1 King 18:3 - Nobonob Baibel

³ King Ahap nug Obadaia gumitta uɗikkunu onigppa eum. Obadaia nug kingnu lag enanagnab gumak danab. Nug Yawenu ebehi oh bodoetta le meum.

1 King 18:3 ပူးပေါင်းရင်းမြစ်များ

Genesis 22:12

Abraham anam a amu, engel nug amegppa aum. “Na nid aib yaappe mauhom. Na keeke eheɗ laa ele nuhigppa aib heme. Aɗinu? Na nid nahip laippunab genab meɗame amunu, da geha iikku na da, Kayak, na dahilnu ebehin oh bodoetta le mette amu, da doottem,” awa aum.

Genesis 24:10

Aa anam heya maloya amu, maɗi nid nug Abrahamnu kamel eblaih tanig ele, keeke ena ena kuɗum laa elele diiatta, nug aha ukka ukka, nug Mesopatemia, Nahor appagppa ukkom. Abraham Nahor ele, aa am eamag.

Genesis 24:2

Kaino ma, nug nuhig maɗi nid okkai nug Abrahamnu keeke oh gumadttom ele amu, nug nug amegppa aum. “⌊Na ihinig kobol nai ɠagattag qa anaknu, na kobol amu dim lamidna⌋ na eppen da tuɗil waappa mena,

Genesis 39:9

Nug laugppa amu, danab laa da ii eɗiltte. Dahil okkai nug nuhig keeke oh da eppelppa meum. Keeke laippuib nug da eppelppa ii meum amu, am naib. Aɗinu? Na am nug wau amunu, attemun da hipunin imu Kayak nuhigppa hekkul?” awa aum. Josep nug anam aum, amge ah nug hanhan Josep amegppa niiglahnu attom.

Genesis 41:40

amunu, dahil lag enanagnu gumak uɗat oh amu, da na eppenppa mettem; na gumakkut. Dahilad danab oh ag na oɗen dim lamidkkulag. Daib am na eɗittak daakkul,” awa aum.

Genesis 42:18

Amu deɗ ewamppa Josep amelagppa aum. “Da Kayaknu ebehil oh bodoetta le mette amunu, ag inam hena, ag bau, ena daaglag.

1 King 16:9

Amge Ela, nug nuhig ban dilag okkai laa onig Simri, nug Ela kekeɗ metta, qeeb mauhkkunu ib madittom. Simri nug nuhig uɗat am kingnu bannu karis ameg laa, nug amu gumadttom. Deɗ laa king nug Tirsa appa, danab laa, nug kingnu lag enanagnabnu gumak danab onig Arsa, nug nug laugppa ukka, nug le lawowa, digma spak meum.

1 King 18:12

Amge da na uuitte goppi, Yawenu Ouɗi Nug na awitta, aben laih da ii doottemppatai meitteb daappe, da ukken, Ahap amegppa appi, nug na maditta, ii anitta amu, geha da iweb mauhkkul. Amge da nid nakokppanu uɗie, gemu batak, haen amu oh da Yawenu ebehil oh bodoetta le meum.

1 King 18:2

Nug anam aum amunu, Elaiya nug ukka, Ahap anidkkunu gumitta ukkom. Am haen amuppa Israel wanppa enug haen nau dayeye, Samaria appa ag ahilag ee am tutunab me,

2 King 4:1

Amu ah laa, gamu nug propet huu ameg laa, nug amuppa daya mauhom, danab amu qappu amu, nug Elisa gumitta uɗia, nug inam amegppa aum. “Danab okkai, danab dahil nug am nahip maɗi nid, nug mauhom. Na doottem, nug haen oh Yawenu ebehi oh bodoetta le mettom. Amge gemu danab nug lon mekke, eɗut ii mettamut ele aokkunu hette, amge da men doɗo iitta. Nug nid dahilaɗ aɗit amu diiata ukka heeb, nuhig begbeg maɗi nid daaglahnu uɗiom,” awa aum.

Nehemaia 5:15

Juda dilag gawana tatam daappig, da ahilag okkai ii bemi haenppa amu, okkai amu ag Juda danab ah uug okkai madappig. Ag deɗ anen anen 500 gram silwa, ee digdig, wain ele mattaglagnu aeg madappig. Okkai amu dilag ehanittak anuqak ele ag eheɗ heegeg, Juda danab ah ag ahilkad maɗi nid bia daappig. Laa da okkai ii daami haenppa okkai daappig amu, ag anam heppig, amge da Kayaknu ebehil oh bodoetta le meum amunu, da anam ii hemi.

Nehemaia 7:2

da, da amal Hanani, amu danab laa Hanania ele, aa Jerusalem gumaglahnu otiatmi. Hanania nug aben aɗ ɠagattagnab ele, nug appanu daup dilag okkai dayom. Nug danab nug dabmak oiyak nuhig ele am tutukkuib. Nug Kayaknu ebehi oh bodoetta le mette. Danab kuɗum ag anam dootteb, amge nug okkainab dootte. Nug anam dayom amunu, da nug otimi.

Job 28:28

Nug amu ha, nug danab ah amelagppa aum. ‘Doyak dabmak ena ele amu, amuam dahilnu ebehi oh bodoetta le mak. Ao, diignu doyak tutukku amu, amuam eheɗ laa ii hemanu dabmaama oiyak.’ Kayak Nug danab ah amelagppa anam aum.” Job nug anam aum.

Sam 112:1

Ag Yawe binag meig! Danab nug Yawenu ebehi oh bodoetta le mette, nug itittak ena awom daatte. Ao, danab amu nug Yawenu ɗo ohnu enanagnab doyaya oitte ele, amu nug itittak ena awom daatte.

Prowerb 14:26

Danab nug Yawenu ebehi oh bodoetta le mette amu, kobol amuam danab amunu aab aɗ ɠagattagnab, loppaɗaknu iitta ele bia daatte; danab amunu kobol amu, kobol amuam nug bekkod dilag padal mak eɗitteb ena dayaknu aben bia daatte.

Malakai 3:16

Amu laa ag Yawenu anam eheɗ mattin appig, amge laa ag genab Yawenu ebehilag oh bodoetta le mette ele, ag akka akka ⌊Yawenu⌋ mattiak ⌊tutukku⌋ heeg, Yawe Nug ag keeke madippig amu doyom. Nug doya he, laa Nug noobppa daya, laa amu onilag buk itoɗiakppa daakkunu yom. Amuam laa ag Yawenu ebehilag oh bodoetta le mette, ag Nug binag metteb ele, nug ag onilag buk itoɗiak amuppa yom.

Matyu 10:28

Laa ag beɗulag aakkuib qekkulagnu elele, ag dottolag qekkulagnu elele iitta amu, ag amu dilag aib baɗappig. Iitta. Laa nug beɗulag, dottolag ele oh heeb, padal mak abenppa padal mekkulahnu elele amu, ag nuhignu baɗeg!

Matyu 25:17

Amubiaib laa talent aɗit awom ele, nug ele anam ha, talent aɗit baula awom.

Aposel 10:2

Danab amu nug baekkudppa ele ag oh Kayaknu ebehilag oh bodoetta le meum. Amu nug men doɗo kuɗum, Juda danab men doɗo iitta ele, nug ag ehanatta madatta, haen oh nug Kayak unuqidttom.

Aposel 10:35

Iitta. Kayak Nug danab buɗub ohppanu laa ag nuhignu ebehilag oh bodoetta le mette, ag kobol genab tutukku ele hetteb amu, Kayak Nug ag diiadtte.