1 King 17:4 - Nobonob Baibel

⁴ Daanna, na le amu labeppe, da ai alɗal amelagppa haknunab ami amunu, ag ee lakkutnu aon uɗin mettaglag,” awa aum.

1 King 17:4 ပူးပေါင်းရင်းမြစ်များ

1 King 13:28

Ag anam heeg, propet kaino nug donki attan ta, ib amuppa ukka, Judanu propet gaɗa ibppa niieye antta, nug donki, laion ele aa anam gaɗa amu gukkuidya hippaidya daaeheh anatom. Am laion nug mauhak gaɗa amu ii laum, nug donki ele attemtai laa ii heum.

1 King 17:3

“Na laih imu uun gona, Jodan le heqo laih aam bedeppanu, le nakok Kerit oolnu noakppa, na appa le guguittak lokkumna daye!

1 King 17:5

Yawe Nug anam aum amunu, Elaiya nug Yawe aum, amubia heum. Nug ukka, le nakok onig Keritnu oolnu noak, aguppa dayom. Le nakok amuam Jodan le heqo laih, kaɗag uɗitteppanu, amuppa daatte.

1 King 17:9

“Na ahan, laih Saidon appa gona, Sarepat aabppa daye! Aab amuppa ah qab laa, da ah amu nug na eeppa ehanidkkunu tituanmi daatte,” awa aum.

Job 34:29

Kayak Nug manin haen daakkunu akku dayeb amu, laa nug manin amu heeb nauhkkunu elele iitta. Ao, Kayak Nug laa Nug anidmanu iɗu hautkku dayeb amu, laa nug neekkeb ukkeb anidkkunu elele iitta. Ge, Kayak Nug laa, nug Kayaknu, nuhig haknu ele uuak dootte, danab amu nug danab ah dilag gumak danab daamanu, danab amu nug danab ah dilag eheɗ hattamanu, Kayak nug wanppan wan anen anen, danab anen anen ele dilag okkai dayakib daatte.

Job 38:41

Laa amu, ai alɗal anig, haen nug nakkud ag da Kayak, da dookkulnu, ag eenu gaan, ee iittanu beɗulkad gai-iitta daatteb amu, aun nug ee ag anilag medatte?

Sam 147:9

Nugib doɗ ee madatte. Ao, haen alɗal nalkad ele ag eenu enug aqe gaaeg amu, Nug ee madatte.

Jona 2:1

Anam amu, Jona nug ⌊oo eɗue,⌋ kakai ooppa dayaya, nug Yawe, nuhig Kayak, nug Nug unuqitta inam aum.

Namba 20:8

“Ahan, nahip dudqak hokkat aoppe, na amap Aron ele oh, aa danab ah qagmatteɗ! Aa ag noolagppa na men ⌊umu⌋ amegppa appe, men nug nuhig le ana gokkaɗeb nekku. Ib amuppa amu, na heppe, le, danab, am ahilkad doɗ ele, ag oh lakkulagnu menppanu elele nekku,” awa aum.

Matyu 4:11

Jesus Nug anam a amu, Satan Jesus uuittom. Uuitte, amu engel ag nena, Jesus ehanidppig.

Matyu 4:4

Nug anam aum, amge Jesus Nug inam aum. “Kayak naippa yaak inam daatte. ‘Danab ah eeppaib bau daanna ii oitteb. Iitta. Danab ah ag Kayak nai ohppa bau daan oitteb,’ ” awa aum.