1 King 13:1 - Nobonob Baibel

¹ Aria, Jeroboam nug mana mettak hekkunu qaɗab Betel appa ha, aguppa mana mettak hekkunu ukka dayeye, Kayaknu propet danab laa Juda wanppanu aha ukke, Jeroboam nug qaɗab amu guguitta hibaitta dayeye, propet amu nug Jeroboam gumitta teum. Propet amuam Juda danab, Yawe Nug propet amu amegppa nug Judanu aha, nug Betel gokkunu a ukkom.

1 King 13:1 ပူးပေါင်းရင်းမြစ်များ

1 King 12:22

Rehoboam nug anam heum, amge Kayak Nug propet Semaia, nug Kayaknu danab amu, Nug nug nai mettom. Nai nug mettom am inam.

1 King 13:26

Am haen propet kaino nug he, Judanu propet eɗua uɗiom ele, nug keeke amu beumnu nai doya, nug aum. “Amuam Judanu propet, nugib. Nug Yawenu nai tappe neum amunu, Yawe he, laion nug uɗia, nug beɗu he nauhe, qe mauhom. Yawe Nug aum bia, am aakku beum,” awa aum.

1 King 13:32

Aɗinu? Yawe Nug Betel ippa propet imu oɗeppa nai mattiom amu, nai amu oh am elele medakku. Yawe Nug Betelnu qaɗab heeb nauheb, am Israel wan ohppa mettid lag nakok, Samarianu aabaabppa mettid hambuppuak haknu abenppa daatteb, amu ele oh heeb nauhkkunu aum amu, nai amu oh am ba, elele medakku,” awa aum.

1 King 13:5

Laa amu, qaɗab ele aoɗe, uhuɗ oh gokkaɗa, wanppa noum. Yawe Nug nuhig propet oɗeppa ippunittaknu at daakkunu aum bia aakku heum.

1 King 20:35

Amu Benhadat noa ukke, Yawe Nug propet danab oolagppanu propet danab laa amegppa a, propet amu nug aha, propet danab laa amegppa aum. “Na ahan, da oiɗe,” awa aum. Nug anam aum, amge propet amu nug uuom.

2 King 23:15

Amu Josaia nug amu oh ha, nug ele Nebat bekka Jeroboam nug hipunin hatta he, Israel danab ah ag hipunin amu ele hadappig, nug anukka aab Betel appa mettid lag nakok, qaɗab laa ele qe daapiɗ amu, Josaia nug Betel appanu mettid lag nakok, qaɗab amu ele he nauhom. Nug amunu men he aoɗeg kalu ne, nug kayak hambuppuak Aserah dabmekkulagnu biidod, appa dayom ele, nug amu ele mane ewom.

2 King 23:17

Josaia nug danab ebehilag amu mane eweg, nug neekke ukke, nug boumak abennu at laa daye antta, nug oɗ mattom. “Amuam aɗitai?” awa oɗ mattom. Oɗ matte amu, Betel danab ag nob mena, amegppa inam appig. “Amuam Judanu propet, nug Kayaknu danab, nuhig boumak aben. Nug anukka uɗia, na gemu qaɗab amunu keeke heme amu, nug amunu mehuqom,” aon appig.

2 Stori 26:16

Amge Usia nug ɠagattag ba dayowa, Usia nug dada danab be, kobol amu he, nug na qeum. Nug dada danab ba daya oiya, nug Yawe, nuhig Kayak, nug Nug ippunattomnu oo metta ii uuak kobol ii dim lamitta ha, ⌊nug nukka nug mana mettak danab abenab awa,⌋ nug Yawenu mettid lag ooppa ukka, nug kalu danab ile muttuɗig enanag bette ele amuppa kalu muttuɗig enanag ileb baknu qaɗabppa amotkkunu ukkom.

2 Stori 26:18

Ag nug dim lamidna gona, ag nug amegppa appig. “Usia, na hettem imuam tutukku iitta. Kalu danab ile, muttuɗig enanag bettenu uɗat am nahip iitta. Iitta! Am mana mettak danab, Aron buɗub, ag Yawenu tituana mettak daatteb amu, am amu dilag uɗat. Anam amunu na eɗun, Kayaknu mettid lag dimittim gokkutoitte! Na Yawe Kayak ippunittomnu oo metta ii uuak kobol ii dim lamidna, eheɗ iikku heme amunu, Nug na binan ii mettama,” aon appig.

2 Stori 9:29

Amu keeke kuɗum laa ele King Solomon digmakppan ukke batakppa ele heum amu, kaya amuam ag buk laalappa yaappig daatteb. Propet danab Natan nug laa amu yom. Propet danab Ahaiya, Silonnu, nug ele laa yom. Amu propet danab Ido, nug tuleglegppa keeke antta, bukppa yom amu, buk amuppa nug Nebat bekka Jeroboamnu nai ya, nug Solomonnu kaya nai ele yom.

Jeremaia 11:12

Danab ah Jerusalem daatteb, Juda danab ah laa oh ele ag gemu kalu danab ile muttuɗig enanag bette ele, ag amu manana, kayak hambuppuak laa madatteb amu, haen uug naunab amu beeb, haen amuppa ag gaanna, kayak amu dilag unuqidkkulag, amge kayak amu ag ii ehanadmana. Iitta.

Jeremaia 25:3

“Anukka Amon bekka Josaia nug Juda dilag king daye, nuhig king dayaknu maɗ 13ppa Yawe Nug digma he, da nuhig nai doomi. Da haen amuppa digmein dooi uɗie, maɗ 22 ukke, gemu am maɗ 23, amu maɗ 23 amu ooppa haen kuɗum Yawe Nug da, Jeremaia, Nug da nai laa meɗe doyeye, da Yawenu nai aɗi doomi amu, da ag amelagppa ami, amge ag daulag ii human dooppig.

Jeremaia 32:29

Babilon daup, ag gemu aab okkai imuppan danab ah aqaglagnu ban hetteb, ag aab okkai imu eɗidna, ooppa uɗin, maippeg eokku. Ewebeb, Jerusalem danab ah ag lag laala koɗokkoppa tena, appa ag kalu danab ile muttuɗig enanag bette ele main, kayak hambuppuak Bal mettona, ag wain gokkaɗaknu ofa kayak hambuppuak laala dilagnu ele heeg, da oppoɗil beum amu, Babilon dilag daup ag lag amu ele maippeg eokku.

Amos 7:13

Baula na propet nai Betel ippa aib mattime! Aɗinu? Mettid lag imuppa amu king nug dup noa binag mak hette. Lag imuam Israel dilag mettid lag,” awa aum.

Amos 7:16

Yawe Nug da meiɗe uɗimi amunu, Amasaia, na Yawenu nai doye! Na dahilnu attem, ‘Na uug naunab Israel dilagppa beeb anidkkulagnu propet nai baula aib mattime! Ao, na baula Aisak buɗub dilagppa uug naunab aqakkunu, na nai amu baula aib mattime!’ aon attem.

Malakai 1:11

Aɗinu? ⌊Da ahilag mana mettak ii aopanu uug laa ii doottem.⌋ Aam bedeppan ukka aam nodeppa da onil am binag ele daakku. Da onil am binag ele daakku amunu, danab ah ag kalu danab ile muttuɗig enanag bette, amu doɗ tutukku ele manan, da meɗaglag,” Yawe Nukka Ɠagattag Oh Ele Nug anam atte.

Namba 16:40

Yawe Nug Moses amegppa a, Moses nug amelagppa nug anamnab hekkunu aum bianab heum. Anam haknu diig am, at amuam Israel danab ag amelagppa hanhan daakku. Anam dayeb amu, ag anidna, auntai laal iitta, Aron buɗubppan ag aakkuib Yawe noobppa kalu danab ile, muttuɗig enanag bette ele amu amotkkulag. Kora laikkud ele ag anam hena mauhppig, am laa ag ele anam helob amu, ag ele mauhlob.

1 Tesalonaika 4:15

Ig nai imu Naɗi oɗe amu ag amelagppa iikku attem. Ig laa oh, ig geha Naɗi Nug eɗua uɗikku haenppa ig danab ah bau daattem ele amu, ig danab mauhppig ele amu daappeg ig ii anuqmata.

Revelesen 8:3

Engel laa ele nug kalu danab ile muttuɗig enanag bette elenu gol tappiɗ aɗa doa, qaɗab noobppa dayom. Dayeye, ag kalu danab ile muttuɗig enanag bette ele okkai medappig. Nug kalu danab ile muttuɗig enanag bette ele, amu Kayaknu danab ah oppiaawak ele dilag unuqittak, nug keeke aɗit amu oh gol qaɗab, amu sia king ⌊anuqak⌋ noobppa daatte, qaɗab amuppa keeke aɗit amu mana, Kayak medakkunu dayom.

1 Samuel 2:27

Aria, deɗ laa Kayaknu danab laa nug Eli toppa ta, nug Eli amegppa Kayaknu nai mattia, inam aum. “Yawe Nug inam atte. ‘Haen na alanad aɗi ag Paro waappa, Isip wanppa daaegeg, da miagib ahilagppa tule bemi.

1 Samuel 9:6

Saul nug anam aum, amge maɗi nid nug aum. “Antte! Aab imuppa Kayaknu danab laa daatte; danab oh ag nuhignu ena elelenab dootteb. Nug aɗi atte amu, keeke amuam genab bette amunu, i goɗa, nug donkinu oɗ mettagnih. I nug oɗ medapuɗ, nug ag adeppa daatteb ab doognihtai,” awa aum.