1 King 17:3 - Nobonob Baibel

³ “Na laih imu uun gona, Jodan le heqo laih aam bedeppanu, le nakok Kerit oolnu noakppa, na appa le guguittak lokkumna daye!

1 King 17:3 ပူးပေါင်းရင်းမြစ်များ

1 King 17:2

Amu dimppa Yawe Nug nuhig nai imu Elaiya mettom.

1 King 17:4

Daanna, na le amu labeppe, da ai alɗal amelagppa haknunab ami amunu, ag ee lakkutnu aon uɗin mettaglag,” awa aum.

1 King 22:25

Sedekaia nug anam a, Mikaia nug nob ma aum. “Qinob, uug naunab beeb, na lag ooppa uma lokkumak daakkutnu wana daanna, na oɗmak nahipnu nob aakku dookkut,” awa aum.

Sam 31:20

Na amu, na am nahipad danab ah dilagnu lokkumak aben bia daattem; na ag nakka nahip-ppa lokkumatte daatteb. Na anam hena, kobol amuppa na danab nau ag nahipad danab ah eheɗ hattamananu maittak aotteb amu, na ib oo nettem. Yo, danab ah nahipad dilagnu amu, na daattemppa maatte daaegeg, kekeɗ ahilkad hattappeg nauhkkulagnu nai maditteb amu, na nai ahilag amu qee nette.

Sam 83:3

Ag nahipad danab ah guittak mattaglagnu lokkumakppa kobol nau haknu maittak aotteb. Ag danab laa nug doɗ aokkunu atognoa auta awa, pelem mette bia hetteb. Ao, ag danab ah nahipad, na danab ah amu dilagnu oot mauhtte ele amu, ag amu dilagnu eheɗ hattaglagnu maittak aon dabmetteb.

Jeremaia 36:19

Baruk ag amelagppa anam a, ag nug amegppa appig. “Na Jeremaia ele aa goya, aben adekkuppa aa lokkumak dayeɗ! Laa nug aa adekkuppa daattep amu, aa aibnab ippunidpiɗ!” aon appig.

Jeremaia 36:26

King nug danab ewam dilag nai doya, kobol ena laa ii heum. Iitta. Nug nug bekka laa Jeramel, Asriel bekka Seraia, amu Apdel bekka Selemia ele, ag ahan gona, yaak danab Baruk, amu propet danab Jeremaia ele aɗalatna, maniguittakppa maatkkulagnunab amelagppa aum. Nug ag amu hekkulagnu aum, amge Yawe Nug danab aɗit amu lokkumatom amunu, ag mattialatna anatkkulagnu elele iitta.

Jon 8:59

Nug anam aum amunu, Juda ag Nug makkuɗkkulagnu men agappig, amge Jesus Nug danab kuɗum oolagppa beɗu lokkumittatta, Kayaknu mettid lakkanu aha ukkom.

Aposel 17:14

amu Kristen ag paha ahan, Pol aon meeg noa, yu ihippa gokkunu ugekke, Silas, Timoti ele, aa amu Beria daapiɗ.

Hibru 11:38

Ag laala ag matatun gona, atu taɗakppa, danab appa iitta eleppa oiyegeg, laala ag gona, qaukoppa oiyegeg, laala ag men oɗeppa ele daappig. Wan imuppan danab nau ag ooppa genab doyak danab amu ele elele iittanab.

Revelesen 12:14

Amge Kayak Nug ai igel haug aɗit ele ah amu nug hagagaɗa, mat naɗinab uuitta, wan meu waknu nakokib eleleppa, aben Kayak Nug ah amunu babaittom daatteppa ukkeb, maɗ ewam kalam 6 ele ag nug atognonana, ee medappeg lanana daakkunu ukkom.

Revelesen 12:6

Meum amu, ah nug oola, wan meu waknu nakokib eleleppa, aben Kayak Nug nuhignu babaittomppa ag deɗ 1,260 atognonana, ee medappeg lanana daakkunu ukkom.