buɗuladppa ele dilag hekkutnu, na nai anan qakkame amu, da na heppe, gemu, butti aɗi ele nai amu meu okkunu oɗ medattem.

1 King 1:48

Nug Yawe noobppa dup noa binag ma, nug inam aum. ‘Ig Yawe, Israel dilag Kayak, ig Nug binag metu! Gemu Nug he, nid dahil imu nug da abenalppa king be, nug dahil sia kingppa dayeye, da anidmi!’ ” awa aum.

1 King 11:36

Dahil maɗi nid Dawit, nug buɗubppanu danab laippu laa nug da noolppa haen oh Jerusalem ippa king daakkunu elele amu, da geha heppi, Solomon bekka Rehoboam nug Israel dilag huu okkai laippu, nug gumakku. Aab okkai Jerusalem imu amu, da onil iguppa daakkunu tituanmi.

1 King 3:14

Am na da ib ena oh da tituanadmi, ɗo nai dahil oh, amu dahil haknunab nai ele, na amu dim lamidkkut dayeb, na mamen Dawit heum amubia, amu da heppi, na wanppa haen elab daakkut,” awa aum.

1 King 3:3

Am Solomon nug Yawenu oo mauhehe, kobol ena oh dim lamittatta, mameg Dawit aum bia heum. Amge Solomon nug ele aabaabppanu mettid lag nakokppa doɗ manatta, Yawe medatta, nug ele kalu danab ile muttuɗig enanag bette ele appa mana, Yawe mettom.

1 King 6:12

“Gemu na mettid lag dahil hettem amu, lag amunu da attem. Na dahil ɗo iɗu iɗu dim lamidna, dahil haknunab anak oh ele dabmettan dim lamidppe amu, am da anukka na mamen Dawit nug amegppa nai ain qakkami amu, da anam hekkul.

1 King 8:23

nug unuqitta aum. “O Yawe, na am ig Israel, ihinig Kayak. Kayak laa na bia habppa, o honap wanppa ele, laa ii daatte. Amu na nahipad maɗi nid maɗi ah ele, ag meulag ohppa nahip ib dim lamittegeg, na hee, na danab ah amu ele ag nug oo mauhaknab doyaknu nug tituana nai qakkak hetteb amu, na nug tituana nai qakkak amu ii okkulttem.

1 King 8:25

Am gemu Yawe, na ig Israel, ihinig Kayak, da na oɗ medattem. Na nai ana qakkak laa da mamel Dawit, nahip maɗi nid, na nug amegppa ame amu, na amunu ele heppe bekkunu oɗ medattem. Na nug amegppa inam ame. ‘Dawit, na begapad ag na hettem bia, ag haen oh da pehettak dim lamiɗna, da noolppa oiglag dayeb, geha haen oh da heppi, na buɗunppanu laa ag anen anen ahilag haenppa Israel dilag king bena, sia kingppa daaglag,’ aon ame.

1 King 9:5

da na mamen, Dawit, da nug amegppa, ‘Da heppi, na buɗunadppanu laa nug na abenam aweb, laa nug Israel dilag gumak uɗat nuhig nug eppegppanu matakka ii aoma; da heppi, hanhan nug eppegppa, nug buɗub eppelagppa ele daakku,’ awe, dahil nai ɠagattag qein ami bia amu, anamib geha haen oh da heppi, na buɗunppanu laa ag anen anen ahilag haenppa Israel dilag king bena, sia kingppa daaglag.

2 King 20:3

“O Yawe, na dahil hak imu dabmekkutnu oɗ medattem. Da na noomppa oo metta ii uuak kobol dim lamitte oiyeye, da meul ohppa na dim lamidkkulnu heine oiyeye, da amenppa kobol aɗi aɗi am ena, da amu dim lamidmi.” Hesekaia nug anam unuqittowa, nug huana gayom.

2 King 23:25

Josaia nug am king enanag. Nug meu ohppa, oo ohppa, ɠagattag ohppa ele Yawe dim lamidkkunu, Mosesnu ɗo nai atte bia heum. Anukka amu king laa Josaia eɗua, Yawe dim lamidkkunu heum bia, laa ii dayom. Iitta. Dimppa ele, king laa nug bia laa ii beum. Iitta. Josaia nug oh eɗattom.

2 King 23:3

King nug nai amu ebqewowa, nug Yawenu mettid lag, amuppa biidod daugppa, nug aguppa, Yawe noobppa daye, nug nug tituana nai qakkak amu dim lamidkkunu nai baula qakkom. Nug nai amu qagakka, nug Yawe dim lamittatta, Yawenu haknunab anak, nuhig ɗo iɗu iɗu oh ele nug meu ohppa, oo ohppa ele dim lamitta, nug nug tituana nai qakkak bukppa nai aɗi aɗi dayom amu, nug nai amu ele dim lamidkkunu Yawe amegppa aum. Nug amu hekkunu amu, nug aɗi aɗi nai buk itoɗiak amuppa dayom ele, nug amu oh dim lamidkkunu aum. Nug anam he, dimppa danab ah oh ag ele nug tituana nai qakkak amu dim lamidkkulagnu appig.

1 Stori 28:9

Amu Solomon da bekkal, da na amenppa attem. Yawe Nug danab dilag dabmak unuqagppa daatte mattia anidtte, Nug danab nug diig aɗinunab keeke hette ele dootte amunu, na, na mamenad dilag Kayak, Nugib am Kayak dabmena doon, na meut ohppa, nahip dabmak ohppa ele Nug waappa daan, Nug oɗe dim lamitte! Na Yawe anidna dim lamidkkutnu Nug madikkut dayeb, Nug heeb, na Nug anidkkut. Amge na Nug dimettan, uuidkkut dayeb amu, Nug ele na geɗitteb, na anam daappe ukkeb, gogppa teeb batakkut.

2 Stori 17:3

Jehosapat nug king abenabppa ta dayaya, nug mameg anukkanu Dawit, nug Yawe dim lamittom bia heum amunu, Yawe Nug Jehosapat ele daapiɗ. Jehosapat nug kayak hambuppuak Bal iɗu iɗu anatta dim lamadkkunu nug ii mattiom.

2 Stori 6:16

Am gemu Yawe, na ig Israel ihinig Kayak amu, da na oɗ medattem. Na nai ana qakkak laa da mamel Dawit, nahip maɗi nid, na nug amegppa ame amu, na amunu ele heppe bekkunu oɗ medattem. Na nug amegppa inam ame. ‘Dawit, na begapad ag na hettem bia, ag haen oh da pehettak, dahil ɗo ippunadtte bia dim lamiɗna, da noolppa oiglag dayeb, geha haen oh da heppi, na buɗunppanu laa ag anen anen ahilag haenppa Israel dilag king bena, sia kingppa daaglag,’ aon ame.

2 Stori 7:18

da na mamen Dawit ele nug tituanɗa nai qakkaɗa, da nug amegppa ami bia bekku. Da ami. ‘Da heppi, na buɗunadppanu laa nug na abenam aweb, laa nug Israel dilag gumak uɗat nuhig nug eppegppanu matakka ii aoma; da heppi, hanhan nug eppegppa, nug buɗub eppelagppa ele daakku,’ awe ami. ‘Da anam ami amu, anamib geha haen oh da heppi, na buɗunppanu laa ag anen anen ahilag haenppa Israel dilag king bena daaglag.’

Sam 119:9

O Yawe, danab ah bau ag attem hena, ag oolag oppiak ele na noomppa daaglag? Ag nahip nai dim lamidkkulag, ib amuppaib ag oppiak ele daaglag.

Sam 37:22

Amu Yawe Nug danab ah itadtte ele amu, ag geha ag aulag wan imu aɗan daaglag, amge nug laa ag eheɗ laa awaknu anak waappa daaglagnu atte, ag mauhkkulag.

Sam 37:9

⌊Ag nau anam aib heppig.⌋ Aɗinu? Nau hak danab ag geha nauhkkulag. Amge aun aɗi ag Yawenu oolagppa genab dootteb, geha ag ii nauhmana. Ge, ag geha ag aulag wan imu aɗan daaglag.

Sam 39:1

Am da dakka da dahilnu ami. “Da dahil oiyak dabmetten, oɗelppa da hipunin hepanu da nai mattiak dahil ele atognoin aute aokkul. Da aɗi nai akkul amu, haen nau hak danab ag taliliɗak daappeg, da dabmein aute awewe, nai akkul.”

Jeremaia 33:17

Aɗinu ag anam akkulag? Yawe Nug amunu inam atte. ‘Dawit buɗunppanu laa ag anen anen ahilag haenppa Israel dilag king bena, sia kingppa daaglag.

Lewitikas 26:3

Ag ɗo dahil dim lamidna, ag haknunab anak dahil pehettak dabmettan dim lamiɗkkulag dayeb amu,

Sekaraia 14:2

Amu Yawe Nug atte. “Deɗ amuppa da wanppan wan ohnu danab ag Jerusalem banelag uɗiglagnu qagmaadkkul. Anam amu, kekeɗ ag uɗin, aab okkai amu eɗadkkulag. Ag laulkadppan keeke akkan gonana, ag ah am eheɗ hattaglag. Kekeɗ ag amu henan, ag aab amuppan danab ah ameg laa diin gona heppeg, ag wan laappa diia ukka laih me dayak danab ah daaglag. Ameg laa ag aab nauhom, amuppa daaglag,” awa atte

Matyu 22:37

Nug anam oɗ mette amu, Jesus amegppa aum. “ ‘Naɗi, nahip Kayak, na nuhignu na meut ohppa, oot ohppa, nahip dabmak ohppa ele oot mauhaɗ!’

Luk 1:6

Aa oh Kayak noobppa tutukku oittapiɗ. Aa Naɗinu haknunab anak, ɗo nai oh ele Kayaknu neekkakppa eleleib dim lamidpiɗ.

Duteronomi 10:12

Gemu amu, ag Israel, ahilagnu amu, Yawe, ahilag Kayak, Nug ag aɗi hekkulagnu atte? Nug ag imu hekkulagnu atte. Nug ag nuhignu ebehilag oh bodoetta le meeb, nuhig nai dim lamidnana, nuhignu oo mauhak doonna, ag Nug waappa daan Nug oɗe dim lamittak kobol ag meulag ohppa, oolag ohppa ele hekkulag.

Duteronomi 11:13

Ag haknunab anak nai, gemu da ag madattem imu oh tutukku dim lamidnana, ag Yawe, ahilag Kayak, ag meulag ohppa, oolag ohppa ele nuhignu oolag mauheb, ag Nug waappa daan Nug oɗe dim lamidkkulag dayeb amu,

Duteronomi 6:5

Ag Yawe, ahilag Kayak, ag nuhignu ag meulag ohppa, oolag ohppa, ahilag ɠagattag ohppa ele oolag mauhaɗ!

Duteronomi 7:12

Am ag ɗo imu doon dabmattan, tutukku dim lamidkkulag dayeb, Yawe, ahilag Kayak, Nug ag mamelkad aɗi dilagppa hekkunu nuhig nai ɠagattag qetta aum, amubia Nug he, Nug ag ele nug tituanna nai qagappig amu, Nug ahilagnu oo mauhaknab dookkunu nug tituana nai qakkak nuhig amu aɗa daakku.

Jut 1:24

Aria Kayak Nug ag dabmatta auta aweb, ag ii nena qemananu elele daatte, Nug nukka ag diia, Nug noobppa, aben amuam binag amahlak oppiaawak ele, appa nuhig neekkakppa ag oolagppa kaliak laa iitta ele, maɗoɗppan gamag ahak naɗi eleppa maatteb daaglagnu ele elele daatte.