1 King 15:12 - Nobonob Baibel

¹² Asa nug danab ag kayak hambuppuak dilag mettid lag nakok, ag amuppa danab danab ele gappai aɗaglagnu daan heppig ele, nug danab amu geɗatta lamatte, wan amu uun goppig. Laa ele nug kayak hambuppuak dottolkad nug mamekkud aɗi heppig amu, nug dottolkad amu loppaɗatta akke ukkom.

1 King 15:12 ပူးပေါင်းရင်းမြစ်များ

1 King 15:3

Abaiya nug hipunin oh, nug mameg heum amu, nug ele heum. Nug alag Dawit nug meu ohppa Yawe dim lamittom bia, Yawe, nuhig Kayak, nug Nug anambia ii dim lamittom.

1 King 21:26

Ahap nug Amo danab heppig bia, nug kobol uɗig wak naunab ele haaha, kayak hambuppuak binalag maama dim lamattom. Amo danab ah amu ag wan amuppa, ag tatam daappig, amge Yawe Nug he, Israel ag danab amu lamadppig.

1 King 22:46

Anukka Jehosapat mameg Asa nug danab ag kayak hambuppuak mettid lag nakokppa danab danab ele gappai kobol heppig amu, nug ag lamattom. Amge laala ag daaegeg, Jehosapat nug amu oh he, ag tuɗidna appa ii daappig.

1 King 22:47

Haen amuppa Edom dilag wanppa king laa ii dayom, amunu Juda dilag king nug Edom wan gumakkunu danab otie, danab amu nug gumattom.

2 King 23:7

Josaia nug amu ha, nug ele danab ag danab danab ele gappai kobol hetteb laulkad, lag amu am mettid lag, nuhig tomppan keeke oh ele, am appa daappig amu, nug amu oh loppaɗattom. Amu ah ag kayak hambuppuak Aserahnu lamen hetteb ele amu, ag ele lag amuppa daappig.

Duteronomi 23:17

Israel danab o ah laa, nug laa ag ib baag ah, o ib baag danab ag ahilag kayak hambuppuak laulkadppa daan, ahilag uɗat hetteb amu, ag Israel, ag oolagppan laa nug amubia aib dayom.

1 Pita 1:18

Ag dootteb, ag mamelkad aɗi ib uug ele, nuhig meu am keeke hamu, ag ib amu dim lamitteg neum amu, Kayak Nug ag ib amunu qagaiettakppanu eɗua uhuqak ha mattom, amge Nug keeke nauhtte ele, gol, silwa bia, Nug amuppa ag qagaiettak amuppanu ii uhuqattom. Iitta!

Jut 1:7

Kobol amubia laa ele am ag Sodom, Gomora ele, amu aab laala taliliatak eleppa anidkkulag. Appan danab ag gappai henana, ag danab danab ele, o ah ah ele gappai ele heppig amunu, nob nau ahilagppa beum. Nob nau amuam aab ewatte, ag padal mena autna aoeg, hanhan daatte. Ag hak naunu nob nau awaknu antte oo maittaknu kobol daatteb.