1 King 11:2 - Nobonob Baibel

² Anukka Yawe Nug Israel, ag ah amu diimnanu, Nug ɗo ma, ag amelagppa inam aum. “Iitta aɗi dilag ah amu, ag ahilag kayak hambuppuak diin uɗin heppeg, ag amu dim lamadkkulag amunu, ag wanppanu wan laalappan ah amu, ag diiglagnu, am aib,” awa aum. Yawe Nug anam aum, amge Solomon nug nai amu tappe ne, nug iitta aɗi dilag ah, nug amunu oo huana mauhe, nug wauud diiom.

1 King 11:2 ပူးပေါင်းရင်းမြစ်များ

Genesis 2:24

Amu Yawe Kayak Nug ah danabppa heum, diig amunu ewau matulak haenppa danab nug anig mameg ele uuata, nug wau ele matulak daaya, aɗit amu aa ouqak laippu daaglah.

Genesis 34:3

Sekem anam ha amu, nug Jakop aɗeg Daina ii uuittom. Iitta! Nug nuhignu oo mauhom. Amu ele, nug Daina amegppa nai enaib madittom.

1 King 11:9

Solomon anam he, Yawe, Nug Solomonnu oo nauhom. Aɗinu? Solomon nug eɗua, meu ohppa Yawe, Nug am Israel dilag Kayak, Nug haen aɗit Solomon gumitta neum amu, nug Nug ii dim lamittom.

2 Stori 19:2

Hanani bekka Jehu, nug propet amu, nug aha, King Jehosapat uɗa ta, nug amegppa aum. “Na danab nau ehanidkkut am enate? Na laa nug Yawenu nau ninig ele doottenu oo mauhak dookkut am enate? Na anam heme amunu, Yawe Nug nahipnu oppoɗi bak dootte.

2 Stori 21:6

Jehoram wau am Ahap aɗeg amunu, nug Israel dilag king ag kobol eheɗ dim lamidppig, Ahap nug baekkudppa ele, ag ele amu dim lamidna heppig amu, Jehoram nug ele amubia heum. Nug Yawenu neekkakppa eheɗ heum.

Esra 9:12

Wan amuppan danab ah ag anam ele amunu, aria ag Israel, ag aɗelkad wan amuppan bekkalkad madappeg, ahilkad ah aib daappig. Anamib, ag wan amuppan aɗelkad diin, ag bekkalkad madappeg, ahilkad ah aib daappig. Ag ɠagattag daan, ag wan amuppan ee ena aon lakkulagnu, ag wan amu aon daan, ag ag bekkalkad ag aulag hanhan daakkunu mattaglagnu elele daaglagnu amu, ag wan amuppan danab ah ele layam batan, ag ele nug tituanna nai aib qagappig; gemu, butti aɗi ele anamib.’ Propet ag ig amenigppa anam appig.

Sam 139:21

O Yawe, da laa ag nahipnu nau ninig ele dootteb amu, da ahilagnu ele nau ninig ele doottem. Ao, da laa ag na kekeɗ medatteb amu, da ahilagnu ena iinab doottem.

Eksodas 23:31

Am da ahilag wan tom amu oppatppi, tom amu laa am yu oɗe onig Akaba, appanu digma ukka, yu naɗi Mediterenia appa batak daakku. Tom laa am le naɗi Yupretis laih yawalti uɗitteppanu, appa digma ukka, atu taɗakppa laih yau uɗitteppanu, appa batak daakku. Amu danab appa daatteb amu, da geha ɠagattag ag ag eɗadkkulagnu madakkul amunu, haen ag wan amu ooppa nona, ag danab amu lamadppeg gokkulag.

Eksodas 34:12

Amge ag tutukku dabmeig! Ag danab ah wan ag gemu gona aoglagnu hetteb, ag aguppa daatteb amu, ag Israel, ag danab ah amu ele aib nug tituanppig! Ag anam heppeg amu, danab ah amu ag oolagppa daan, ag ahilag kobol nau hekkulagnu ag eeɗadppeg, ag nena qena, nauhna autna aoglag.

Eksodas 34:16

Am laa amu, ag Israel ag danab ah amu ele nug tituanak hekkulag dayeb amu, haen ag ahilkad nid bau dilag ah huu amuppanu diiglag, am geha ah amu ag kayak hambuppuak ahilkad noolagppa dup nona binalag menana, ag ag gamulkad eeɗadppeg, ag da uuiɗna, kayak hambuppuak amu noolagppa dup nona binalag mekkulag. Kobol amuam dahil neekkakppa gappai aɗa oiyak kobol bia daatte,” awa aum.

Malakai 2:11

Juda danab ah ag Kayaknu oolagppa genab doyak ahilag uuppig oitteb. Ao, Israel danab, Jerusalem danab ele ag kobol laa, Kayak Nug kobol amunu ooppa uuaknab dootte, ag kobol amu heppig oitteb. Aɗinu? Yawe, Nug nuhig mettid lagnu oo mauhtte, amu Juda danab ag laihnu ah, kayak hambuppuak noolagppa dup nona binalag metteb ele, ag amu ag waalkad daaglagnu diin oitteb, amuppa ag heeg, Kayaknu neekkakppa nug laug am dubuttid tak ele daatte.

Rom 1:32

Ag Kayaknu ɗo tutukku, amuam danab ag kobol nau amu hetteb ele, ag mauhkkulagnu atte amu ag dootteb, amge ag kobol nau amu hekkulagnu oolag he, ag amu hetteb. Danab amu ag anam aakku hetteb, amge amu aakkuib iitta. Iitta. Ag ele danab laa kobol nau amu hetteb binalag metteb.

Rom 12:9

Ag lailkad dilag oo mauhak genabppa oolag mauhaɗ! Ag aib hambuppuak bia heppig. Ag kobol eheɗnu nau ninig ele doyeg! Ag kobol ena amuib aɗan autna aweg!

1 Korint 15:33

Hambuppualadmananude dabmeig! Danab nau ag anam maditteb ele amu, ig ag ele oignig amu, geha ag ihinig dabmak heppeg kabolieb, ag oitteb bia oignig.

Revelesen 2:4

Amge eheɗ hak nahip laippu imunu da na amenppa iikku attem. Na anukka baubu Kristen beme haenppan na oo mauhak kobol dim lamidna autna autnanab aome, amge gemu oo mauhak nahip amu anam ii daatte.