1 King 2:10 - Nobonob Baibel

¹⁰ Dawit nug nai amu oh mattia mala dayaya, dimppa nug mauhe, ag nug gaɗa Dawitnu Aab, appa boumppig.

1 King 2:10 ပူးပေါင်းရင်းမြစ်များ

2 Samuel 5:7

Ag anam appig, amge Dawit eɗattowa, nug aab Sion aɗ ɠagattagnab ele amu awom. Amuam Dawitnu Aab aakku.

2 Samuel 5:9

Dawit aɗi ag aab aɗ ɠagattagnab ele amu aon, Dawit nug aab aɗ ɠagattagnab ele amuppa ukka dayaya, nug aab amu onig, “Dawitnu Aab,” ataɗom. Nug appa dayaya, nug aab amu daug daug lag keeke, bau hattom. Nug aben laa wan ita me bak, nug amuppa digma, lag keeke, hatte ukke, Dawitnu Aabppa ukkom.

2 Samuel 7:12

Anam, amu haen na nahip mauhak haen doob mauhppe, da heppi, na buɗunadppanunab laa nug na abenam aweb, laa nug gumak uɗat nuhig nug eppegppanu matakka ii aoma; da heppi, hanhan nug eppegppa, nug buɗub eppelagppa ele daakku.

1 King 1:21

Na ag amelagppa ii awona, geha na mauhppe amu, Adonaiya aɗi ag Solomon da ele, ag ihinihnu danab ah nau bia dooitnana, nitappeg mauhkkunih,” awa aum.

1 King 11:21

Am Hadat nug Isip wanppa dayaya, nug Dawit, nug nuhig ban daup ikki anuqak Joap ele aa mauhpiɗ, nug nai amu doyom. Aakku Hadat nug Paro amegppa aum. “Na da uuiɗppe, da dahil wanppa eɗue gokkul,” awa aum.

1 King 11:43

Dayaya, nug mauhe amu, ag nug Dawitnu Aab, ag appa boumppig. Dawit nug Solomon mameg. Solomon mauhe amu, nug bekka Rehoboam nug abenabppa king ba dayom.

1 King 14:31

Dimppa Rehoboam nug mauhe amu, ag Dawitnu Aab, appa nug mamekkud aɗi boumadppigppa boumppig. Rehoboam mauhe, nug bekka Abaiya nug mameg abenabppa king ba dayom. Rehoboam anig am Amon wanppanu ah onig Namah.

1 King 15:24

Dimppa Asa nug mauhe amu, ag nug Dawitnu Aab, appa nug mamekuɗ aɗi boumadppigppa boumppig. Nug mauhe, nug bekka Jehosapat nug mameg abenabppa king ba dayom.

1 King 15:8

Amu Abaiya nug mauhe, ag Dawitnu Aab, appa boumppig. Nug mauhe amu, nug bekka Asa nug mameg abenabppa king ba dayom.

1 King 22:51

Jehosapat nug Juda dilag king dayaya, nuhig king dayaknu maɗ 17ppa, Ahap bekka Ahasia nug Israel dilag king beum. Nug maɗ aɗit Samaria appa king dayom.

1 King 3:1

Am Solomon nug Isip dilag king Paro ele aa nug tituanpiɗ. Wan aɗit amu, Israel wan am Isip wan ele, aa ban ii hemaya, ena, hamu daaglahnu, aa amunu anam hepiɗ. Aa tituanak amu heya, Solomon nug Paro aɗeg nuhig ah daakkunu awom. Am Solomon nug ah amu awa, nug omala, Dawitnu Aab, appa uɗie dayom. Nug ah amu awa uɗie, nug appa dayeye ukke, Solomon nug nuhig lag enanagnab ha malowa, nug Yawenu mettid lag ha malowa, amu nug Jerusalem aɗub, Jerusalem talilitta daakkunu ele ita male ⌊ukke, ah amunu laug ele ha male, ah amu nug lag amuppa ta,⌋ haen amuppa nug dayomppa dayak am batom.

1 King 8:1

Amu King Solomon nug Yawenu Tituanak Nainu Kunup kontrak inak ele, nug kunup amu Sion, Sion am Dawitnu aab amu, nug appanu awa, Yawenu mettid lag, amuppa mekkunu dabmeum amunu, nug Israel dilag ikki danab, Israel dilag huu okkai anen anen dilag danab okkai oh, amu Israel baekkudppan dilag okkai ele ag nai doon, ahan, nug gumidna, Jerusalem uɗiglagnu onilagppa eum.

2 King 14:20

Ag qeeg mauhe, laa ag gaɗa hos attan mena, aon Jerusalem uɗin, Dawitnu Aab appa mamekkud aɗi boumadppigppa boumppig.

2 King 15:38

Amu Jotam nug mauhe, ag nug Dawitnu Aab, amuppa nug mamekkud aɗi boumadppigppa boumppig. Aab amuam nug mamekkud aɗi dilag aab. Nug mauhe amu, nug bekka Ahas nug abenabppa king ba dayom.

2 King 16:20

Amu Ahas nug mauhe, ag Dawitnu Aab, aab amuppa ag nug mamekkud aɗi boumadppig, ag nug ele aab amuppa boumppig. Nug mauhe, nug bekka Hesekaia nug mameg abenabppa king ba dayom.

2 King 8:24

Dimppa Jehoram nug mauhe, ag Dawitnu Aab, appa nug mamekkud aɗi boumadppigppa nug boumppig. Nug mauhe, nug bekka Ahasia, nug mameg abenab awa, nug king beum.

2 King 9:28

Nug mauhe, nuhig maɗi nid ag nug gaɗa amu aon, karis laappa mena, ag aon eɗun, Jerusalem gona, Dawitnu Aab, appa ag nug mamekkud aɗi boumadppigppa nug boumppig.

1 Stori 11:7

Dawit aɗi ag aab aɗ ɠagattagnab ele amu aon, Dawit nug aab aɗ ɠagattagnab ele amuppa ukka dayom, diig amunu danab ah ag aab amunu, “Dawitnu Aab,” appig.

1 Stori 29:28

Nug anam king daye ukke mauhom amu, nug kainonab dayaya mauhom. Nug haen elab bau daya oiyaya mauhom. Nug en okkai ele, binag ele okkai ele. Nug mauhkkun heehe, nug bekka Solomon nug ou daya, king abennabppa ta dayom.

2 Stori 24:16

Jehoiada nug Israel dilagppa kobol ena ena ha, Nug Kayak tutukku dim lamitta, nug Kayaknu mettid lag ele dabmetta auta autanab awom amunu, nug mauhe, ag nug Dawitnu Aab, ag appa kingnu boumak abenppa nug boumppig.

2 Stori 9:31

Dayaya nug mauhe amu, ag nug Dawitnu Aab, ag appa boumppig. Dawit nug Solomon mameg. Solomon mauhe amu, nug bekka Rehoboam nug abenabppa king ba dayom.

Aposel 13:36

Amunu ig doottem nai amuam Dawitnu iitta. Aɗinu? Dawit nug danab ah nug ele daappig, ag oolagppa Kayak oɗe dim lamittatta oiyaya, nug mauhe, mamekkud aɗi boumadppigppa boumeg, beɗu wan meum.

Aposel 2:29

Nug anam ana, nug nai tuɗitta aum. “O lailad, Dawit nug nai amu mattiom amu, nug nuhignu ⌊aakkuib⌋ dabmaama ii mattiom. Ig amu genabnab daatte attem doognig am, Dawit nug mauhe boumeg; nuhig boumak aben ig oonigppa gemu iikku daatte.