1 King 11:7 - Nobonob Baibel

⁷ Jerusalem qauko heqo laih aam bedeppanu ukkakppan, appa qauko nakokppa Solomon nug aben aɗit babaittom; laa am Moap dilag kayak Kemos, Kayak Nug nuhignu ooppa uuaknab dootte amu, nug nuhig mettid lag nakok babaittowa, laa am Amon dilag kayak Molek, Kayak Nug nuhignu ele ooppa uuaknab dootte amu, nug nuhig mettid lag nakok ele babaittom.

1 King 11:7 ပူးပေါင်းရင်းမြစ်များ

Genesis 33:2

Mattowa amu, nug wauuɗ amge wauuɗnab iitta aɗit, amu nid ahilti ele anuqakppa maattowa, nug Lea, nuhikkud nid ele ag dimulagppa maatta, nug Rahel, nug bekka Josep ele amu dimnab, ag oh dimulagppa maatom.

2 Samuel 15:30

Aa eɗuya goya daapiɗ, amge Dawit nug ugakka, Olipnu Qauko taata gayom. Nug ikki hauta, baeg gaɗa ele ii meum. Danab ah oh nug ele goppig amu, ag ele ikkilag hautna, gonana gaappig.

1 King 11:5

Solomon nug Saidon dilag kayak ah Astoret, nug dim lamitta, amu nug Molek, kayak amuam Amon dilag kayak, Kayak Nug nuhignu ooppa uuaknab dootte ele, nug ele dim lamittom.

1 King 11:6

Nug anam heum amunu, Solomon nug aakku Yawenu neekkakppa eheɗ heum. Nug Yawe pehettaknab nug mameg Dawit dim lamittom bia ii heum.

1 King 11:8

Solomon nug iitta aɗi ah laa oh diiom amu, nug amu dilag ele anamib he, ag doɗ manan, ahilkad kayak mattan, ag kalu danab ile muttuɗig enanag bette ele, ag amu ele manan, ahilkad kayak hambuppuak madappig.

1 King 15:12

Asa nug danab ag kayak hambuppuak dilag mettid lag nakok, ag amuppa danab danab ele gappai aɗaglagnu daan heppig ele, nug danab amu geɗatta lamatte, wan amu uun goppig. Laa ele nug kayak hambuppuak dottolkad nug mamekkud aɗi heppig amu, nug dottolkad amu loppaɗatta akke ukkom.

2 King 23:10

Amu danab ag aben onig Topet, aben amuam oolnu noak onig Hinom Bekkanu Oolnu Noak, appa dayom amu, ag aben amuppa eɗun gona, ag bekkalkad, aɗelkad aqan manan, kayak hambuppuak Molek mettaglagnu baula hemananu, King Josaia nug aben amu ele he, dubuttid teum.

2 Stori 21:11

Amu Jehoram nug Juda dilag qauko nakok igippa kayak hambuppuak dilag mettid lag nakok bappalattom. Nug amu ha, nug he, Jerusalem danab ah, Juda danab ah laa ele ag kayak amu noolagppa dup nona binalag meppig. Nug Juda danab ah ib eheɗppa omalatte goppig.

Sam 78:58

Ag kayak hambuppuak dilag mettid lag nakokppa ag kayak hambuppuak noolagppa dup nona binalag meppig amu, kobol amuppa ag heeg, Kayak oo nauhak doyom. Ao, ag kayak hambuppuak dottolkad noolagppa dup nona binalag meeg, Nug ahilagnu dahil doya laa aomanu doyak aɗa dayom.

Aisaia 44:19

Danab ag kayak hambuppuak dottolkad hetteb ele oolagppan laa nug tutukku dab-ii-mette. Laa nug doyak elele, o diignu doyak tutukku elele am iitta. Laa nug anam dabmak elelob, o laa nug diignu doyak tutukku elelob amu, nug inam alo. “Ad amunu laih amu da awen, aab ilen, da ee dahil amuppa hemi. Da teppu manen lami. Da amu hemi amunu, gemu da ad amunu laih awen, keeke naunab nau, Yawe Nug amunu ooppa uuaknab dootte amu, da amu hoikkul am enate? Ao, da ad maha awen, amu noobppa da dup noin binag mekkul am enatte?” ⌊Laa nug dabmak elelelob amu, nug anam helo, amge iitta.⌋

Jeremaia 32:31

Danab ag Jerusalem aab kalappignu uɗie, gemu ele appan danab ah ag heeg, da ool nauhe, oppoɗil ele beum amunu, da aab amu da noolppa ii daamanu hekkuloitte.

Jeremaia 32:35

Ag oolnu noak onig Hinom Bekkanu Oolnu Noak appa kayak hambuppuak Balnu mettid lag nakok bappaladna, amu aben amuppa ele ag bekkalkad, aɗelkad aqan manadna, kayak hambuppuak Molek medappig. Ag ahilkad nid manadna, kayak hambuppuak madappig amu, da ag kobol amu hekkulagnu iinab ami. Kobol amunu da oolppa uuaknab doottem. Ag amu hekkulagnu dahil dabmak nakok laa iinab dayom. Ag anam hetteb amunu, Juda danab ah ag hipunin hena, bu aoglagnuib daatteb.” Yawe Nug anam atte.

Jeremaia 48:13

Kekeɗ ag amu heppeg, Moap danab ah ag ahilag kayak Kemosnu, nug ag ehanadkkunu elele iitta amunu, ag nuhignu uɗalag nekku. Anukka Israel ag Betel appa makau nag dottog golppa hak, ag amunu oolagppa genab doyeg, ii ehanatte, uɗalag neum, amubia Moap danab ah ag uɗalag nekku.

Jeremaia 48:46

O Moap danab ah, ahilagnu am gadonnab gadon. Ag kayak Kemosnu danab ah, amge kekeɗ ag heppeg nauhkkulag. Aɗinu? Ag ahilkad nid danab diin goppeg, ag wan laappa diia ukka laih me dayak danab ah wan amuppa daaglag. Ao, kekeɗ ahilkad nid ahin diin goppeg, ag wan laappa ag eppelagppa daaglag.

Esekiel 18:12

Nug daɗek danab amu laa ag keekenu tutu mak daatteb ele eheɗ hadatte. Nug yab hette. Nug keeke lonnu onig awak daatte amu eɗua, mameg ii medatte. Nug kayak hambuppuak binag maama, nug kobol digdig, da kobol amunu oolppa uuaknab doottem amu, nug kobol amu ele hette.

Daniel 11:31

King amu nug heeb, nuhikkud daup ag heppeg, Kayaknu mettid lag am Kayaknu neekkakppa dubuttid tak ele daakku. Kingnu daup ag Israel deɗ oh doɗ manan, Kayak medatteb, ag amu baula hemananu appeg, ii hemana. Ag keeke naunab laa, keeke amuam heeb nauhak bekkunu keeke, ag keeke amu Kayaknu mettid lag, amuppa qabappeg daakku.

Daniel 12:11

King laa nug aha, nug heeb, Israel danab ah ag deɗ oh doɗ mana, Kayak mettaknu mana mettak hekkulagnu elele iitta daappeg, nug keeke naunab laa, keeke amuam heeb nauhak bekkunu keeke, nug amu Kayaknu mettid lag, amuppa qabakku, haen nug amu hekku, haen amuppanu ukkeb ukkeb, deɗ 1,290 ukkeb, batakku.

Lewitikas 26:30

Da kayak hambuppuak dilag mettid lag nakok ahilag oh loppaɗadppi neppeg, kalu danab ilaeg muttuɗig enanag bette elenu qaɗab oh loppaɗkkul. Da heppi, ahilkad kekeɗ ag aqana, gaɗalag diin, kayak hambuppuak dottolkad qaɗelagppa maadkkulag. Da geha ahilagnu amu ena iinab doopa.

Maika 1:5

Yawe Nug oo nauhe uɗittenu diig am, Jakop buɗub ag hipunin henan heeg uɗie, gemu ele hetteb. Ao, Israel danab ah ag hipunin henan ii uuppig daatteb. Amu aun beɗuppa Jakop buɗub ag Yawe uuidna, kayak hambuppuak dim lamadtteb? Amuam ag ahilag aab okkai Samaria aakku. Amu Juda danab ah kayak hambuppuak noolagppa dup nona binalag metteb ele amu, amu hak naunu aab diig am adekku? Amuam ag ahilag aab okkai Jerusalem aakku.

Sekaraia 14:4

Deɗ amuppa nug na, Olipnu Qauko, qauko amu Jerusalemnu kaɗag uɗitteppanu daatte, Nug appa hibaitta dayebeb, qauko amu oppata, laih laih daakku. Qauko oppateb, gamagppa oolnu noak naɗi laa daakku; oolnu noak amuam kaɗag uɗitteppanu digmeeb ukka, qaban uɗitteppanu gokku. Amu bekkunu diig am, qauko laih am ukka, yawalti uɗitteppanu ukkebeb, laih am ukka, yau uɗitteppanu gokku.

Namba 21:29

Moap danab ah, ahilagnu am gadonnab gadon! O gadon, ag kayak hambuppuak Kemos noobppa dup nona binag metteb, ag aakku nauhppig! Ahilag kayak amu nug he, nug bekkod, ⌊ag am ahilkad nid danab amu,⌋ ag oolna gona, wan laalappa, appalag diig iittappa daatteb. Ao, ahilag kayak aɗekkud, ⌊ag am ahilkad nid ahin amu,⌋ ahilag kayak nug amu dilagnu he, Amo dilag king Sihon nug aɗalatte, ag nug eppegppa daatteb.

Namba 33:52

ag danab wan amuppa daatteb ele lamatteg! Ag ahilkad kayak hambuppuak dottolkad adppa hoyattak, ahilkad kayak brasppa, o aenppa eppelagppa hadappig ele amu, ag heppeg nauhppeg, ag kayak hambuppuak dilag mettid lag nakok oh ele loppaɗadna heppeg nauheg!

Matyu 26:30

Nug anam a amu ag ahi laa ettona, ag ahan, dimittim wana, ag Olipnu Qaukoppa goppig.

Aposel 1:12

Aria, ag qauko nakok laa, Olipnu Qauko atteb, ag appanu eɗun Jerusalem wappig. Qauko amuppanu Jerusalem wanak amu miag, 1 kilomita bia. Juda dilag ɗoppa danab nug ahilag Sabat deɗppa tappa ukkak elab amubia gokkunu elele.

Aposel 1:9

Am Nug nai amu amelagppa ana male, ag neegna daaegeg, Kayak he, Nug attan teum. Teete, lombig laa haute, ag baula Nug ii anidppig.

Aposel 7:43

Ag kayak hambuppuak Molek, nuhig sel lag, am kayak hambuppuak Repannu hoɗoppai ele aon oippig. Ag keeke amu dottolah hena, aa nooltippa dup nona binalah meppig. Ag anam heppig amunu, geha da ag diien maadppi gona, laih Babilon eɗittak uppa diia ukka laih me dayak danab daaglag,’ awa aum.

Duteronomi 13:14

Anam beeb, ag amunu dooglag dayeb amu, ag hettoɗiak okkai, elelenab hekkulagoitte. Ag hettoɗiak anam henan, danab amu ag genab kobol amu, Kayak Nug kobol amunu ooppa uuaknab dootte ele, ag kobol amu ag oolagppa heppig anidkkulag dayeb,

Duteronomi 27:15

“Laa nug kayak hambuppuak dottog aɗi keekeppa ha, lokkumakppa qabatte amu, nug eheɗ laa awaknu anak waappa dayaɗ! Kayak hambuppuak dottolkad danab uɗat amu haknu doyak okkai ele amu, Yawe Nug dottog amunu ooppa uuaknab dootte,” aon akkulag. Ag anam aon appeg, danab ah oh ag, “Genab, anam dayaɗ!” akkulag.

Ikki Danab 11:24

Na nahip kayak Kemos keeke mettom, na amu dabmette; ig am Yawe, ihinig Kayak, nug keeke mekkom, ig amu dabmettagnig.